الموضوع: العربيه النوبيرا الجديده مش بتسحب

المشاركة الأصلية كتبت بواسطة samirayad

كنصيحه أخرى

حاول عدم التحريق على الغيارات وعامل الفتيس بلطف مستقبلا لأن كده الفتيس برضه كفائته الفنيه قلت كثيرا وما رأيته من لون أسود للزيت عباره عن بودره كربونيه خاصه بتيل كلاتشات التعشيق أذا قل سمك ورق الكلاتشات وبالتالى يجب معاملة الفتيس بصوره هادئه لكى تستطيع أخذ سحب مناسب من السياره مستقبلا يعنى ببساطه شديده الفتيس حاليا عندك محتاج معامله خاصه ولا كيك داون ولا غيره علشان العمليه تمشى فى سلام

+111111 و بعد شهر او اتنين او لما تمشي 5000 كيلو مثلا غير زيت تاني و شوف لو الزيت نازل برضة اسود و محروق يبقى استمر في المحافظة و الاستعمال الحريص قوي عالفتيس لانة لو قرصت جامد على اي غيار (خللي دايما ال ار بي ام تحت ال 4000) او اديت كيك داون او استخدمت العصاية في النقلات (تسقيط) يبقى اعمل حسابك حاتغيرة

اما لو ربنا اكرمك و لما غيرت زيت تاني بعد الاستعمال فترة و لقيت الزيت نازل كويس و مش محروق يبقى غير فلتر الفتيس و حط زيت نضيف (شل او موبيل او امارات و تجيبة من محطة البنزين مش من محلات الزيوت) و ربنا يباركلك و استعملها عادي

الشارع اللي وراء المزرعه

يعني و انت داخل الحرفيين خش يمين مع المزرعه من التقاطع

اول او تاني شارع يمين بعد المزرعه

شارع على اولة فرن صابر الاسمر, خش الفتحه اللي قبلة , الونش في اخر الشارع عاليمين