أيه الفرق بين الفولكس جولف وبولو وبيونتير؟
تقريباً الثلاثه فى الشكل الخارجى قريبين من بعض
ايه الاختلافات ما بينهم؟ بالتفصيل لو امكن
عرض للطباعة
أيه الفرق بين الفولكس جولف وبولو وبيونتير؟
تقريباً الثلاثه فى الشكل الخارجى قريبين من بعض
ايه الاختلافات ما بينهم؟ بالتفصيل لو امكن
البوينتر 1000 و 1600 و البولو 1000 و 1300 وتقريبا 1400 الجولف في منها حجات كتير
التلاته الثبات بتاعهم مافيش احسن من كدا و احسنهم الجولف و اغلاهم كمان و الاتنين التانيين اقل حاجه بسيطه جدا وتبات لا يعلي عليه
قطع الغيار البوينتر اللي اعرفها كويس جدا يعني طلمبه المياه الاصلي ل 155 والفانوس الخلفي 130 المرايا 150 160 كدا والتوكيل حجاته ممتازه بس غالي المرايا ب 1200 يعني زي بتاعه اللوجان كدا و الباقي اللي معاه العربيات التانبه مكن يدلك عليه
اسعار البوينتر ديه منين ؟
المرايا و من التوفيقيه و الحجات التانيه من شارع ديمشق و الاسعار دي من سنه او اكتر علي شان لو فيه اختلاف ولا حاجه
ياسيدي لا شكر ولا حاجه بس ادعي لي
الجولف اغلي سعرا واغني في الكملايات و الثبات كلهم ما شاء الله ثبات وهمي بس تبقي الجولف اعلاهم البوينتر حلوه و مركزين فيها علي الاساسيات يعني ايموبليزر وحدات رغع وانزار زي الجتا مثلا بس المرايا مش كهربا مثلا كدا يعني طبعا بتكلم علي الشكل القديم الجديد ما اعرفش و موتورهم كلهم موتور الباراتي هو هو ونفس الاكواد وكله والله اعلي واعلم
بعد إذنكم , هضيف كمان فرق جوهرى
وده ألى خوف الناس منها فى الأول لكن هى سبارات ممتازة و heavy duty بالنسبة لأسعارها .و ديه شهادة من خبراء فولكس فاجن فى أقصى شرق القاهرة و طبعاً أنتوا عارفين أنا أقصد مين , ومع ذلك مابيحبش يشتغل فيها.
- البوينتر , الباراتى المحرك بالطول و مع ذلك كبالن لأن من المعتاد إن المحرك لما بيبقى بالطول يبقى الدفع خلفى مثل ال132,131, البيجو ال504,505
نبدأ بالبولو أول ما نزلت ال fox ال1300 كانت أسبانى و بعد كده فى 2001 ال 1000 cc كانت مكسيكى
- أما الفرق التانى فى تقفيل السبارة طبعا أنا مش هخوض فى الجولف أوى لأن فيه خبراء جولف كتير يعرفوا أحسن منى و لكن أظن أنها ما أتقفلتش خارج ألمانيا بعكس البوينتر و الباراتى و البولو
و بعد كدة على ما أتذكر فى 2005 السيدان كانت تقفيل صينى
و أظن الباراتى و بوينتر كانوا برازيلى
و أرجوا أنى ما أكونش نسيت حاجة و السلام عليكم.
