اقتباس المشاركة الأصلية كتبت بواسطة tefa666666 مشاهدة المشاركة
انا من القومية تحديدا قريب جدا من عمارة ماشاء الله وعربيتي كويتي كاملة لونها شامبين




فرصه سعيده جداا يا باشا..انا كمان اصلا من القوميه..بس بقالى فترة طويله خالع منها كده بس بنزل اجازات كتير...

والعربيه معايا سبورت كامله وكيل (مصرى)..سمرا..

وكنت سمعت طبعاااا...قبل ما اشتريها اقااااويل وحكايات واساطير صاحبه الرداء الابيض.. وحاجات عجيبه كده ..حاولت ادور عليها فى العربيه ملقتهاش..استغربت ...قلت اومال الناس كانت بتجيب كلامها ده منيييين...

فافتكرت حاجه مهممممه جدا...وعرفت السبب

ان الشعب المصرى زى العسل...كلمه ( الله اعلم .. و.. معرفش )

لا يمكن لسانه ينطقها ابداااا... لا يمكن يستخدمها كنوع من انواع الاجابات فى الاسئله اللى ممكن يتسالها..الكل بيشتغل فى دار الافتاء المصريه ما شاء الله عليه


وعايز اقولك كل ده طلع عكسه تماما فى العربيه ما شاء الله بجد..

انا الحاجه الوحيده اللى قلقت منها انى اجبها من غير ضمان وده اللى خلانى اروح التوكيل..لان حصل موقف مع معرض سيارات كده لا داعى لذكر اسمه..ان الله حليم ستار...وبصراحه خنقنى جدا.

برغم ان كنت عارف ان الخليجى وتقريبا الكويتى..بيكون فيها حاجه او حاجتين ذياده...

فكنت سأ عقد مقارنه..بينها وبين الاخرى...لاستخراج الاختلافات

عموما يا فندم...ان اتشرفت بمعرفتك...وفرصه سعيده بجددد..ان الاقى الشراقوة فى كل مكاان منورين
انا يا باشا الاسعد والله واسف جدا اني اتاخرت في ردي عليك وفعلا الشعب المصري كله متخيل ان الشارك ابطا وافشل عربية في التاريخ علشان متورها 1500 عندهم اقتناع تام ان الموتور القوي لازم يكون 1600 وبس لاكن ملوش دعوة بالهورس باور و الايروديناميك بتاع العربية هو كل همه انو الموتور يكون 1600 وخلاص

والله يا باشا قبل ما اشتري العربية دى سمعت قصص غريبة اللي يقوللي سحلفة في الجري واللي يقوللي بتجيب فتيس واللي يقوللي لو حد ريحلك عليها هتجيب ربع وكل ده كنت بسمعه من ناس متعرفش حاجة عن العربية و لا كانو شافوها اصلا و بعد ما جبتها عرفت قد ايه انها عربية محترمة جدا جدا جدا