لو شباك السائق مغلق يبقى المكيف شغال ..

**د.محمود صلاح** · 08-08-2010 05:13 PM

ألاحظ منذ فترة شبابيك سائقي السيارات .. بالذات في الحر والنهار

فإن كانت مغلقة يعني المكيف شغال .

لاحظت كل الكرولا بمختلف الموديلات دايماً الشباك مغلق

لاحظت بعض اللانسر والصني مفتوح وبعضه مغلق

لاحظت الغالبية العظمى للفيرنا واللانوس الشبابيك مفتوحة

اغلب العربيات الحديثة موديل سنة او سنتين دايما مشغلين المكيف

أغلب العربيات القديمة موديل 6 - 7 سنين للوراء مش مشغلين المكيف

..... لاحظ معي كده واديني رأيك ...

**ecybrarian** · 08-08-2010 05:28 PM

انا ما بشغلش التكييف إلا في احلك الظروف..انا مش تكييفجي..بس هالاحظ واقول لك

**Ahmed.Ali** · 08-08-2010 05:31 PM

انا مبقفلش التكييف نهاااااااااائي اصل الصوت بيبقي اهدا بكتيير الرائحه احلي بكتير فالبنزين الي هدفعه هرتاح بيه
انا خلاص معدل الاستهلاك عندي مبحسبوش الا بالبنزين و الحمد لله الموضوع مش مكلف اوي

**ahmedyehia515** · 08-08-2010 05:45 PM

المشاركة الأصلية كتبت بواسطة د.محمود صلاح

ألاحظ منذ فترة شبابيك سائقي السيارات .. بالذات في الحر والنهار

فإن كانت مغلقة يعني المكيف شغال .

لاحظت كل الكرولا بمختلف الموديلات دايماً الشباك مغلق

لاحظت بعض اللانسر والصني مفتوح وبعضه مغلق

لاحظت الغالبية العظمى للفيرنا واللانوس الشبابيك مفتوحة

اغلب العربيات الحديثة موديل سنة او سنتين دايما مشغلين المكيف

أغلب العربيات القديمة موديل 6 - 7 سنين للوراء مش مشغلين المكيف

..... لاحظ معي كده واديني رأيك ...

والله ملاحظة كويسة و ممكن نحكم على مستوى العربية من الموضوع ده بس الموضوع هيكون فى ظلم جامد اوى للعربيات تحت 1500 سى سى لأن أقل من كده التكييف فعلاً مع المانيوا بيخلى العربية تقيلة أوى و بالذات فى الزحمة، بس متهيألى لو على الطرق السريعة كله هيقفل شباك السواق عشان حتى لو التكييف بيسخن العربية، الهوا اللى داخل هيبردها على طوول.

أنا شخصياً التكييف شغال أساسى طوول الوقت عشان الريحة و الدخان و الصوت و طرطشة المياه ، يعنى الكام جنيه اللى هوفر بيهم بنزين هتعالج بيهم و العربية ليها قطع غيار بس للأسف البنى آدم مالوش. إلا طبعاً لو فيه مشكلة فى العربية ، بكون طافى التكيف

**yasserelsayad** · 08-08-2010 06:05 PM

انا على طول مشغل التكييف صبح وليل عشان الدنيا بتبقى اهدى ومفيش ريحة دخان او تراب

المشاركة الأصلية كتبت بواسطة snakeson2

فعلا الموضوع دة ملاحظ بس اعتقد ان ممكن واحد يكون مش عايز يستهلك بنزين كتير فبيفتح القزاز مثلا مع ان عربيتة 2010
و التكييف مع الزحمة والمانوال مقرف!
العربيات الكوري اعتقد بتتعب بعد 5 سنوات يعني التكييف بيسخن العربية علي حد علمي

اهتم انت بالعربية وهى هتهتم بيك وبلاش الاعتقادات دى .. هو خمس سنين دى حاجة عشان العربية تتعب فيهم
عندنا ليجانزا موديل 2000 التكييف بتاعها بيشتغل طول الوقت .. يعنى عندنا من 10 سنين وداخلة فى الـ 11 و عاملة فوق الـ 300 الف كيلو وتعتبر فبريكة مش راشة غير نظافة وبتعمل الصيانة الدورية بتاعتها.