الموضوع: إلى كل من ينوي الشراء قريباً ... احترسوا من سمير ريان !!!

للاسف برده مرة واحد صاحبي راح يستلم لانسر قرش من عنده وكان عاينها من كام يوم المهم وهو بيستلم لقى ان الكاسيت اللي فيها مش اللي شافه شاف كاسيت تعبان ومتركب بدل الاصلي المهم عمل هليلة لغاية ما سمير ريان قابله وقاله ممكن يكونوا غلطوا تعال المخزن وشوف المهم راح معاه واذا بالمفاجئة من كل عربية يا بطيسطة كاسيتات متغيرة وحاجات متركبة هنا في مصر ومتشال الاصلي بتاعها وطبعا هو كان دافع عربون وقال انا عايز فلوسي المهم ببجاحة الحاج سمير افندي قاله هندييك اللي انت عايزه من غير شوشرة بس لازم تشرب الرجالة شاي ب 500 جنيه !!!!!!!! طبعا الباشا صاحبي قال مش مهم ودفع واستلم !!!!!!! لو منه والله ابدا وهي مرة حسيت ان داخل على ناس عايزة تقلبني ومن بعدها ولا اعتب عنده .....
فهي القصة مش سيراتو ولا زيرو القصة ان المعرض ده انا اسف مش كويس خالص

تقريبا نفس الموضوع ده حصل معايا مع ناشيونال موتورز بس قبل العربية اليى كنت رايح استملها بعد ما كتبت كل الاوراق والورق راح البنك وجت الموافقة فوجئت مسئول البيع بيقولى وانا بستلم ان العربية زادت 500 جنية ولازم يدفعو
قلت له ازاى العربية سعرها زاد وانا اتفقت على سعر والورق راح البنك وجت الموافقة على السعر اليى احنا اتفقنا علية
خلاصة الموضوع انا مش عاوز اطول عليكم
ان جميع المعارض الغير محترمة يااما بتفك حاجة من العربية او يغلى فى سعر العربية علشان توافق بالامر الواقع وتدفع