pointer شكراً جداااااااا
mostafashokry شكر خاص جدااااااا - على خبراتك
الموتور فى كل نوع منهم كربيراتير ولا انجيكشن؟ وكم معدل استهلاك البنزين فى ال 100 كم تقريباً ؟ ونوع البنزين المستخدم 80 / 90 / 92؟
انا ألى بشكرك على ذوقك
و بالنسبة للبولو ألى متأكد منه إن 2001 إنجكشن و بنزينها 92 على الأقل إلا هتلاقى الموتور بيعمل صوت عند كل حركة محتاجة عزم و عموماً تلاقى الكلام ده لكل عربيه على غطاء التنك من الداخل مكتوب رقم الأوكتان للوقود المثالى المفروض بسخدم للسيارة
,و لكن بصفة عامة للأستهلاك فالطبيعى للإنجكشن 1300 cc من 13 :.14.5 كيلومتر/ليتر
مثيلتها للكاربريتر 11.5 :12.5 كيلومتر/ليتر
هى الجول نفسها هىالبوينتر الله يخليكوا حد يركز معايا علشان انا حاسه انى اتدبست ومش عارفه اعمل ايه وحاسه انى مش فاهمه حاجه ناس تقول لى العربيه حلوه وناس تقول لى اى كلام وما تستاهلش وعايزه اظبط فيها شوية حاجات ومافيش حد عارف يفهمنى ممكن اى حد يركز معايا
لو اشتريت الجول فى حدود 34000 : 38000 فا كدة حضرتك اشترتيها بالسعر المناسب و لو كان فوق ال40000 فكان فيه بدائل أفضل
و أهم حاجة العربية تبقى سليمة يعنى قوائم و حوض و شنطة ما فيهمش حوادث و لا رش داخلى
اما عن تقييم السيارة سواء الجول أو البوينتر فهى بالنسبة لتمنها ممتازة وصعب تلاقى نفس الجودة بنفس السعر و لو وجدت سيارة بنفس التمن و الجودة إيضا هتلاقى فى تفاوت فى الإراء ذى سيارة حضرتك
أنا اسف جدا ما جوبتش فى الاجابه الماضيه إجابة وافيه و لكن حاولت أعدل الأجابة كانت ال10 دقائق خلصوا المهم
أن الأتنثين ما فيش بينهم فرق فى موضوع المحرك بالطول و كبالن و لكن الفرق ممكن يكون فى السعة اللترية للمحرك البوينتر, و الكماليات و هى برازيلى و لكن بصراحة ماعرفش حاجة عن الجول غير إنها محركها بالطول إيضاً.
انا جبت الجول ب 33 وكل اللى انت قلته مظبوط فيما عدا المساعدين عايزه تتغير وهو يعنى ايه المحرك بالطول ويا ترى تغيير المساعدين هيفتح عليه فاتحه جامده ف العفشه وكده معلش هتعبك معايا بس انا مش فاهمه لها خالص والكل بيقولى انتى اتخميتي فيها علشان هى مش معروفه وكده مع انى سالت على شويه قطع غيار مده زى المرايا والفلاتر وكده لاقيتهم معقولين
السعر ما شاء الله ممتاز و إن شاء الله ما تغلبتيش و لا حاجة بل العكس صحيح , ولكن المشكلة ألى هتقبلك عند البيع فقط بمعنى أن مش هتبعيها بسرعة و ألى ممكن يشتريها حد خارج من الفيات ومحتاج الopition التكييف و الباور و الزجاج الكهرباء , أو محتاج موديل عالى
أما عن المساعدين فهى أغلى حاجة ممكن تشتريها فى تصليح العفشة يعنى إن شاء الله الباقى سهل زى مثلا جلب مقص و بيض مقصات و آتيش علبة الدريكسيون كل الكلام لو أحتاجتة السيارة و ما أظنش تلحق تحتاجة إلا لو فيه أصوات مختلفة كتيرة فى المطبات ده كله مش هيعدى ال550 جنيه إن شاء الله بجانب المساعدين
