الموضوع: مشكلة في راديو سي دي شيفروليه لانوس 2010

المشاركة الأصلية كتبت بواسطة rocker

سنه 94 كنت راكب دبابه شيفى بتاعه الشغل وكنت فى السد العالى مع الامريكان فروكون
وكانت معلقه نمر جمرك
بس تخيللى شعروك والناس بتناديكى ياسطى
وعلى فكره سواقتها مريحه جدا واى حد يضايقك تصدرى له الصندوق بتاع البيك اب
واى حد يطلب توصيله تحدفيه فى الصندوق
المهم الكاسيت اتصلح ولا لسه ؟

حلوة أسطي دي
بس والله يا rocker مش مهم فعلا في مقابل ان الناس تخاف وتجري منك، طول عمري نفسي أركب حاجة 4x4 وبـ defender وحركات وجامدة علشان الدبان يبعد بقي :-)

الكاسيت اتصلح حاليا بشكل مؤقت لحد العفريت اللي بيخليه يعمل scan لوحده فجأة كده وهو علي قناة نجوم FM بس دونا عن غيرها ما يطلع!
والله انا بجد مش فاهمة الكاسيت ده ماله! صحيح صناعة محلي تعبانة بس مش بعفاريت كمان! :)

يا جماعة انا لسة دلوقتي واحد زميلي قايلي حاجة غريبة
يوم ما حصلت المشكلة دي كنت حاطة ماج فيه شاي في الـ cup holder وطبعا الماج كان طويل واصل لحد الكاسيت فوق وسخن طبعا
زميلي قاللي يبقي السخونية جت علي الزرار اللي بيعمل scan وده حساس جدا فبوظ البوردة اللي وراه فبقي بيعمل scan لوحده لانه من السخونية ممكن حاجة وراه كاوتشة مثلا او حاجة تكون ساحت فبقي الزرار مضغوط شوية لجوه وبقي حاسس كإن حد بيدوس عليه!
طب دي ان شاء الله حلها ايه؟ وممكن فعلا ده يحصل؟ شوية سخونة بسيطة تعمل كده؟!

المشاركة الأصلية كتبت بواسطة nour3alanour

والله يا محمد أكيد طبعا انت عارف الجو بتاعنا عامل ازاي :l_bhuhhh[1]:
وللأسف مكنسة العربية بايظة فبقالي فترة منضفتوش
اقتراحك اشيل الوش وانضفه بضغط الهوا؟ الوش بس ولا من جوا كمان؟
بس هل تراب يخليه يخرف كده؟ :u_thin1[1]:

سوريي على التأخير في الرد كالعاده :-) بس ظروف شغلي والله

لكن المهم انا كان اقتراحي انك تنفضي وش الكاسيت بأي مصدر هوا , وليكن حتى سيشوار منزلي على البارد طبعا :-))
احتمال يكون في اتربه او حاجه عامله قلق , بس بلاش مصدر هواء جامد زي البلاور والحاجات دي

وبالنسبه لـ

المشاركة الأصلية كتبت بواسطة nour3alanour

يوم ما حصلت المشكلة دي كنت حاطة ماج فيه شاي في الـ cup holder وطبعا الماج كان طويل واصل لحد الكاسيت فوق وسخن طبعا
زميلي قاللي يبقي السخونية جت علي الزرار اللي بيعمل scan وده حساس جدا فبوظ البوردة اللي وراه فبقي بيعمل scan لوحده لانه من السخونية ممكن حاجة وراه كاوتشة مثلا او حاجة تكون ساحت فبقي الزرار مضغوط شوية لجوه وبقي حاسس كإن حد بيدوس عليه!

اتوقع لو في احتمال ان يكون ده السبب فعلا هيكون احتمال ضعيف جدا
لان الحراره الي طالعه من الماج عباره عن مجرد بخار , والبخار حرارته مش عاليه لدرجه انه يأثر على صلابه كاوتش او بلاستيك بالدرجه اللي تسبب تلف بشكل او بأخر, ده غير ان البخار بيتلاشي بصرياً وحرارياً لمجرد انه يبعد عن مصدر انبعاثه , وبالتالى حرارته او ما تبقى منها مش هيكون مؤثر بالدرجه الملحوظه , وطبعا الله اعلم , لكن ده مجرد تحليل من وجهه نظري

المشاركة الأصلية كتبت بواسطة mmamdouh

الله اعلم... جربى وش تانى على الكاسيت بتاعك... لو المشكلة اتحلت يبقى النظرية صح

mmamdouh

هحاول كده لو أمكن وهتابعك بالأخبار

المشاركة الأصلية كتبت بواسطة محمد الشامي

سوريي على التأخير في الرد كالعاده :-) بس ظروف شغلي والله

لكن المهم انا كان اقتراحي انك تنفضي وش الكاسيت بأي مصدر هوا , وليكن حتى سيشوار منزلي على البارد طبعا :-))
احتمال يكون في اتربه او حاجه عامله قلق , بس بلاش مصدر هواء جامد زي البلاور والحاجات دي

وبالنسبه لـ


اتوقع لو في احتمال ان يكون ده السبب فعلا هيكون احتمال ضعيف جدا
لان الحراره الي طالعه من الماج عباره عن مجرد بخار , والبخار حرارته مش عاليه لدرجه انه يأثر على صلابه كاوتش او بلاستيك بالدرجه اللي تسبب تلف بشكل او بأخر, ده غير ان البخار بيتلاشي بصرياً وحرارياً لمجرد انه يبعد عن مصدر انبعاثه , وبالتالى حرارته او ما تبقى منها مش هيكون مؤثر بالدرجه الملحوظه , وطبعا الله اعلم , لكن ده مجرد تحليل من وجهه نظري

انا مقدرة طبعا ظروف الشغل وبالعكس ده أنا اللي سوري علي الازعاج ده كله علشان موضوع بسيط (بس مضايقني جدا والله)
انا برده مش مقتنعة بصراحة أوي
ده كمان قالي انه علشان كده دايما لما بنركن العربية بنشيل الوش بتاع الكاسيت علشان ميبقاش متعرض للشمس طول الوقت!!!!!!!! بصراحة يعني لا تعليق... انا مش مقتنعة تماما بالجزئية دي

بس عموما هشوف كده وانا مروحة ان شاء الله الدنيا هتمشي ازاي وهشيل الوش وانضفه وبكره باذن الله اقولكم علي النتيجة

وبجد يا جماعة متشكرة جدا جدا علي مساعدتكم ليا :-)

المشاركة الأصلية كتبت بواسطة nour3alanour

ده كمان قالي انه علشان كده دايما لما بنركن العربية بنشيل الوش بتاع الكاسيت علشان ميبقاش متعرض للشمس طول الوقت!!!!!!!! بصراحة يعني لا تعليق... انا مش مقتنعة تماما بالجزئية دي

عشان الكاسيت ميتسرقشششششششششششششششش

المشاركة الأصلية كتبت بواسطة peposupervisor

بيتهيئلي ممكن تلاحظي نقطة السخونة دي من برة هيبان علي الزرار او الوش

منا فعلا بصيت يا pepo علي الزرار والوش وملقتش أي تغيير في أي حاجة