ثلاجات إيبرنا iberna...حد يعرف عنها حاجة؟

**NaderNabil** · 07-08-2010 10:16 PM

مساء الخير يا شباب....

حالياً انا في مرحلة شراء الثلاجة...و أمامي كذا نوع....
LG
Sharp
و أخيراً Iberna..

انا عارف ان إيبرنا دي لسه نازلة قريب السوق...و توكيلها هو هو إيديال في مصر
بس اللي شدني ليها انها نضيفة جداً جداً من حيث التقفيل و الخامات المستخدمة فيها...و فيها ميزة انك ينفع تقلب فتحة الأبواب يمين أو شمال حسب المطبخ عندك..بالإضافة انها واخدة تقييم A من حيث أقل إستهلاك و أعلى كفاءة اللي بتحطه هيئة مش عارف إيه على كل الأجهزة الكهربائية اللي بتتباع في السوق
المهم بقى....حد جرب التلاجة دي أو سمع عنها أي حاجة؟؟؟

و لو مش هي...ترشحولي إيه 14 أو 16 قدم كويس في السوق؟

شكراً يا رجالة

**blazer** · 07-08-2010 10:34 PM

احنا كنا برده هنشترى تلاجه كمان غير اللى عندنا
اللى عندنا ايديال زانوسى الجديده
و دورنا لاقينا توشيبا عجبنى جدا تقفيلها كانت ب 2000 جنيه كانت 14 قدم تقريبا او 16 مش فاكر بصراحه

**NaderNabil** · 07-08-2010 10:40 PM

المشاركة الأصلية كتبت بواسطة blazer

احنا كنا برده هنشترى تلاجه كمان غير اللى عندنا
اللى عندنا ايديال زانوسى الجديده
و دورنا لاقينا توشيبا عجبنى جدا تقفيلها كانت ب 2000 جنيه كانت 14 قدم تقريبا او 16 مش فاكر بصراحه

التوشيبا مش عاجباني خالص...حمايا جابها من كام شهر و تقفيلها و خاماتها سيئين جداً...لو قارنتها بال lg مثلاً....فرق شاسع

**Ahmed A Rahman** · 07-08-2010 11:47 PM

كريازي حلوة لان فيها نوعين نوع رفوف بلاستيك
ونوع رفوف سوبربلاستيك (حاجة زي البلاستيك المعدني ) بس خدمة عملاءهم مش بتعجبني خالص

لو توكيلها ايديال يعني اوليمبيك خدمة عملائهم رائعة

**Adham** · 08-08-2010 12:11 AM

المشاركة الأصلية كتبت بواسطة nadernabil

...............انا عارف ان إيبرنا دي لسه نازلة قريب السوق...و توكيلها هو هو إيديال في مصر
بس اللي شدني ليها انها نضيفة جداً جداً من حيث التقفيل و الخامات المستخدمة فيها...و فيها ميزة انك ينفع تقلب فتحة الأبواب يمين أو شمال حسب المطبخ عندك..بالإضافة انها واخدة تقييم a من حيث أقل إستهلاك و أعلى كفاءة اللي بتحطه هيئة مش عارف إيه على كل الأجهزة الكهربائية اللي بتتباع في السوق
المهم بقى....حد جرب التلاجة دي أو سمع عنها أي حاجة؟؟؟

ايبرنا اقدم اسم تلاجه في مصر في الاسماء اللي حضرتك ذكرتهم

و اول ديب فريزرات نزلت مصر اواخر السبعينات كانت ايبرنا

و كانت شيك و فخمه بالفورمايكا الخشب البني من الخارج اشيك مليون مرة من الابيض الدوكو اللي كان سمة كل التلاجات (الايديال) في ذات الوقت

**NaderNabil** · 08-08-2010 08:37 AM

المشاركة الأصلية كتبت بواسطة adham

ايبرنا اقدم اسم تلاجه في مصر في الاسماء اللي حضرتك ذكرتهم

و اول ديب فريزرات نزلت مصر اواخر السبعينات كانت ايبرنا

و كانت شيك و فخمه بالفورمايكا الخشب البني من الخارج اشيك مليون مرة من الابيض الدوكو اللي كان سمة كل التلاجات (الايديال) في ذات الوقت

بالفعل...كان عند جديديب فريزر إيبرنا بس مش عارف هو فين حالياً....
لكن لو حضرتك أخدت بالك....كان فيه إنقطاع طويل جداً للماركة دي في مصر...و نزلت أخيراً في الشهرين اللي فاتوا...

كريازي حلوة لان فيها نوعين نوع رفوف بلاستيك
ونوع رفوف سوبربلاستيك (حاجة زي البلاستيك المعدني ) بس خدمة عملاءهم مش بتعجبني خالص

كريازي مش عجباني خالص...لا شكل و لاخامة ولا تقفيل :(

انا داخل اسلم عليك علشان بجد وحشنى وبقالى كثير مش بشفوك ع النتدى
معلش خرجت عن موضوع التوبك وربنا يوفقك لما فيه الخير

تعيش يا باشا...متشكر على سؤالك جداً:)

**kar!m** · 08-08-2010 08:54 AM

أنا عندى وايت ويل و ممتازة الحمد لله .. و هى كورى.

**Yarisawy** · 08-08-2010 11:05 AM

انا ارشح توشيبا او شارب حضرتك روح بص تانى وشوف المستورد منها برضه توكيل محترم ضمان بجد وثلاجه تعيش وده عن تجربه

**cementman** · 11-04-2012 01:01 PM

للاسف انا جبت ايبرنا و مازالت فى الضمان و ظهرت بها مشاكل كثيرة ....المهم ان توكيلها (اوليمبيك) مش عارفين يصلحوها ومازالت معطلة من اكثر من 4 شهور و مش عارف اوصل لحد مسئول عدل اعرف اكلمه
نصيحة بلاش اى منتج من ايديال او اوليمبيك

-

الموضوع: ثلاجات إيبرنا iberna...حد يعرف عنها حاجة؟

LinkBack

أدوات الموضوع

عرض

ثلاجات إيبرنا iberna...حد يعرف عنها حاجة؟ - انشر الموضوع فى :

-

-

-

-

-

-

المواضيع المتشابهه

عربية رهيبة من نيسان .. حد يعرف عنها حاجة

سوبارو xv حد يعرف عنها حاجة؟

تويوتا ستارليت حد يعرف عنها حاجة؟

حد يعرف حاجة عنها؟ جريت وول بيرى؟

برادو كليسا حد يعرف حاجة عنها

الكلمات الدلالية لهذا الموضوع

المفضلات

المفضلات

ضوابط المشاركة