الموضوع: سؤال عن شراء الماتريكس

العربية المانوال فعلا بكاسيت jvc و الأوتوماتيك بس هي اللي بكاسيت cd هيونداي و ممكن لو عايزها مانوال تجيبها من غير كاسيت و لا ريموت و تركبهم بس في غبور يعني ممكن تشتريهم من برة و تركبهم عند غبور بس ماتسمعش الكلام اللي يقولك ركبهم برة عادي لإنهم في التوكيل هيتتلككوا و يقولولك مادام لعبت في الضفيرة يبقي هتخرج من الضمان و كل الناس بتقول إنهم في غبور مش بيعترضو لو إشتريت الحاجة من برة المهم هما اللي يركبوها و طبعا كلة بحسلبة هتتكلف شوية بس خليك في المضمون و الله و أعلم

على فكرة أنا روحت النهاردة ايتدكو اللى فى شالرع الطيران و لقيتهم عارضين المانيوال بالسى دى هيونداى (و مالى مكان الكاسيت كله) و فعلا باين ان معاملتهم كويسة و بفكر اشتريها من عندهم خصوصا ان التأمين الشامل عندهم %2 و فى أبو غالى قالولى %2.5
شكرا لكل الردود

ياريت لو تقولي إية تفاصيل التأمين لأني ما عنديش فكرة بس لو 2% يعني حوالي 150 في الشهر ولا فية مصاريف تانية و لو فية ياريت تقولي و شكرا.

التأمين ده شامل التأمين ضد السرقة و ضد الأضرار الناتجة عن الخطأ الشخصى و كمان عن خطأ الغير و لو لا قدر الله حصل حاجة الفروض بيتعمل محضر فى القسم و بعد كدة التأمين بيتحمل كل المصاريف الخاصة بالتصليح. و قالولى كمان انه فى حالة عدم استخدام التأمين طول السنة بيقل مبلغ التأمين لـ %25 فى السنة اللى بعدها

افضل مكان للحجز هو التوكيل لان المعاض مهما كانت اسم كبير ممكن يطلع فيهم نصابين زى الفرسان ابعد عن المعارض لو مش هيسلمك العربية وورقها وكل حاجة فى نفس لحظة الشراء ..............نصيحة خليك مع التوكيل أفضل

أعتقد ان فيه ورق ( مش عارف الافراج الجمركى أو حاجة تانية) المفروض انا أجيبه بعد الشراء وللا كل الأوراق بأستلمها من عندهم ؟

[أعتقد ان فيه ورق ( مش عارف الافراج الجمركى أو حاجة تانية) المفروض انا أجيبه بعد الشراء وللا كل الأوراق بأستلمها من المعرض أو التوكيل؟]
يا ريت اللى عارف يقولى وشكرا للاهتمام

ماحدش يستغرب, أصلى أول مرة اشترى عربية !!!