و عن موضوع المحرك بالطول فحضرتك النظام القديم كان كل السيارات وضع المحرك عمودى على الرادياتير و كان العجل ألى بيحرك السيارة هو العجل الخلفى وده عن طريق و صلة طويلة تسمى عمود الكردان وبتثبت فى العربية من أسفل بجزء محيطه كاويتش يسمى كرسى النص و الواصلة ديه بتتثبتطرفها فى الكارونة يعنى كان الموضوع كبير و بيحتاج صيانه أكبر و الكلام ده مازال بالضبط فى السيارات تنتج حتى الآن هى الشاهين و كان ليه مميزاته زى ما كان ليه عيوبه و من أبرز عيوبه لو سيارتك و قعت فى حفرة عمقها مثلا 7 سم بالعجل الأمامى ما تقدرش تطلع العربية غير لما حد يشلها و ده موقف قابل والدى رحمة الله مع التيوتا السليكا عند قضبان حديد مزلقان عين شمس سنه 84 و كان القطار قادم و لولا شويه عمال كانوا على ظهر سيارة نصف نقل أنقذوا الموقف,و لكن الألمان صمموا السيارة ديه (الباراتى-بوينتر-الجول) بمحرك عمودى على الرادياتير ولكن من غير كردان ولا كارونه خلفية و العجل ألى بيحرك السيارة هو العجل الأمامى ذى اغلبيه سيارات الركوب الحديثة و نسيت أذكر ابرز مميزاته الا و هى الثبات الغير عادى عندالمنحنيات على السرعات العاليه
و بقى موضوع واحد هو نوع المساعدين النوع المشهور المتداول دلوقتى ألى كان يابانى معلش مش هذكر أسمه أصبح مغشوش و من اضمن نواع ألى فى السوق الألمانى . و أخيرا أرجوا أكون وصلت المعلومة و سلام
بص pointer باشا
اولا ان اتعرض عليا شغلانه فى تاكسى العاصمه شغلانه هناك فلما اتعملت مع السواقين التاكسى فا كانوا كلهم بيتخانقوا على الاوبترا و هيونداى الانترا الشكل القديم ولما كنت بسأل ليه مش بيركبوا الفلوكس بوينتر ديه
بيقولك التكييف مش قوى ضعييف شويه و العربيه اعطالها كتير و برده لما عربيه فولكس تبقى بالسعر ده فى اعاده البيع يبقى فيها حاجه غلط انا معرفش اى حاجه ولا اى معلومات وياريت تفدنى فيها وياريت تصحح معلوماتى لو كانت غلط
تعديل صغير بس بعد أذنك يا مصطفى
- البولو من سنة 95 لغاية 2001 تصنيع ألمانى و تقفيل أسبانى ( ودا من ضمن أسباب أقبال الناس على شرائهم فضلاً عن إن تصميم الشاسية بتاعهم برده إلى هو البودى من أسباب إعجاب الناس بيهم أيضاً )
- أما أبتداء من 2002 الى هيه موديل العيون برازيلى و ممكن يكون فى بعض المويلاات الاخرى الى هى بدات من 2003 لغاية مثلاُ الشكل الجديد إلى هو ما قبل البولو 6 يكون فيهم حاجة تقفيل مكسيكى بس مش أكيد
والله ينور عليك يا مصطفى باشا:shine[1]:
[QUOTE=mostafashokry;3872932707]السعر ما شاء الله ممتاز و إن شاء الله ما تغلبتيش و لا حاجة بل العكس صحيح , ولكن المشكلة ألى هتقبلك عند البيع فقط بمعنى أن مش هتبعيها بسرعة و ألى ممكن يشتريها حد خارج من الفيات ومحتاج الopition التكييف و الباور و الزجاج الكهرباء , أو محتاج موديل عالى
أما عن المساعدين فهى أغلى حاجة ممكن تشتريها فى تصليح العفشة يعنى إن شاء الله الباقى سهل زى مثلا جلب مقص و بيض مقصات و آتيش علبة الدريكسيون كل الكلام لو أحتاجتة السيارة و ما أظنش تلحق تحتاجة إلا لو فيه أصوات مختلفة كتيرة فى المطبات ده كله مش هيعدى ال550 جنيه إن شاء الله بجانب المساعدين
