الموضوع: مشكلة في راديو سي دي شيفروليه لانوس 2010

المشاركة الأصلية كتبت بواسطة محمد الشامي

لو حضرتك عندك سبراي بتاع الإلكترونيات زي akai والحاجات دي ممكن تستخدمي منه كميه بسيطه على الازرار , مع التنضيف بالهواء , وربنا يسهل والحكايه دي تجيب نتيجه كويسه

احيانا الاجهزه الحساسه ممكن تتلخبط من ذره تراب تدخلها

الحقيقة نسيت امبارح آخد معايا وش الكاسيت علشان انضفه بالهوا فان شاء الله هعمل ده النهارده
منين أ. محمد أجيب سبراي تظيف الالكترونيات ده؟ وهل هو سائل بيترش علي الجهاز عادي وبعدين يتنضف بالهوا؟

المشاركة الأصلية كتبت بواسطة MarEgypt

http://www.nilemotors.net/Nile/116660-a.html

http://www.nilemotors.net/Nile/170058-a.html

ميرسي جدا علي اللينكات المفيدة MarEgypt
وانا كنت فعلا قريت قبل كده اللينك الأول وبالنسبة للينك التاني هي المشكلة مش تشويش في الصوت المشكلة زي ما قلت الراديو بيعمل سكان لوحده!
انا عايزة كمان اجرب السي دي اشغله واشوف هل برده فيه مشكلة معينة بتحصل معاه ولا هيبقي شغال تمام
لو قفلت أوي هتأكد ان اسلاك الكاسيت من جوه متوصلة كويس مش ملمسة
بعد كده بقي مش عارفة هعمل ايه!

المشاركة الأصلية كتبت بواسطة nour3alanour

حلوة أسطي دي
بس والله يا rocker مش مهم فعلا في مقابل ان الناس تخاف وتجري منك، طول عمري نفسي أركب حاجة 4x4 وبـ defender وحركات وجامدة علشان الدبان يبعد بقي :-)

الكاسيت اتصلح حاليا بشكل مؤقت لحد العفريت اللي بيخليه يعمل scan لوحده فجأة كده وهو علي قناة نجوم FM بس دونا عن غيرها ما يطلع!
والله انا بجد مش فاهمة الكاسيت ده ماله! صحيح صناعة محلي تعبانة بس مش بعفاريت كمان! :)

الله المستعان
رمضان كريم best wishes to u & All ur dears
بالنسبه لموضوع الـScan الى بيتغير ده
فيه حل بسيط جدااااااااااا
ممكن تغيرى طريقك الى بتمشى فيه كل يوم وتجربى طريق تانى جديد ممكن يكون فيه وحده موبايل او اى وحده تانيه بتعمل تشويش ...........
جربى وشوفى النتيجه
وممكن برضوا تقفللى الموبايل بتاعك مره
او ماتربطيش الحزام
تفعدى على الكنبه الى ورا
اهو اى تغيير يحل المشكله

المشاركة الأصلية كتبت بواسطة nour3alanour

منين أ. محمد أجيب سبراي تظيف الالكترونيات ده؟ وهل هو سائل بيترش علي الجهاز عادي وبعدين يتنضف بالهوا؟

الاسبراي ده موجوده في محلات بيع اكسسوارات الكمبيوتر في باب اللوق ووسط البلد , وهيكون موجود كمان عند محلات بيع الادوات الكهربيه

انا حاولت ادورلك على صوره للاسبراي بس بصراحه مش لاقي , بس الصوره اللي جايه شبه العبوه المقصوده , لكن الاكاي لونها ازرق ومكتوب عليها AKAI , وبيكون معاها انبوبه طويله بتركب على البخاخ نفسه للوصول للاماكن الضيقه



وحضرتك ممكن ترشي كميه بسيطه على الزرار بحيث ان السائل يوصل لقاعده الزرار نفسه وبعدها تنضفيه بالهواء , وكمان الاسبراي ده بيتطاير وبيتبخر بسرعه

سعر العبوه تقريبا في حدود 10 او 15 جنيه

المشاركة الأصلية كتبت بواسطة rocker

الله المستعان
رمضان كريم best wishes to u & All ur dears
بالنسبه لموضوع الـScan الى بيتغير ده
فيه حل بسيط جدااااااااااا
ممكن تغيرى طريقك الى بتمشى فيه كل يوم وتجربى طريق تانى جديد ممكن يكون فيه وحده موبايل او اى وحده تانيه بتعمل تشويش ...........
جربى وشوفى النتيجه
وممكن برضوا تقفللى الموبايل بتاعك مره
او ماتربطيش الحزام
تفعدى على الكنبه الى ورا
اهو اى تغيير يحل المشكله

الله أكرم
النهارده قعدت في الشنطة وجربت الكاسيت لقيته اشتغل تماااام.....
ماشي اتريق اتريق يا rocker مسيرك تقع في كاسيت مجنون كده في يوم من الأيام
وكل سنة وانت طيب :-)

المشاركة الأصلية كتبت بواسطة محمد الشامي

الاسبراي ده موجوده في محلات بيع اكسسوارات الكمبيوتر في باب اللوق ووسط البلد , وهيكون موجود كمان عند محلات بيع الادوات الكهربيه

انا حاولت ادورلك على صوره للاسبراي بس بصراحه مش لاقي , بس الصوره اللي جايه شبه العبوه المقصوده , لكن الاكاي لونها ازرق ومكتوب عليها akai , وبيكون معاها انبوبه طويله بتركب على البخاخ نفسه للوصول للاماكن الضيقه



وحضرتك ممكن ترشي كميه بسيطه على الزرار بحيث ان السائل يوصل لقاعده الزرار نفسه وبعدها تنضفيه بالهواء , وكمان الاسبراي ده بيتطاير وبيتبخر بسرعه

سعر العبوه تقريبا في حدود 10 او 15 جنيه

ميرسي يا محمد جدا انا مش عارفة اشكرك ازاي
انا بس مخدتش العربية بقالي يومين فهعمل الموضوع ده بكره ان شاء الله وهقولكم علي النتيجة

المشاركة الأصلية كتبت بواسطة nour3alanour

ميرسي يا محمد جدا انا مش عارفة اشكرك ازاي
انا بس مخدتش العربية بقالي يومين فهعمل الموضوع ده بكره ان شاء الله وهقولكم علي النتيجة

لا شكر على واجب يافندم :-)

نسيت بس اقولك ان في انواع تانيه غير الـ akai , بس المهم انك تتاكدي انه إسبراي منظف الكترونيات

وربنا يقويكي ان شاء الله :-)