لانوس 2 موديل 2006 - تعريق زيت خفيف على الموتور - ايه السبب؟

**magdyabulela** · 07-03-2008 04:58 AM

أولا أحب أشكر جداً الأخوة اللي ردوا عليا في المشكلة دي لاني بصراحة قلقت جدا من تعريق الزيت ده..العربية اصلها ماكملتش معايا 3 او 4 اشهر وكمان موديل 2006 يعني ماتوقعتش ان يبقى فيها مشكلة زي كدة .. إمبارح روحت لمركز خدمة لدايو في شبرا قريب مني ولاقيت الناس هناك فاهمة الى حد كبير وطلعت المشكلة في "الاويل سيل" فعلا بتاع الموبينة وغيرته بحوالي 15 جنيه (قال يعني زي التوكيل) ... وبصراحة انا دوست شوية وحاولت اعمل ما يشبه بصيانة الـ 25000 لان العربية عاملة تقريباً حوالي 24000 كم ... غيرت فلتر بنزين وبوجيهات وتيل فرامل أمامي (كانت مش عاجباني الفرامل بصراحة" وكمان زودت زيت الباور وكان فيه لامبة شبورة مش شغالة زبطها وربطت العفشة ...شكرا كمان مرة وانا اسف اني طولت عليكم وازعجتكم...
مجدي

**badblood** · 07-03-2008 03:16 PM

ربنا يوفقك واي خدمة محدش يتأخر على حد هنا خااااااااااااااااااااالص

**Sherif Khalifa** · 08-03-2008 12:34 AM

انت كمان ممكن تغسل المتور من اثار الزيت و تتابع هل فى لسة تسريب ولا لاء
علشان الاويل سيل دا انا غيرتة مرتين و بعد كدة طلع العيب من قاعدة الموبينة نفسها
كانت مقفعة

انا مغير كل الاويل سيل الى فى النتور و حافظهم واحد واحد علشان لو طلعتلك حاجة كمان لاقدر الله :) انا فى الخدمة

**magdyabulela** · 08-03-2008 06:03 PM

مرسيه يا شريف باشا..انا عارف ان الاخوة هنا كلهم ناس فاهمة ومتعاونين..بس السؤال التاني معلش اغسل الموتور ازاي...فيه ناس قالوللي اجيب اسبراي "اس تي بي"...وقالولي بلاش اغسلها في البنزينة علشان كدة غلط...الموضوع ده كان زمان سهل ايام ما كان معايا ال 128 وبعدين اللادا كنت باغسل عادي فمش عارف تنصحوني بايه؟ وشكرا كمان مرة.

**moby** · 08-03-2008 07:43 PM

المشاركة الأصلية كتبت بواسطة Sherif Khalifa

انت كمان ممكن تغسل المتور من اثار الزيت و تتابع هل فى لسة تسريب ولا لاء
علشان الاويل سيل دا انا غيرتة مرتين و بعد كدة طلع العيب من قاعدة الموبينة نفسها
كانت مقفعة

انا مغير كل الاويل سيل الى فى النتور و حافظهم واحد واحد علشان لو طلعتلك حاجة كمان لاقدر الله :) انا فى الخدمة

عزيزى كلامك صحيح 100%
لأنى غيرت هذا الأويل سيل ومازال يوجد عندى رشح زيت
فهل هذا عيب فى القاعدة الألومنيوم التى تحت البوبينة ؟؟؟
أرجو الرد من فضلك لأنى كنت ناوى أغيره للمرة الثانية
وشكرا

**Sherif Khalifa** · 09-03-2008 12:43 AM

المشاركة الأصلية كتبت بواسطة magdyabulela

مرسيه يا شريف باشا..انا عارف ان الاخوة هنا كلهم ناس فاهمة ومتعاونين..بس السؤال التاني معلش اغسل الموتور ازاي...فيه ناس قالوللي اجيب اسبراي "اس تي بي"...وقالولي بلاش اغسلها في البنزينة علشان كدة غلط...الموضوع ده كان زمان سهل ايام ما كان معايا ال 128 وبعدين اللادا كنت باغسل عادي فمش عارف تنصحوني بايه؟ وشكرا كمان مرة.

