حل مشكلة تعريق الزيت على الموتور ؟؟

**ramadanshehatt** · 30-09-2012 07:23 PM

لانوس 2005 ... المشكلة انى دايما بلاقى تعريق زيت فى الموتور وطبعا مع التراب الجميل فى بلدنا بيبقى الموتور شكلة وحش جدا ... وما بين كل غسلة والتانية تقريبا حوالى شهر ويرجع تانى ... غيرت جيوان التاكيهات وجيوان الموبينة وبردوا مفيش فايدة ... الميكانيكى اخر مرة قالى ده عادى كل العربيات كدة .... انا شاكك فى خرطوم فايص الزيت ( مش عارف الاسم دة صح ولا غلط ) هو خرطوم حوالى بوصة جلد على شمال الماكينة ...
ياريت يا شباب لو حد عنده اقتراح او حل نهائى يقول

المشكلة التانية .. فى بردو زيت خفيف تحت دواسة السواق ... اعتقد انة من علبة الدريكسيون (اويل سيل ) السؤال ... هل تغير الاويل سيل سهل للعفشجى ولا حوار أأجله لما اكون فاضى ؟؟

**besso33** · 30-09-2012 07:40 PM

تعريق الزيت في الغالب نتيجة ان حضرتك ربما بتدوس بالعربية جامد وموضوع الزيت اللي تحت الدواسة كلامك فيه مظبوط الا ان اللي بيشتغل فيه هو الميكانيكي مش العفشجي

**ramadanshehatt** · 30-09-2012 08:06 PM

المشاركة الأصلية كتبت بواسطة besso33

تعريق الزيت في الغالب نتيجة ان حضرتك ربما بتدوس بالعربية جامد وموضوع الزيت اللي تحت الدواسة كلامك فيه مظبوط الا ان اللي بيشتغل فيه هو الميكانيكي مش العفشجي

شكرا يا باشا على مشاركتك ... انا فعلا ساعات بتدوس شوية ..... بس اعتقد ان فى ناس كتير بتدوس ولا ايه راى الشباب فى المنتدى .... الحاجة التانية هو موضوع الاويل سيل دة اكيد ميكانيكى يا شباب ؟؟؟

**abdo7000** · 30-09-2012 08:40 PM

موضع تعريق الزيت دة عادي - ريح دماغك واغسل الماتور وخلاص علشان الحوار دة مفتوح ومش هتعرف تمنعة

**akmm** · 30-09-2012 08:51 PM

متابع

**acc_jimmy** · 30-09-2012 08:56 PM

انا كانت عندى عندى المشكلة دى وحلتها الحمد لله رحت للميكانيكى غير جوان التاكيهات وبرضو المشكلة موجودة رحت ليه تانى وبعد مشادات بينا قالى خلاص لقيتها غيرلى اولسير الكرنك واولسير الكاتينة هما الاتنين شكلهم مدور ومش غاليين ثمنهم 15 جنيه

**acc_jimmy** · 30-09-2012 08:57 PM

والحمد لله المشكلة اتحلت

**ramadanshehatt** · 30-09-2012 10:25 PM

شكرا يا رجالة على الاهتمام .. انا عموما غيرت جيوان التاكيهات والموبينة .... كدة ناقص جيوان الكرنك ... ربنا يسهل واشوف

**شريف** · 12-10-2012 11:52 PM

المشاركة الأصلية كتبت بواسطة acc_jimmy

انا كانت عندى عندى المشكلة دى وحلتها الحمد لله رحت للميكانيكى غير جوان التاكيهات وبرضو المشكلة موجودة رحت ليه تانى وبعد مشادات بينا قالى خلاص لقيتها غيرلى اولسير الكرنك واولسير الكاتينة هما الاتنين شكلهم مدور ومش غاليين ثمنهم 15 جنيه

دول بيتغيروا ازاي دول ؟

**ramadanshehatt** · 14-10-2012 01:04 AM

الحمد لله النهاردة غيرت جيوان الموبينة وجيوان كراتيرة زيت الفتيس واوسيل الدريكسيون ... وخرطوم فايس الزيت وفعلا بعد فك الخرطوم اتضح انه مقطوع

وربنا يسهل هجرب فترة وابلغكم النتيجة