الموضوع: لخبراء المنتدي من الرجال p: >>> ايه احلى هدية جاتلك ؟؟؟؟

المشاركة الأصلية كتبت بواسطة ayman2008

the best gift i have ever get is ROLEX watch it is really nice

اكييييييييييييييييييييييي ييييييييييييييييييييييييي ييييييييييييد:D

لو مستغني هاتها p:

المشاركة الأصلية كتبت بواسطة Xpert

البدله فكره هايله .. جو فور ايت ... بدله سوداء و كرافته حمراء معاها تبقي تمام .. بس لو بدله خدي بالك تبقي بدله ب 3 زراير صف واحد سوداء ;) و ابقي شوفس مقاساته بقي الاول (مش عارف هاتاخديها منه ازاي دي من غير ما يعرف )

ما دي المصيــــــــــــــــــــ ـــــــــــبة

اخد مقاساته ازاى و بعدين مفيش معاه مجال انى الف و ادور و احاول اعرف عشان بيلقطني

طيب حد يساعدنى يا جماعة :(

هو طوله تقريبا 188 و وزنه 93

المشاركة الأصلية كتبت بواسطة CryptonX

امم انا شخصيا بحب الالكترونيات جدا :)

فاحلى هدية جاتلي .. كان الكاسيت ال mp3/cd الي ركب في سيارتي كمفاجاءة ليا :)

و ده عندك من 700 لحد فوووووق .

بس انا بكره الدباديب و الهبل ده
و شخصيا اللبس بحب اجيبه بنفسي علشان انا كل الي عندي يا ازرق يا ازرق ! :)

تاني احلى هدية جاتلي كانت حاجة معدتش ال 25 جنيه و هي عبارة عن يافطة صفراء بتتعلق في الزجاج الخلفي للعربية :) بتاعتي مكتوب فيها ( Watch out , lunatic on board ) :)

lol

lol

يا ازرق يا ازرق ؟؟:D
ممم
طيب مفكرتش في الازرق ؟؟:D

بس جامدة اليافطة دي اوى :p

انا فكرت برضه في حاجات للعربيية بس هو معندوش واحدة خاصة بيه و بتاعة البيت هيبيعوها باين:D

بصي بقى. لو فعلا حتجيبيله بدلة مينفعش تجرجريه في الكلام عشان تعرفي المقاس لأنها حتبقى مفقوسة أوي. لازم يكون لك جاسوس:)
يعني انا مرة جبت لزوجي طقم Nike كامل بنطلون و تي شيرت و جزمة (اصله بيحب الكاجوال مش بتاع بدل خالص) و ده كان ايام ما كنا في الجامعة و عشان مكنتش أقدر اسأل حد من البيت عنده خليت واحد صاحبه انتيم يجيبلي مقاساته. انتي ممكن تسألي والدته او حد من اخواته مثلا بس تبقي واثقة انهم مش حيقولوله.
أما بخصوص الاقتراحات الاخرى للهدية حاسألك سؤال, هو خطيبك هواياته ايه؟ يعني مثلا لو بيحب الجيمز بتاعت الكمبيوتر و كدة حاقترح عليكي حاجة غريبة شوية. ممكن تجيبيله بلاي ستيشن و شوية سي ديهات. صدقيني الرجالة ما بيكبروش عالحاجات دي.:):)

لو ليكي سكك توصلك لدولابه عدل ... هاتعرفي المقاسات هعهعهع
(اتش اتش .. احب اقول .. انا ماليش في البلاي ستشين و الكلام ده .. الرجاله متقسمين ل 3 اصناف :
1.واحد بيلبس بدل ز كلاسيك و مايلبسش حاجه غير الكلاسيك .. و ده عامل زي الناس اللي كانت بتطلع في افلام السبعينات .. زي حالاتي كده ..(فئه بسميهم الفئه الباشاواتي .. سلمني نضيف تاخد نضيف)
2. كاجوال من اللي بيلبس جينز و برضه الجينز كلاسيك من اللي لون واحد ده ..
3. الفئه اللي فاكرين نفسهم كوول و بيلبسوا ديرتي و بادي و ملزق شعره ب (-----)

اولاً احب اقول اي واحد هايلبس بدل .. في المناسبات في الرسميات .. كده يعني .. فانسب حاجه في الهدوم هاتبقي البدله .. اللون بقي دي حسب الازواق .. و غالباً الاسود شغال في كله .. النافي بلو (الكحلي الغامق قوي) .. الفيراني شغال برضه .. دارك يعني ... فيه كمان الالوان المستحبه بس مابتتلبسش علي طول .. بتبقي زي الزيتي و البني ... يفضل لو البدله مافهاش تقليمه او متقلمه خفيف خفيف ...
بالنسبه للمقاسات دي تتاخد من علي اي هدوم عاديه .. او من الجواسيس زي ما قالت اختنا اتش اتش ..
لو هوه بيحب الكاجوال ممكن ترينج نايك برضه فكره حلوه من اللي عليه 3 سترايبس علي الجناب ده مش وحش برضه ..
لو لقيتي العمليه عكت و فكست و ماعرفتيش تجيبي المقاسات خليكي في ساعه كلاسيك نوع يكون نضيف (يفضل طبعاُ الساعات السويسري او الياباني ) ..
المهم تعرفي شخصيته ايه و بيحب ايه علشان تجيبي حاجه تعجبه .. لأن لولا اختلاف الاذواق .. لبارت السلع ...

عزيزي Xpert انا قلتلها لو بيحب الجيمز ما عممتش. بس في شباب كتير بيحبوا الحاجات دي, مش عيب يعني (و مالهاش دعوة بيلبس ايه)
عزيزتي أونا يا ريت تقوليلنا خطيبك اهتماماته ايه عشان نعرف نقترح حاجات مناسبة ليه.

طيب :D بس هوه زي مانا ما باقول كده :p .. اصل احنا بنتصنف حسب درجه "العمليه" .. ;)
فعلاً معظم الشباب بيحب الجيمز ... و مش عيب .. بس احسن يكون خطيبها من النوع اللي مابيحبش الجيمز :)