الموضوع: ................* قسم ديهاتسو في المنتدي في ازمة ....................*

أنا شايف ملاك الدايهاتسو ذوي طبيعه هادئه بعيدة عن الأضواء

المشاركة الأصلية كتبت بواسطة mo7a_mo7a

ونعم الناس والله
بس الكلام ده مينفعش في منتدي علي الانترنت
شوف كده منتدي رينو لوجان !!
هــــــــــــيـــــــــــ ـــــــــــصـــــــــــــ ــــــــــــــة
المداخلة بتجري ورا المداخلة عيزة تطولها

طب ما تشيلو بقى علامه دايهاتسو وتحطو علامه رينو

يمكن المداخلات تهيص شويه

المشاركة الأصلية كتبت بواسطة mo7a_mo7a

اصدقائي الاعزاء وزملائي الكرام

انا شايف ان قسمنا في ازمة حادة ومشكلة كبيرة

مشكلة منتدي ديهاتسو بالذات ان معظم المشاركات مواضيع شخصية
مشكلة مثلا وصاحبها بيطلب حل .... او طلب مساعدة .... او راي في سيارة
وطبعا ده مش عيب ومش ضار انما المشكلة ان بعد العضو ما يوصل للي هو عايزه حتي ما بيكلفش نفسه يرد بالنتيجة او اخر التطورات وده بيكسر حلقة نقل الخبرات

وحتي معظم المواضيع دي مكررة .. شوفو حضراتكم كام موضوع بيقول "اشتري تريوس 99 ولا لأ" وكام موضوع "ايه رايكم في السريون" .. وكام موضوع "عايز اسعر عربية ديهاتسو"
والحكاية دي بتصيب الاعضاء القدامي بالملل والاحباط وبتنفر اعضاء جدد من المشاركة
خلونا نعترف بان منتدي ديهاتسو من اقل اقسام نايل موتورز في مناقشات المواضيع الفنية .. واقلهم في معدل المشاركات اليومي رغم ان عدد المتابعين والزوار مش قليل وان في ناس ممتازة معانا وافاضل
اعتقد ان الحل هو التركيز علي المواضيع الجادة وطرح ساحات نقاش وزيادة جرعة نقل الخبرات
ومش عيب اننا نوجه دعوات لاعضاء اخرين في منتديات تانية للمشاركة زي سبعاوي ومحمد ممدوح ...الخ

اعتقد اني لخصت المشكلة وفي انتظار مشاركاتكم الجادة

أخي الكريم ..

أسمحوا لي بأن أشارك معكم في هذا الموضوع الهام و ذلك لأن تلك المشكلة ليست في قسم الدايهاتسو فقط و لكن معظم الاقسام بأستثناء بعض الاقسام التي تكثر المشاكل بسياراتها

حضرتك لمست وتر هام جدا و حساس يخص المنتدي كله و ليس قسم من أقسامه و أقتربت كثيرا من التعرف علي داء اصابنا و هو ..
- تكرار المواضيع
- سطحية بعض المواضيع و خلوها من المضمون الجاد و المفيد مما يصعب من مهمة البحث و القراءة فيضطر العضو الي كتابة موضوع جديد

لذا .. لي أقتراح و هو ..
- أعادة فهرسة المواضيع المهمة التي تحتوي علي مشكلات متكررة و حلولها كي تكون مرجع لكافة الاعضاء
- تثبيت هذه المواضيع في مقدمة الصفحة مع غلق المشاركة فيها كي تسهل عملية القراءة و البحث
- عند وجود أي موضوع جديد يحتوي علي أستفسار او سؤال و يكون مكررا يتم تحويله الي الموضوع الاصلي
- ألتزام الاعضاء السائلين بالرد و الابلاغ عن نتيجة ماتوصلوا له feed back كي تكتمل الحلقة و نصل الي الهدف المنشود من المشاركة

مع خالص تحياتي
م/ سمير الشهاوي

المشاركة الأصلية كتبت بواسطة SE_coralsea

أخي الكريم ..

