مشكله فى العربيه الجديده؟؟؟

**Dracola55555** · 23-04-2009 04:08 PM

ياجماعه محتاج منكم النصيحه فى المشكله الى عندى
انا مشترى عربيه شيفروليه لانوس فول اوبشن 2009 من حوالى اسبوعين وبصراحه مش بسوقها كتير لانى لسه بتعلم جديد.
بالرغم من انى معنديش اى خبرات سابقه مع العربيات بس الى ملاحظه العربيه بتسخن قوى بعد ما بمشى بها مسافات صغيره حوالى 500 متر مثلا.
ولما فتحت الكبوت عشان اشوف الميه مستواها ايه لقيت مستواها كويس يعنى مش ناقصه.
ياترى اوديها للتوكيل ولا ممكن اوديها عند اى ميكانيكى يصلحها.
وياترى فى مشكله لو اتحركت بيها ولا استنى احل المشكله دى الاول؟

ولكم جزيل الشكر مقدما

**mrwho1982** · 23-04-2009 04:15 PM

لاااااااااااا يابني ميكانيكي مين اوعي انت عربيتك جيدة يعني علي التوكيل علي طول وده لوفي مشاكل اصلا

وبالنسبة لسخون العربية المفروض ان الامبير بتاع الحرارة يوصل للنص او مايعديش النص

**piezo** · 23-04-2009 04:16 PM

اولا مبروك عليك العربيه وربنا يبارلك فيها ان شاء الله
انا عايز اعرف يعني ايه بتسخن معلش بتسخن و المؤشر بتاع الحراره بيعدي النص ولا قصدك ان المؤشر بيطلع بسرع ؟
و نصيحه بلاش الميكانيكي مادام العربيه في الضمان

**evoo90** · 23-04-2009 04:17 PM

نفس الحوار حصل معايا وكنت جايب شيفروليه افيو وعلى فكره العربيتين واحد الفرق العفشه والبودى بس..
وكانت بتسخن بسرعه والمروحه مش بتدور على طول وم}شر الحراره بيثبت على النص دايما واول مايعدى النص المروحه تشتغل
كنت فاكرها مشكله وقعدت اسألأ وكله بيقولى عادى
خد بالك ان العربيه لسه جديده يعنى الاجزاء بتاعه الموتور مالينتش مع بعضها وده بيزود الاحتكاك وبيزود الحراره
ماتقلقش كل ده طبيعى وان شاء الله سليمه ولو لاحظت اى شيئ غير طبيعى ابقى قولنا وان شاء الله نساعدك...

**Dracola55555** · 23-04-2009 04:25 PM

بدايه انا فى غايه الشكر والامتنان على ردودكم
على فكره انا عضو هنا من زمان فى المنتدى الروعه ده
وانا والله اخترت اللانوس بناء على اختيارتكم انتو
هو ياجماعه الامبير مش بيعدى النصف
بس لما بلمس الكبوت بلاقى العربيه سخنه
ولما فتحته لقيتها مولعه نار بالرغم من انى لسه معدتش بيها 400 كيلو
وده بيحصل معايا فى المسافات الصغيره جدا
عشان كده انا قلقان شويه؟ على فكره يعنى ايه تلين العربيه؟
اصلى واحد قلى السبب ان العربيه متلينتش لما جبتها؟

ياريت توضحولى اكتر

**evoo90** · 23-04-2009 04:30 PM

ياباشا عاااااااادى جدا العربيه تعتبر لسه بتلين ولازم تسخن اهم حاجه المؤشر ادام ماعداش النص بسرعه يبقى ماتقلقش كله تمام هى اى عربيه جديده كده بتسخن بسرعه وده بيبقى فى اول 1000 كيلوا للعربيه بعد كده هتلاقيها بقت عادى

**OZYDREAMS** · 23-04-2009 04:46 PM

مرحلة التليين المفروض متقرصش فيها على الغيارات وخد بالك من الحراره فى التابلوه والار بى ام ماشى على كام

**Fadi Ezzat** · 23-04-2009 05:21 PM

ياباشا السخونية دى عادى خالص طالما الامبير مش بيعدى النص
يعنى مثلا انا ابن عمتى اسمة جورج عندة شيرفولية لانوس
اشتكالى من الموضوع دة بردة
بس شفتة لقيتة عادة خالص

**Dracola55555** · 24-04-2009 01:53 AM

طيب ولما فتحت الزمزميه بتاعت الميه لقيتها بتطلع ميه سخنه قوى ودخانه

-

الموضوع: مشكله فى العربيه الجديده؟؟؟

LinkBack

أدوات الموضوع

عرض

-

-

-

-

المواضيع المتشابهه

ايه العربيه البونتو الجديده الي هتنزل دي

مشكله في عربيتي الجديده

العربيه النوبيرا الجديده مش بتسحب

مشكله في العربيه في الدواره و صوت العربيه عالي !!!!!!

ايه هي العربيه الجديده من شيفروليه

الكلمات الدلالية لهذا الموضوع

المفضلات

المفضلات

ضوابط المشاركة