الموضوع: ارجو النصيحة من اهل الخبرة

السعر رخيص حاول تتاكد من حالتها الداخلية اكتر لان الامكانيات دى كتير على 20 الف بصراحة

العربية دواخلها نضيفة اوي و فابريكة فعلا صحابي راحو شافوها مع السمكري و الميكانيكي و قالو انها حلوة اوي ممكن السعر يكون رخيص بس هيا لقطة بيني و بينك و بعدين صاحبها ممكن يكون عايز يخلص منها لاي سبب في المكنة يبان بعد كدة مش مهم انا كدة كدة عايز اساسيات سليمة فهمتني يا باشا ؟؟ المهم اخبار قطع غيارها ايه و هقدر اعمل منها عربية بالفلوس الي معايا ولا صعب ؟؟

و على فكرة ممكن تخلص كمان على 18 او 19 يعني صاحبها مستعد يتفاوض

قطع غيارها متوسطة وموجودة فى كذا مكان زى محل حفى اللى فى عمارات السعودية فى حدائق القبة
كمان الحرفيين فيه قطع غيارها كلها تقريبا هناك
وفيه بعض الاسعار ممكن اقولك عليها:
شبكة امامية : 150 جنيه
فانوس اشارة جانبى: 35 جنيه
تيل فرامل امامى : 50 جنيه
ماستر فرامل خلفى: 80 جنيه تقريبا

وبالنسبة للعربية هيا ماشاء الله حلوة بجد خصوصا لو حالتها حلوة هتعجبك باذن لله وممكن تغيرلها جنوط عادى محرك لو حبيت كمان وكل حاجة والشاسيه بتاعها ماشاء الله قوى يتحمل ماكينات قوية اصلا فيه محركات ستوك منه بتنزل 1800 سى سى بس عيبها انها واطية على الارض فخد بالك كويس من المطبات.

الخلاصة بجد العربية حلوة وعن تجربة وتستحق سعر اكبر من كده صراحة كده ماشاء الله هيا لقطة جدا عشان كده انا سالتك عن حالتها ربنا يباركلك فيها ويحفظهالك ان شاء الله
ولو حبيت تستفسر عن اى حاجة فيها على قد مااقدر انا تحت امرك بجد

كل عام وانتم بخير وارجو من المولي عز وجل ان يديم المحبه والخير علي جميع الاعضاء والمسلمين وشكرا لك يا اخ يونس علي ردودك الجميله وهذا ما عهدناه عليك من كرم الاخلاق وهذا ليس شئ جديد علي رواد نايل موتورز الاعزاء وياريت يا اخ يونس ان ترسل لي رقم هاتفك علي الخاص وشكرا وكل عام وأنتم بخير