و عن موضوع المحرك بالطول فحضرتك النظام القديم كان كل السيارات وضع المحرك عمودى على الرادياتير و كان العجل ألى بيحرك السيارة هو العجل الخلفى وده عن طريق و صلة طويلة تسمى عمود الكردان وبتثبت فى العربية من أسفل بجزء محيطه كاويتش يسمى كرسى النص و الواصلة ديه بتتثبتطرفها فى الكارونة يعنى كان الموضوع كبير و بيحتاج صيانه أكبر و الكلام ده مازال بالضبط فى السيارات تنتج حتى الآن هى الشاهين و كان ليه مميزاته زى ما كان ليه عيوبه و من أبرز عيوبه لو سيارتك و قعت فى حفرة عمقها مثلا 7 سم بالعجل الأمامى ما تقدرش تطلع العربية غير لما حد يشلها و ده موقف قابل والدى رحمة الله مع التيوتا السليكا عند قضبان حديد مزلقان عين شمس سنه 84 و كان القطار قادم و لولا شويه عمال كانوا على ظهر سيارة نصف نقل أنقذوا الموقف,و لكن الألمان صمموا السيارة ديه (الباراتى-بوينتر-الجول) بمحرك عمودى على الرادياتير ولكن من غير كردان ولا كارونه خلفية و العجل ألى بيحرك السيارة هو العجل الأمامى ذى اغلبيه سيارات الركوب الحديثة و نسيت أذكر ابرز مميزاته الا و هى الثبات الغير عادى عندالمنحنيات على السرعات العاليه
و بقى موضوع واحد هو نوع المساعدين النوع المشهور المتداول دلوقتى ألى كان يابانى معلش مش هذكر أسمه أصبح مغشوش و من اضمن نواع ألى فى السوق الألمانى . و أخيرا أرجوا أكون وصلت المعلومة و سلام[/QUOT]
والله مش عارفه اقول لكم ايه بس بجد قلبي ارتاح كنت حاسه انى اتورطت وخاصه أ/مصطفى
السلام عليكم , أشكرك على التوضيح بس كان معايا ال2001 اجزاء منها كتير كانت مكسيكى , و طبعا هو معروف فى عالم السيارات أن الدوله الناميه ليست فى أستطاعتها التصميم الكامل لأى سيارة و لكن فقط بتبتدى بالتقفيل بنسبة لا تزيد عن 40:45 % و بعد كده بتحاول تنفرد بالنسبه كلها بعد إنتهاء الكميه المحددة فى العقد,مثل برتون مع لانسر و قبليهم لادا مع فيات ,وشكرا مرة أخرى على التوضيح
لا شكر على واجب يا باشا
بس فى حاجة انت بتقول أنها كانت معاك ودا المفروض يديك فكرة أكبر عنها وعن تفاصيلها و عن مكوناتها
بس على فكرة انا برده بيتهيقلى إن الأمر أختلف عليك لان هو فعلا مش كل مكونات ال 2001 ألمانى بس بعض الخامات و المكونات الأخرى بتبقى أسبانى مش مكسيكى , يعنى بمعنى أصح المكسيك ملهاش أى دعوى بالبولو من 95 ل 2001 و كمان 2002 لأنه من المأكد أنها برازيلى فيما بعد ذلك معنديش فكرة فممكن بقى تكون المكسيك دخلت فى الموضوع بعد كدا .
* و على فكرة برده حكاية إن العربية دى ألمانى أو أسبانى أو برازيلى أو مكسيكى بيبان من رقم الشاسية إلى بيبقى تحت الكبوت أسفل المساحات , لأن فى عربيات بتبقى طلعة كلها على بعضها كدا من مكان واحد يعنى مش مقتصرة على مجرد التقفيل و التجميع فقط تقريباً بيبقى فى مصانع للشركة فى البلاد دى بتصنع كمان فبتبقى كلها بقى أسبانى ( كما فى الأبيزا مثلاً ) أو برازيلى أو مكسيكى .
- لأن أنا على حد علمى المكسيك بدأت تقفل الفولكس فاجن البورا أبتداء من موديل 2003
- وكذلك تقريباً بتقفل الجيتا الموديل الحديث
- وتقريباً قفلت برده بعض الموديلاات فى السيات أبيزا بما إن شركة سيات خاضعة لشركة فولكس فاجن بحكم شراء الثانية للأولى
* بالمناسبة الموديل الوحيد فى فولكس فاجن التى مازال يصنع ويقفل فى ألمانيا إلى وقتنا هذا ولم يخرج خارجها فى شىء هى الجولف .
