باسات ولا جيتا

**mohamed ibiza** · 09-03-2008 01:21 AM

يا جماعة و النبي يا ريت منحكمش علي عربية من الشكل و الامكانيات و خلاص لازم تجربة ناس ملاك و تسال انت عليها اولا باسات الداخل بتاعها وهمي الحجم جامد الوزن تقيل علي 1600 لكن بعد ال 100 بتجري جامد الثبات حدث ولا حرج بطة زي ما بيقولوا عربية للي مشالش ممتازة و هي فعلا موتورها جامد جدا بس خد عندك العيوب
1-موتور Fsi 2 طرمبة بنزين لازمله بنزين 95 اللي مش موجود عند اي بنزينة و غالي
2-المقصات مصنعة من ايه......الومونيوم.......و ده كلام تجار قطع الغيار ضعيفة جدا
3-كرتيرة الزيت اللي بيتجمع فيها الزيت و العربية واقفة...الومونيوم...يعني اي مطب شديد من مطبات بلدنا انسي الكرتيرة تكسر و الزيت ينزل و سلملي علي التورماي
4-الفتيس بتاعها اتفك في الحرفيين و المفروض انه الماني Made In China فتيس صيني الخامات صيني مش التصميم خامات صيني تصميم الماني الكلام ده كلام تجار قطع الغيار و اللي مش مصدق ينزل لحد شارع مراد عند Volks House و يسال بنفسه
الجيتا لحد دلوقتي لا غبار عليها مسمعتش شكوة من اي حد ان جيتا وحشة بي ام 316 حرام اوي 240 الف في عربية 1600 حتي لو بي ام خصوصا ان في ناس اشتكت من مشاكل التقفيل المصري بتاع العربية دي

Ibiiiiiiiiiiiiiiiiiiiiiiiiiiiizzzzzzzzzzzzzzzzzzzz zzzzzzzzzaaaaaaaaaaaaaaa For Ever

**SEATLOVER** · 09-03-2008 02:31 AM

المشاركة الأصلية كتبت بواسطة mohamed ibiza

يا جماعة و النبي يا ريت منحكمش علي عربية من الشكل و الامكانيات و خلاص ...

يا عينى يا محمد عليك ..استاذ و الله ..
انا قلت الكلام دة فى مشاركتى فى الموضوع دة لو قرتها ..بس بطريقة غير مباشرة شوية
ربنا يسترها عليك بقى :D

**mohamed ibiza** · 09-03-2008 10:27 PM

يا عينى يا محمد عليك ..استاذ و الله ..

هيسترها ان شاء الله با ياشا انا , و الله بحاول افيد علي اد ما اقدر و في نفش الوقت انا قلت مميزات و عيوب و ده شيء طبيعي في كل عربية حتي لو بوجاتي فيرون نمرة 1 في العالم و الباسات انا نفسي بحبها بس العيوب اللي فيها دي خطيرة و الخطر ان القطع بتاعتها نااااااااااااااااار طقم الطاسلت ب 1000 جنية علامة vw ب 250 حرام يعني

IBIIIIIIIIIIIIIIIIIIIIIIIIIIIIIIZZZZZZZZZZZZZZZZZZ ZZAAAAAAAAAAAAAAA FOR EVER

..........................................
يرجى كتابة أسم الله صحيحا
الأدارة -3

**eldeplomasy** · 09-03-2008 10:46 PM

كلامك والله يا اتساذ محمد فعلا انا سمعته من كام واحد تاني ولكن رحت التوكيل نفسه وسالت قالولي مفيش حاجه خالص من اللى بتقول عليها وخلاني بصيت على العربية من تحت وانا طبعا مش فاهم حاجه بس الواضح من كلامه واللى فهمته كده ان العربية مفيهاش حاجه خالص وان الاوتوماتيك بتاعها الماني وهي السيارة الوحيده المتقفله في المانيا في مصنع فولكس فاجن والله اعلم اما بالنسبة للبي ام دبليو فانا لو جبت هجيب ال 320 هاي لاين ودي متقفله في مصنع بي ام دبليو بالمانيا

