الموضوع: الحلقه الاولى (بودرة ركب النمل)

السلام عليكم

انا هتكلم من وجهة نظر اخرى الا وهى وجهة نظر الشخص الى المفروض انه بشترى او محتاج الى العلاج ده .
كما ذكرتم ان العلاج ده هو علاج لحالات ليس لها علاج طبى او جراحى الى الان زى مثلا سكر ضغط عقم ..............
الشخص المريض باى مرض من دول ومش لاقى علاج
لما يسمع اعلان زى ده المفروض يعمل اية

ربنا يحفظنا جميعا بس تعالو كل واحد فينا يحط نفسة مكان الشخص المريض بمرض من دول وجه واحد بيقولة علاجك عندى
ممكن تعمل اية لو انت مكانه ؟

ماهو للاسف دى حلقه من حلقات كتيره اوى فى تسيب وانحلال وتخلف الفضائيات
من ادويه مش عارفين من ايه وبتعالج كل حاجه ممكن تتخيلها ومن غناء وعرى من غير اى قيود ومن شيوخ بيزعقوا لبعض رجاله وستات ويهاجموا بعض ويخصصوا حلقات للهجوم على فلان !!!
ومن اراء فاسده فى الاقتصاد والسياسه

وكل واحد عايز يقول اى حاجه يفتح له قناه وما أرخصهم بالنسبه للكثير او يشترى اوقات فى قنوات ولا اى نوع من الكنترول من وزراء الاعلام العرب

الحل والله سهل
لجنه من شيوخ مش بتوع دعايه وقنوات ومن مسئولين موثوق فيهم
اى منتج بيعلن عنه فين الاصل و موافقه وزاره الصحه
اى واحده عايزه تتمايص علشان تجيب فلوس او واحد عايز يغنى وخلاص لازم موافقات من الكنترول وبرضه تفعيل دور الكنترول ده على القنوات والنايل سات و العربسات باتخاذ اجراءت من انذار الى وقف العرض للقناه على القمر الصناعى لحد ماتنضف
طبعا كتير هيتجهوا لاقمار تانيه زى الاوربى بس على الاقل انت بكده اتخلصت منهم فى العرب والنايل سات اللى بيتفرج عليه اساسا 70% من العرب

فى حلول بس مفيش تقوى الله