ويا رب أكون أفدت و أوضحت بعض من الأمور المهمة
السلام عليكم , طبعا حضرتك أفدت و جزاك الله كل خير
و بالنسبه للبولو ال2001 كانت معايا سنة 2006 , 2005 مش متذكر بالضبط قعدت معايا حوالى شهر كانت عاملة فى العداد 13000 كليو متر وكان فيها عيب كانت بتبطل و ما بترضاش تدور الا بعد تقريبا 3 دقائق ذهبت إلى ملك الفولكس فاجن فى شرق القاهرة و المهم طلع الموضوع بسيط جداً هو الفلتر كان مسدود تماما وكان مش مصدق أن ده هو العداد الأصلى
لغايه ما لف حولين العربيه أكتر من مرة وبعدين نزل بص على الطنابير العجل وفعلا ما صدقش غير ما بص على الطنابير و انا بعتها ساعتها 54500 و ده كان تقريباً سعرها فى الوقت ده و أشترها منى رجل اصبحنا أصدقاء بسبب هذه السيارة ,
المهم أنا لما غيرت الفلتر وكان أول مرة يتفك لأن أنا اشترتها من مكان عملى و هو بعيد عن القاهرة و لا يوجد صيانه هناك ولا حد بيفهم فى الفولكس الفاجن وصاحبها كان صيدلى و كانت الصيدليه بتعته تحت البيت و البلد الموجود فيها لا تكمل6 كيلو متر مربع و ده سبب الكيلو متر القليل , كان الفلتر مكسيكى و كان حساس الكرنك أظن كان برده مكسيكى . و ده كل الموضوع أرجوا ما كونش طولت عليك و السلام عليكم و كل عام وأنت بخير
اه معلش أنا نسيت أقول لحضرتك , أن كلامك مضبوط جداً فى 2003 كانت أخر الباسات الألمانى لدرجة إن فى 2004 أو 2005 كانا بنشترى عربية لواحد صديق و رحنا التوكيل نكشف عليها و سألنا عن الباسات الجديدة كانت موديل السنه 223 ألف و كانت ال2003 ب 219 ألف و سألنا ليه الفرق قليل كده قالوا ان من بعد ال2003 بولندى و ما قبل ألمانى .
والله ما انا فاكر بس فيه حاجه كانت من فتح الباب واعزرني مش فاكر ده الاسعار دي فاكرها بالعافيه علي شان هناك فيه فصال وكلام من ده
انجكشن ومن 90 وانت طالع بس 92 افضل بكتير و 95 بيضبط الدنيا
اولا التكسي دي باراتي
ثانيا اللي اعرفه ان الفولكس كوله اعتماديته اعلي من اي حاجه بما فيهم البي ام
التكييف زي الفل حلو جدا دا كتبين انه تروبيكال وفي الحر النار بخليه علي تلاته وبوطبه بعد كدا علي 2
اعاده البيع كله بيخسر بي ام و مرسيدس و كله
كمان ثقافه الشعب المصري في الهاتشباك و اصلا ما يعرفش عماليته العربيه عندي بتحمل حجات ما بتشلهاش الشاهين
+ اعنماديه السياره وقله الاعطال حدث ولا حرج والله اعلي واعلم
وعليكم السلام ورحمة الله وبركاتة
الله يخليك يا مصطفى
ويا باشا لا طولت ولا حاجه
و انت بألف صحة وسلامة
- على فكرة أنت أما كونت قولت كان معاية واحدة 2001 بصراحة شكيت لأن لو كانت معاك فعلاً كان زماتك هتبقى عارف الكلام بتاع التصنيع والتقفيل و المكونات دا كويس جدا , اما الوقتى لما وضحتلى إن الى كانت معاك 2005 او 2006 كدا بقى أنا عذرتك فى كلامك الأولاانى إلى كنت دخلت عدلتة , لان العربية هتبقى إن شاء الله حاجة من الأتنين يا إيما كلها على بعضها كدا مكسيكى فى مكسيكى تصنيع وتقفيل و مكونات و خامات يا إيما تصنيع برازيلى و تقفيل مكسيكى و بعض المكونات والخامات بردة مكسيكى , وبكدا يبقى كلامك الخاص بالفلتر مظبوط .
السلام عليكم أنا ماعدلتش الكلام
العربيه ألى كانت معابا 2001 بولو و كانت معابا فى سنه 2005 او 2006 مش متذكر بالضبط!و أقعدت معابا شهر واحد مالحقتش أعمل و لا أشوف حاجة غير أنى غيرتلها الفلتر البنزين. و بعتها و أنا كلامى هو هو ماتغيرش بس حضرتك ممكن تكون ما قرأتش ردى القبل الأخير بالتفصيل و أنا تحت أمرك و أحب أقول لحضرتك أنا لو ركزت فى كل عربية بجبها مش هخلص لأنى ممكن اجيب عربيتين و تلاتة فى الشهر و ابيعهم.
