حاجه محيره جدا

**m.aligamal** · 29-08-2010 02:53 PM

السلام عليكم و رحمه الله
اليومين دول فى حاجه كده بتحصل فى العربيه غريبه شويتين
الصبح ادور العربيه تدور من اول مره زى الفل و فى اى وقت بتدور على طول المشكله مثلا لما اخبط مشوار محترم و اجى ادورها بعد ربع ساعه مثلا من الركنه الاقى العربيه مدورش و مدرش بمعنى انى بسمع تكه لكن المرش مبيعتلش معايا افضل ادور و اسمع الصوت ده لغايه ملاقى المرش بدا يعمل صوت العتل ده و تحس ان العربيه بتقوم بالعافيه لغايه اما تقوم مش عارف يا ترى دى من ايه رغم ان البوجيهات تعتبر جديده و الكربراتير متنضف و العربيه عامه السحب بتاعها تمام و كله تمام
انا مش عارف ده من ايه

**mohamed_e36** · 29-08-2010 02:55 PM

ممكن يكون الموتور بيسخن جامد فبيعتل معاك في الدواره

**m.aligamal** · 30-08-2010 01:21 AM

حضرتك الموتور مش بيسخن عشان درجه الحراره دايما عندى فى النص او تحت النص و نادرا المرواح تشتغل

**m.aligamal** · 30-08-2010 01:34 AM

لا الموتور مش بيسخن عشان اساسا مراوح العربيه مش بتشتغل و درجه الحراره عندى دايما فى النص او تحت النص

**Haitham10** · 31-08-2010 07:45 AM

المراوح مش بتشتغل !!
دة بعد دوارة الصبح ب10 دقايق تقريبا وهاتك يا مراوح تشتغل وتفصل طول اليوم من الحر ازاي عندك مش بتشتغل .......

عموما مشكلتك ممكن يكون السخان واطي زيادة عن اللزوم او تظبيط في كهربه الموتور لانها كانت بتحصل معايا بنفس الطريقة الي حضرتك بتوصفها واوقات مش شرط بعد مشوار