الموضوع: عايز المشورة من اهل الخبرة معايه 180 الف اجيب فورد ايه ؟

المشاركة الأصلية كتبت بواسطة hosam2010

1- 153000 ghia sr
2- عاملة 6000 كم في أربع شهور ، معرفش بجد عاملة كام لو حبيت أبيعها بس أصلا العربية غليت بعد ماجبتها 9000 جنيه فى ده هيحس سعر إعادة البيع ،بس أنا مش ناوي أبيع قبل 4 سنين وال فترة ده غالبا بتبقى الخسارة قريبة في معظم العربيات اللي في الفئة ده
3- الحمدلله لم تحدث أي أعطال حتى الآن وبتالي لم أصرف شئ بستثناء الصيانة الدورية
‎

دى كده لسه زيرو مش هنعرف نحكم عمتا بالتوفيق انشاء الله

المشاركة الأصلية كتبت بواسطة aYaBooY

انت عاوز كام في عربيتك صحيح يا احمد

شوف انت ألأسعار ايه هى عامله 133 الف وزى ما انت شوفتها كده بالأضافه للصيانه عند قطب وتغيير كل الحاجات بقطع اصليه بى فى سى ترموستات وغيرت الكوعه كمان كانت بتنقط ميه وكاوتش كله جديد مكملش 2000 كيلو وفرشها عليه فرش من الزيرو مشكلتها انها ناقصة المثلث اللى محدش عايز يدهونى ساعه وهى دى مصر

المشاركة الأصلية كتبت بواسطة ashrafsadany

يارب امين يهدينى ويصلح حالى اما حضرتك تقول معلومات مش مضبوطه عن عربيه بقالى 4 سنين راكبها وبحمد ربنا كل يوم ان انا وفقت فيها يبقى حضرتك اكيد متعرفهاش ولا ركبتها اصلآ واعتقد دا مش عيب لان انا جايب العربيه اول منزلت مصر خليجى فى اخر 2006 مكنش ليها وكيل لاكن لمعرفتى الجيده بلسياره ومدى نجاحها الساحق فى اوربا وخاصه انجلترا فى 2007 واخده احسن عربيه فى اوربا فى فئتها وفى انجلترا هيا العربيه الشعبيه الاولى فى وقتها زى اللنسر عندنا وممكن تشوف تقييم الاوربى والتعليق على العربيه فى منتديات اجنبيه
ونظرآ لركوبى فورد فى 96 فيستا برده فانا عارف من زمان يعنى ايه فورد وهيا عربيات اكثر من محترمه وتتفوق فى الاداء والامان عن مثيلاتها وكل مشكلتها زى اى عربيه محترمه عايزه تحافظ عليها ويتم صيانتها ومعاملتها بأحترام بتفضل بنفس الاداء لاكن حضرتك راكب عربيه مستعمله معرفش كان ايه حالتها ولا تصلح للحكم
بلنسبه للفوكس العربيه عامله 70 الف لحد دلوقتى والحمد لله زى ما جبتها الاداء لم يتغير وحتى الان مستواها اعلى من كل مثيلاتها فى الاداء كل الى اتصرف عليها صيانات عاديه وتغيير تيل فرامل امامى علشان اتوماتك مرتين وداخل على التالته وتغيير مساعدين اماميين ودا نتيجه ان اول تشغيله فى العربيه كان فى مشكله فى المساعدين بتعها وكان يتم تغيرها فى التوكيل لوكنت مش خليجى ورحت ركبتهم فى التوكيل افضل نوع ب 2100 رغم انهم موجودين بره ب1100 جنيه المانى بس انا حبيت اركب فى التوكيل علشان اخد ضمان عليهم وانهم شيى حيوي جدآ وعليه حمل العربيه كلها وغدآ ان شاء الله هروح اجيب فنوسين خلفيين من التوكيل ثمن الواحد 310 جنيه ونزلت جبت مرايا جانبيه كهرباء كامله استيراد ب 220 اعتقد التيل الاصلى ثمنه 390 فى التوكيل كل الاسعار الى قلتها لحضرتك دى اقل من الكورى فى التوكيل مش اليابانى كمان مع فارق ان انا بتكلم عن قطع غيار المانى وشتان فى الاداء والجوده اما حضرتك تقول ان قطع غيارها اغلى من bm يبقى كلام وهمى ويضلل صاحب الموضوع كل المطلوب من الاعضاء والدنيا كلها اما حد يتكلم عن عربيه فى موضوع يكون كلامه عن تجربه ومحدد مش سمعت واظن واتوقع ربنا يصلح حالنا جميعآ

برافو كل المنتدى لازم يفرحو بيك خيرة ركاب فورد (ملحوظه) ده علشان انا مش هرود على اسلوبك وعلى فكره انا مسألتكش اصلا واتقى الله فى نفسك
(لاكن حضرتك راكب عربيه مستعمله معرفش كان ايه حالتها ولا تصلح للحكم) عراف انت اصلك

انا رأيي هات bmw كسر زيرو واكشف عليها في التوكيل