بولو من 95 لحد 2001 المانى تجميع اسبانيا ومش معنى ان قطعه الغيار مكسيكى انها تبقى مكسيكى خالص وبعد كدا من 2002 حتى 2006 برازيلى بالنسبه للفئتين الهاتش باك والسيدان ومن 2008 السيدان بقت صينى والهاتش باك رجعت تانى اسبانى وموديل السنه دى بردو اسبانى والبعض منها جنوب افريقى ودى اللى فى الغالب هتنزلنا هنا مصر
بالنسبه للفرق لل3 عربيات جوه مصر
الجولف موتور 1400 16 صباب2 كامه وهى افضلهم واحسنهم حتى الأن المانى مائه فى المائه
البولو وضحت صناعتها فى المشاركه السابقه وهى موتور 1000 سى سى حتى موديل 2001 ويعتبر من افضل الموديلات بعد كدا نزل منها البرازيلى 1400 بس للأسف اى عربيه برازيلى واجهت الفشل بسبب عدم توافر قطع الغيار
البوينتر لحد 2003 1000 سى سى وموتورها بيشترك مع البولو فى حاجات كتير واحب انوه ان الجول هى البوينتر بس بسبب فشل الجول فى المبيعات نزلت بأسم تانى بعد كدا من 2005 الموتور بقى 1600 واللى هو موتور الباراتى وعيب العربيه دى انها من البرازيل فا من الصعب تلاقيلها قطع غيار استيراد عكس الجولف والبولو
وطبعا فى فروق سعريه كبيره بين الموديلات الثلاثه يارب اكون افادتك
ايوة كدا أنا فهمت خلاص
بس دا ملوش دعوى بالقصة الى أنا أعد أكلم فيها من ساعتها
الفلاتر دى فيها كذا نوع يعنى إلى كان راكب عندك دا حاجة من الاتنين ان صاحب العربية إلى أنت اشترتها منة كان مركب نوع مش الاصلى و كان مركب نوع تانى صناعة مكسيكى أو إن النوع الاصلى نفسة مصنوع فى المكسيك بس .
- ومعتقدش إن إلى كان راكب عندك دا أصلى لأن انا لسة مغير فلتر زيت عندى و الجديد إلى أشتريته كان أصلى و كان صناعة ألمانى أما إلى كان راكب عندى و الى مركبة الى انا كنت جايب منة العربية مكنش الاصلى يعنى ممكن كان يبقى هو كمان مكسيكى بس معرفش لانى بصراحة مبصتش على صناعتة إية , حتى كان الى راكب عندى من غير رأس يركب ويتفك منها و دا كان مسبب صعوبة فى فكة لأنة بكل بساطة مش بتاعها أساساً , أما الاصلى كان برأس فأتركب بكل سهولة لأن بكل بساطة بردة أنة بتاعها .
ودا مربط الفرس إلى سبب اعتقادك بأن العربية تقفيل مكسيكى او حتى فيها بعض المكونات مكسيكى .
يا باشا أنا مركز وكل حاجة بس جايز أكون مفهمتش قصدك دى كل الحكاية .
- بس أرجع و أقولك بردة عشان العربية مقعدتش معاك الا شهر واحد فدا سبب كافى لعدم معرفتك بالعربية كويس .