انا بغسل المتور كل شهرين تقريبا بمياة و جاز و صبون و مفيش مشكلة خالص الحمد لله
انت بس اتئكد ان العامل مغطى المبينة و علبة الفيوزات باكياس بلاستك

الاسبراى و الحاجات دى اعتقد اى كلام و مش هتشيل ترسبات الزيوت و التراب الى لازق فيها زى ضغط المياة

**Sherif Khalifa** · 09-03-2008 12:46 AM

المشاركة الأصلية كتبت بواسطة moby

عزيزى كلامك صحيح 100%
لأنى غيرت هذا الأويل سيل ومازال يوجد عندى رشح زيت
فهل هذا عيب فى القاعدة الألومنيوم التى تحت البوبينة ؟؟؟
أرجو الرد من فضلك لأنى كنت ناوى أغيره للمرة الثانية
وشكرا

بص ممكن تغير الاويل سيل يكون متعملش كويس يعنى الراجل معملش عزل سيليكون كويس
جرب الحل الارخص الاول

**magdyabulela** · 09-03-2008 10:49 AM

صباح الخير يا جماعة..استمرارا لمسلسل جهلي بميكانيكة اللانوس حصللي النهاردة حاجة غريبة فعلاً وخلتني اكتئب على الصبح: الصبح دورت العربية عادي جداً اشتغلت زي الفل مافيش حاجة دخلت البنزينة وفتحت التنك من جوة وكله تمام فجأة لاقيت العربية فصلت لوحدها وبطلت لوحدها ولا قيت الكاسيت طفى..حاولت ادور العربية مادراتش خالص ومش عاوزة...افتكرت في الاول انها بطارية لكن لاقيت الزجاج الكهربائي شغال والانتظار شغال ولمبة الفرامل كمان شغالة لكن كل الحساسات اللي في التابلوه طافية ومش بتنور والعربية مش عاوزة تلقط دوارة...زقيتها وركنتها في الجراج تاني وطبعا النهاردة الاحد ومافيش حد فاتح .. أفيدوني وسامحوني على جهلي بس والله ده موقف غريب اول مرة اصادفه.

**moby** · 16-04-2008 10:51 PM

المشاركة الأصلية كتبت بواسطة Sherif Khalifa

بص ممكن تغير الاويل سيل يكون متعملش كويس يعنى الراجل معملش عزل سيليكون كويس
جرب الحل الارخص الاول

عزيزى هل يوضع سليكون تحت قاعدة البوبينة
أم الأويل سيل فقط لأنى فكيته ولم أجد أثر سليكون ..
أرجو الأفادة من الخبراء
وشكرا

**ads** · 17-04-2008 11:13 AM

المشاركة الأصلية كتبت بواسطة magdyabulela

صباح الخير يا جماعة..استمرارا لمسلسل جهلي بميكانيكة اللانوس حصللي النهاردة حاجة غريبة فعلاً وخلتني اكتئب على الصبح: الصبح دورت العربية عادي جداً اشتغلت زي الفل مافيش حاجة دخلت البنزينة وفتحت التنك من جوة وكله تمام فجأة لاقيت العربية فصلت لوحدها وبطلت لوحدها ولا قيت الكاسيت طفى..حاولت ادور العربية مادراتش خالص ومش عاوزة...افتكرت في الاول انها بطارية لكن لاقيت الزجاج الكهربائي شغال والانتظار شغال ولمبة الفرامل كمان شغالة لكن كل الحساسات اللي في التابلوه طافية ومش بتنور والعربية مش عاوزة تلقط دوارة...زقيتها وركنتها في الجراج تاني وطبعا النهاردة الاحد ومافيش حد فاتح .. أفيدوني وسامحوني على جهلي بس والله ده موقف غريب اول مرة اصادفه.

راجع على الفيوزات ممكن يكون فيوز اطع

الموضوع: لانوس 2 موديل 2006 - تعريق زيت خفيف على الموتور - ايه السبب؟

LinkBack

أدوات الموضوع

عرض

-

-

-

-

المواضيع المتشابهه

حل مشكلة تعريق الزيت على الموتور ؟؟

لانوس 2 كاملة.. موديل 2006

لانوس s - موديل 2006 (كالجديدة)

لانوس s - موديل 2006 (للبيع)

محتاج نوع زيت موتور كويس لعربيتى موديل 85 ( الموتور خفيف شويه)

الكلمات الدلالية لهذا الموضوع

المفضلات

المفضلات

ضوابط المشاركة