أسمحوا لي بأن أشارك معكم في هذا الموضوع الهام و ذلك لأن تلك المشكلة ليست في قسم الدايهاتسو فقط و لكن معظم الاقسام بأستثناء بعض الاقسام التي تكثر المشاكل بسياراتها

حضرتك لمست وتر هام جدا و حساس يخص المنتدي كله و ليس قسم من أقسامه و أقتربت كثيرا من التعرف علي داء اصابنا و هو ..
- تكرار المواضيع
- سطحية بعض المواضيع و خلوها من المضمون الجاد و المفيد مما يصعب من مهمة البحث و القراءة فيضطر العضو الي كتابة موضوع جديد

لذا .. لي أقتراح و هو ..
- أعادة فهرسة المواضيع المهمة التي تحتوي علي مشكلات متكررة و حلولها كي تكون مرجع لكافة الاعضاء
- تثبيت هذه المواضيع في مقدمة الصفحة مع غلق المشاركة فيها كي تسهل عملية القراءة و البحث
- عند وجود أي موضوع جديد يحتوي علي أستفسار او سؤال و يكون مكررا يتم تحويله الي الموضوع الاصلي
- ألتزام الاعضاء السائلين بالرد و الابلاغ عن نتيجة ماتوصلوا له feed back كي تكتمل الحلقة و نصل الي الهدف المنشود من المشاركة

مع خالص تحياتي
م/ سمير الشهاوي

أوافق وبشدة..

المشاركة الأصلية كتبت بواسطة mo7a_mo7a

اولا الف شكر لاهتمامك يا باش مهندس

ومفيش خلاف علي كلامك ده وانا سبق وشرحت الحكاية دي بالتفصيل

لكن انا ليا لوم شديد علي العضو الفاضل مشرف المنتدي (رغم اني معرفوش - ويكون لي الشرف طبعا)
عندي احساس بعدم الاهتمام من جانبه بالقسم
غربلة الموضوعات وفهرستها مسئولية المشرف
ضم الموضوعات المشابههة مسئولية المشرف
استبعاد ونقل المواضيع الغير جادة مسئولية المشرف
ترقية الموضوعات المفيدة والفاعلة وتثبيتها وضمها لقائمة اهم الموضوعات مسئوليته ايضا

كل هذا ليس للاعضاء دخل فيه

ولو نظرنا بحيادية وموضوعية حنلاقي في شغل كتير اوي في القسم متراكم ولم يتم النظر اليه من قبل المشرف
وبدون ذكر علشان منحرجش حد في اخطاء في المداخلات صارخة وتخالف قواعد المنتدي زي الكتابة بالاحمر او تكرار الموضوعات او تكرار المداخلات ولا يتم تنبيه صاحبها الا عند ابلاغ عنها
وده معناه ان الحجات دي مبتتقريش

وبعد كل ده انا شايف اننا محتاجين من مشرف القسم نشاط اكبر واعادة نظر في مهامه وتواجده بالقسم

وللجميع منا كل حب وتقدير

+1111111111111111111111111111111111

المشاركة الأصلية كتبت بواسطة أبو عبدالله

ثانيا الدايهاتسو مشاكله تعتبر معدومة مقارنة بماركات اخرى دائما ما تجد عضو بيسأل عن مشكلة حصلتله عكس هنا
احنا هنا بنتكلم مع بعض في كماليات اكسسوارات تبادل خبرات عن حاجات قديمة
كل واحد راكب عربيته ومش لاقي حاجه يتكلم عليها في العربيه غير انه بيدور على جديد يعمله او اخره يسأل على الصيانة القادمة له

انا باتفق جداً مع راي أبو عبد الله

والرأي ده كمان عاجبني

المشاركة الأصلية كتبت بواسطة zegazi

أنا شايف ملاك الدايهاتسو ذوي طبيعه هادئه بعيدة عن الأضواء

وياريت يا جماعة نراعي إن أصحاب الدايهاتسو كعدد لا يمكن مقارنتهم بأصحاب موديلات كوري أو أوروبي تانية، إحنا هنا بنتكلم على 5 موديلات تقريباً تيريوس وسيريون وماتيريا وشاريد وميرا (إعذروني لو ناسي حاجة).
والحاجة التانية اللي لازم نراعيها إن مش كل الناس ظروفها زي بعضها
لو فيه قسم عدد الناس اللي ظروفها تسمح تشارك وترد وتتفاعل كبير فده مش مبرر إننا نفضل كل شوية نلوم اللي ظروفهم لا تسمح بده بالشكل اللي الواحد كل شوية بيشوفه في موضوعات الدايهاتسو بالشكل ده

ده رأيي واعذروني إن كان يخالفكم الرأي