- طيب مع أحترامى ليك يا عم مصطفى طلاما أنت بتقلب كتير ومبتلحقش تركز فى العربيات يبقى بردة متقدرش تقول لواحد معلومة ممكن يبنى عليها قراره ألا ما تكون متأكد لأن مش فلتر إلى يخليك تبنى علية حكمك ولا أية ؟؟
طبعا كلام حضرتك مضبوط فى ان الفلتر مش هو ألى يخلنى أحكم على صناعة السبارة و لو حضرتك ترجع لموضوع البولو 2001 بتاعى تلاقى إنى موضح أن صاحبها معملش فبها أى حاجة و لا صين العربية و لا مرة لأن الأمكانبات هناك محدودة و ما فيش حد عنده اسكنر هناك و لو حد عنه يخافوا يشتغلوا فيها و أؤكد لك أنه كان مكتوب صنعت فى المكسيك و معلش ركز معايا العربية ديه لونها أزرق و ليس الأزرق الزهري المشهور فيها و لكن أزرق داكن و على فكرة مش هيفيد أوى لأن المكسيك من البرازيل المسافة بينهم مش بعيد:shine[1]:
و عايز أنوهه ان أى عربية بتنزل جديد بيبقى فيها دفعة تجريبية و الكلام ده محدش يقدر يقولك بدقة و مش ثابت فى كل الماركات لأنها بتخضع لأسرار خاصة بالتوكيل و بتخضع لعوامل تجاريه أكثر منها فنيه و على سبيل المثال تعرف حضرتك أن الفيرنا كان فيها مواتير صينى سنه 2004 و تم سحب العربيات كتير لأنها كانت عاملة مشاكل فى الموتور و أتكتم على الموضوع و عدى
و أنا أحتراماً لكلامك هراجع صاحبها القديم فى المعلومة ديه أو ألى أشتراها منى و هو على علاقة بى حتى الـآن و أظن صاحبها القديم بفدنى أكتر بس عايز من حضرتك تسأل أنت كمان وده مش علشان الجدال أو مين ألى يفرض كلامه ولكن عشان نفيد بعض ويبقى عندنا معلومات أكتر و أدق.
و على فكرة أنا عندى تقيل أنى أكون غلطان مش عيب و لكن المشكلة أبقى مضلل او أفتى بدون علم أو أبقى فاهم أنى أنا فاهم و الحقيقة غير كدة أو أنى أبقى فاهم ألى أنا بس ألى بفهم
و الكلام ده والله فعلا من قلبى مش كلام أنشاء و سلام عليكم :satelite:
مشكور يا هندسه .. اجابه شافيه ووافيه . . وكل سنه وانتوا طيبين
لو جولف 1999 او 2000
فى منها اتوماتك - ولا مانيوال بس؟
معدل استهلاك البنزين جوا البلد وفى السفر حوالى كم لو العربيه مظبوطه؟
ايه كماليتها؟
لو فبريقه بره وجوه - وحاله ممتازه - سعرها تقريباً كم؟
أنا شامم ريحة تريقة فى الرد
بس على العموم انا مش من الناس الى بتحب تفرض رأيها او أنها متحبش تطلع نفسها غلط او أنها بتحس أن مفيش غيرهم إلى فاهم او إنى فاهم أكتر من الناس او أكتر من حد , أنا كل العبارة فى إن حضرتك قولت معلومة مش صحيحة و أنا و أعوذ بالله من كلمة أنا عشان معاية العربية بقالها تقريباً سنتين إلاا شهريين أهو الحمد لله رب العالمين على كل شىء فبقى عندى معلومات مؤكدة فى بعض الحاجات مش هقولك كلها ولكن أكيد الاساسيات دى أولها و متأكد منها , فبما إن واحد داخل يسأل الناس الى عندها دراية بالسيارات دى المفروض برده ياخد معلومات أكيده عشان فيما بعد لما يفكر مثلاً يشترى البولو يبقى مختارها على اساس معرفتة بيها كويس , بس فدا كل همى إن الى يخش على الموضوع دا يستفيد إفاده صحيحة عشان ميتلخبطش ولا يحتار .
- وعلى العموم الأختلاف لا يفسد للود قضية وانا متشكر لحضرتك .
منطقى هو نفس منطقك بس حتى الأن ما جمعته من علم بخصوص هذا الشأن تقول ان البولو لم تجمع مطلقا فى المكسيك من الجائز ان يكون هناك قطع صنعت فى مصانع فولكس فى المكسيك وتم أستخدامها فى التجميع سواء فى اسبانيا او البرازيل فلاتر البنزين والزيت وبعض قطع غيار فولكس تصنع حاليا فى الصين وأحييك فى النهايه والأختلاف فى الرأى لا يفسد للود قضيه
أخوك الفقير الى الله محمد مصطفى (وكلنا بنتعلم لحد ما هنموت )
لاء أنا عايز كنافة ههههههههه
ولا أجيبلك أنا مشبك من عندنا هههههههههه