الموضوع: مشكلة في راديو سي دي شيفروليه لانوس 2010

وعلي فكرة انا اتبعت نفس الخطوات اللي في الـ manual بالضبط ولغيت الـ Demo Mode زي ما هما كاتبين بالمللي

المشاركة الأصلية كتبت بواسطة nour3alanour

الكاسيت ده فيه عفريت باين!

+1 :-))

طيب هو وش البلاير كان اتعرض لأتربه من فتره ؟؟ ممكن يكون الوش دخل فيه تراب او محتاج يتنضف حتى بالهواء

المشاركة الأصلية كتبت بواسطة محمد الشامي

+1 :-))

طيب هو وش البلاير كان اتعرض لأتربه من فتره ؟؟ ممكن يكون الوش دخل فيه تراب او محتاج يتنضف حتى بالهواء

والله يا محمد أكيد طبعا انت عارف الجو بتاعنا عامل ازاي
وللأسف مكنسة العربية بايظة فبقالي فترة منضفتوش
اقتراحك اشيل الوش وانضفه بضغط الهوا؟ الوش بس ولا من جوا كمان؟
بس هل تراب يخليه يخرف كده؟

المشاركة الأصلية كتبت بواسطة MarEgypt

الموضوع دا بيحصل لما تكونى مشغله الراديو FM وماشيه على طريق طويل - 20 كم او اكتر؟
لو دا الى بيحصل لك - يبقى الراديو عندك 100% وتكنولوجى عاليه اوى وذى الفل

لأن المشكله أن اشارة ال FM بتغطى منطقه صغيره نسيباً
ومحتاجه تقويه كل مسافه
محطات التقويه فى المحروسه من بتكون كلها على نفس الترددد بالظبط بيكون فى حيود 0.5 ميجاهرتز واحياناً بيوصل ل 2 ميجاهرتز

فلما بتتحركى بالعربيه مسافه طويله بتخرجى من تغطية برج وتدخلى فى تغطية برج تانى
فالراديو بيقفد الاشاره - بخاصة فى اخر منطقة تغطية البرج الاول وبداية تغطية البرج التالى - فبيعمل سكان
واثناء تحرك السياره بيتكونى دخلتى فى تغطية البرج الثانى اكثر وتزيد الاشاره ويجد القناه (سواء بحيود أو بدون حيود)

اما القنوات الى بيعديها فهى احتمال من 3
1) بيبحث عن القناه التى فقد بثها (تردد قريب منها)
2) القنوات دى متخزنه فى الذاكره قبل كدا - فمش هيسجلها مره تانى
3) الاشاره ضعيفة - يعنى مش قادر يعمل Tunning - للقنوات دى عشان لسه ما دخلتيش فى منطقة تغطية البرج للاشاره القويه

مجرد اجتهاد شخصى

ميرسي جدا MarEgypt علي الافادة. عمري ما كان ممكن اتخيل ان السبب ممكن يكون كده
بس ده محصلش وانا ماشية بالعكس انا كنت واقفة ومبطلة العربية لما حصلت القصة دي
بس اسمحلي اختلف مع حضرتك وده لسببين:
1. لو ده مضبوط يبقي كل الناس هيحصل معاها كده وهي ماشية وخصوصا اللي بيمشوا مسافات كبيرة وده مبيحصلش اكيد مع حد زي ما هو واضح
2. القاهرة عموما بالذات اعتقد انها بالكامل متغطية بشكل كويس وفائق جدا سواء بالنسبة لمحطات الراديو او الموبايل ... الخ يمكن كلام حضرتك يكون مضبوط لو بنتكلم في مناطق تانية نائية
وانا تحركاتي مش بس في القاهرة ده في قلب القاهرة كمان وسط البلد ومهندسين وروضة، يعني كلها اماكن قريبة أوي من بعض واكيد التغطية لأي شيء فيها نسبته عالية أوي

ده برده اعتقادي انا والله أعلم صح ولا لأ ومرة تانية ألف شكر علي الافادة ومساعدة حضرتك