لخبراء المنتدي من الرجال p: >>> ايه احلى هدية جاتلك ؟؟؟؟

hh · 03-03-2008 05:22 PM

مش عارفة أخر سطر طلع هيروغليفي ليه:)
مستنيين تعليقاتك يا اونا عن هواياته يمكن نقدر نقترح حاجة جديدة

**Xpert** · 03-03-2008 05:22 PM

نيهيهيهيه :d طيب .. خلاص انا سكتت اهه احسن اتضرب النهارده :d
نستني الاب ديتز :)

hh · 03-03-2008 05:26 PM

ما عاش اللي يقدر يلمسك يا Xpert..... طب خللي حد يحاول بس و شوف الغزو الحريمي بتاع المنتدى حيعمل فيه ايه :) :) :)بس انت ما يرضيكش تبقى بتغلط في ابو العيال:)

**Xpert** · 03-03-2008 05:28 PM

مقدرش اغلط في ابو العيال انا باتكلم علي الشباب السينجل لسه :D

**Noha.M** · 03-03-2008 10:38 PM

المشاركة الأصلية كتبت بواسطة mars3v

إنتى تجيبيلو صاعق كهربه أو سبراى سيلف ديفينس :d عشان تضمنى انو يجيلك حته واحده كل مره:d... و لو اتمرع عليكى، تفضى عليه بطارية الصاعق لحد مايشيط:d

Lol:D:D

انا كدة هعزبه عشان اطلع منه اعترافااات:D لا بس متخفش عليه انا افرهض بلد من غير صاعق كهربائي ولا حاجة هو بيقر و يعترف بكل حاجة

المشاركة الأصلية كتبت بواسطة hh

أما بخصوص الاقتراحات الاخرى للهدية حاسألك سؤال, هو خطيبك هواياته ايه؟ يعني مثلا لو بيحب الجيمز بتاعت الكمبيوتر و كدة حاقترح عليكي حاجة غريبة شوية. ممكن تجيبيله بلاي ستيشن و شوية سي ديهات. صدقيني الرجالة ما بيكبروش عالحاجات دي.:):)

مهو بيحب اوى البلاى ستيشن بس انا استحرم ادفع فلوس في جيمز !!!

حلو اوى عليه السيبر كافيه اللى جنب بيته بيروح هو و صحابه يتغلبلي و يجيي .. كل ما يكون في نص الجيم و نفسه يكسب اقوم اتصل بيه و اغلس شوية بيبق هيعيط منى

قلتله انت كدة كدة خيبة مبتعرفش تلعب متلزقهاش فيه و مكلمتوش تانى يوم خالص .. بعد شوية اتصلت ها يبني كسبت قالى لأ اتغلبت يا اوننا:D:D

طيب هو بيحب التصوير و كريم منير اقترح عليه كاميرا ديجيتال متهيألى حلوة برضه عجبتني كمان الفكرة دى

المشاركة الأصلية كتبت بواسطة Xpert

لو ليكي سكك توصلك لدولابه عدل ... هاتعرفي المقاسات هعهعهع
(اتش اتش .. احب اقول .. انا ماليش في البلاي ستشين و الكلام ده .. الرجاله متقسمين ل 3 اصناف :
1.واحد بيلبس بدل ز كلاسيك و مايلبسش حاجه غير الكلاسيك .. و ده عامل زي الناس اللي كانت بتطلع في افلام السبعينات .. زي حالاتي كده ..(فئه بسميهم الفئه الباشاواتي .. سلمني نضيف تاخد نضيف)
2. كاجوال من اللي بيلبس جينز و برضه الجينز كلاسيك من اللي لون واحد ده ..
3. الفئه اللي فاكرين نفسهم كوول و بيلبسوا ديرتي و بادي و ملزق شعره ب (-----)

اولاً احب اقول اي واحد هايلبس بدل .. في المناسبات في الرسميات .. كده يعني .. فانسب حاجه في الهدوم هاتبقي البدله .. اللون بقي دي حسب الازواق .. و غالباً الاسود شغال في كله .. النافي بلو (الكحلي الغامق قوي) .. الفيراني شغال برضه .. دارك يعني ... فيه كمان الالوان المستحبه بس مابتتلبسش علي طول .. بتبقي زي الزيتي و البني ... يفضل لو البدله مافهاش تقليمه او متقلمه خفيف خفيف ...
بالنسبه للمقاسات دي تتاخد من علي اي هدوم عاديه .. او من الجواسيس زي ما قالت اختنا اتش اتش ..
لو هوه بيحب الكاجوال ممكن ترينج نايك برضه فكره حلوه من اللي عليه 3 سترايبس علي الجناب ده مش وحش برضه ..
لو لقيتي العمليه عكت و فكست و ماعرفتيش تجيبي المقاسات خليكي في ساعه كلاسيك نوع يكون نضيف (يفضل طبعاُ الساعات السويسري او الياباني ) ..
المهم تعرفي شخصيته ايه و بيحب ايه علشان تجيبي حاجه تعجبه .. لأن لولا اختلاف الاذواق .. لبارت السلع ...

هو من النوه التاني يا expert كلاسيك و جينز الاتنين شغال بس جينز اكتر
انا فكرت برضه في ساعة بس ساعته حلوة اوى مش عايزاه يغيرها

هو لحد دلوقتي انا بفكر يا بدلة يا كاميرا ديجيتال بس اعرف بس range الاسعار

**Xpert** · 03-03-2008 10:47 PM

البدله لو حاجه حلوه سكه ال 600-700 جنيه اقل واجب .. الكاميرا بقي مش عارف :d

hh · 04-03-2008 01:24 AM

مهو بيحب اوى البلاى ستيشن بس انا استحرم ادفع فلوس في جيمز !!!

اهم حاجة في الهدية انه يفرح بيها حتى لو انتي مش مقتنعة بالحاجة.. ما هو كل الرجالة مثلا شايفين الورد فلوسه مرمية على الارض لكن احنا بقي بنفرح بيه قد ايه؟ فكري في موضوع البلاي ستيشن ده انا متأكده انه حيطير بيها و اسألي حد من أصحابه على كام جيم حلوين تجيبيهم معاها.