انا بصراحه احترت والمفروض وقت الاختيار قرب ومش عارف اعمل ايه؟؟؟

**Sharky** · 09-03-2008 11:00 PM

المشاركة الأصلية كتبت بواسطة mohamed ibiza

4-الفتيس بتاعها اتفك في الحرفيين و المفروض انه الماني Made In China فتيس صيني الخامات صيني مش التصميم خامات صيني تصميم الماني الكلام ده كلام تجار قطع الغيار و اللي مش مصدق ينزل لحد شارع مراد عند Volks House و يسال بنفسه
الجيتا لحد دلوقتي لا غبار عليها مسمعتش شكوة من اي حد ان جيتا وحشة بي ام 316 حرام اوي 240 الف في عربية 1600 حتي لو بي ام خصوصا ان في ناس اشتكت من مشاكل التقفيل المصري بتاع العربية دي

أنا كنت سمعت قبل كده من واحد صاحبى إن الباسات أو الجيتا الفتيس بتاعها من الإستعمال و النقل بين المانيوال و الاتوماتيك بيتكسر

بالنسبة للBMW316 دى ألمانى يا باشا مش تجميع مصرى

**mohamed ibiza** · 09-03-2008 11:08 PM

يا باشا عمر التوكيل ما هيقولك علي عيوب عربيتة المفروض ان دي باسات كفاية الاسم لكن الخبايا محدش يعرفها و التوكبل عمره ما هيقولك لانه لو قالك انت هتقول لغيرك و غيرك هيقول و الكلام ينتشر اولا vw ليها مصنع في الصين و ده شيء معروف اظن كده كلامي عن الفتيس مفهوش فصال ادي مصنع و ادي كلام التجار ثانيا انت حتي لو نزلت نمت تحت العربية مش هنفهم حاجة معلش يعني دي محتاجة قني ثالثا الباسات اصلا مش متقفلة في المانيا تقفيلها برازيلي و برضه vw ليها مصنع في البرازيل اللي عامل البوينتر و الباراتي الجولف هي اللي جاية من المانيا رأسا لان في واحد شاف ورق تخليص الجمارك بتاعها جاية من المانيا فعلا حاول تشوف ورق الباسات لو انها صعبة لان اللي عمل كده كان بالصدفة لو عايز رأيي بجد عايز اداء و كفاءة و شياكة و شكل و سعر معقول سيبك من ال بي ام لان شوارع مصر هتبهدلهالك روح شوف سيات ليون مش عايز منك اكتر من انك تروح تركبها موجودة في سيات فرع رمسيس انا ركبتها هناك و هي الموتور و الشاسية و العفشة و الفتيس بتوع الجولف و الجيتا طبعا و الشكل وهمي و الامكانيات جامدة روح و شوف السعر 145 الف و التقفيل و التجميع اسبانيا انسي انا فليتها حتة حتة مفيهوش غلطة روح الاول و شوف

IBIIIIIIIIIIIIIIIIIIIIIIIIIIIIIIZZZZZZZZZZZZZZZZZZ AAAAAAAAAAAAAAAAA FOR EVER

**eldeplomasy** · 09-03-2008 11:17 PM

طيب وقطع غيارها متوفرة

والموتور بتاعها قوته كام حصان وكام سي سي

وبها شاشه داخليه ولا مفيهاش

لو تعرف واصفتها وتجبلي صورتها لاني مش هفضى اروح اشوفها الا لو هشتريها

وهل فيها اوبشن زيادة زي اللانسر ولا هي فئه وحده بس

وشكرا جزيلا يا استاذ محمد ابيزا

**SAbuhashem** · 09-03-2008 11:18 PM

يا محمد خد بالك من لفظ الجلالة( والله) مش ولاهي

نرجع للموضوع

أنا بجد مستغرب يعني علشان أجيب عربية قيمة وعلى مستوى عالي أكون مرعوب من قطع الغيار والصيانة وهواجس غريبة وتضيع فرحة إمتلاك السيارة لمجرد اني بفكر في حاجات أنا معرفش ممكن تحصل أو لأ

أنا عارف إن قطع غيار الالماني غالية لكن هل هي بالارقام المرعبة إلي بتقولوا عليها دي . !! واحد مرة بيقوللي الجير بتاع ال 318 موديل ٢٠٠٠ ب-٧٠ ألف جنيه في التوكيل و- زجاج المراية الجانبية في el 525 موديل ٢٠٠٤ ب-٦٠٠٠ جنيه

أنا نفسي أسمع أرقام من واقع تجربة واقعية من شخص ممتلك السيارة وبذات ال BMW الفئة الثالثة وال passat لإن دول من أكتر العربيات المنتشرة في مصر
ولا el-Jetta إلي بقت أكتر من الانسر هل كل إلي امتلكوها مفكروش في نقطة قطع الغيار ولا الناس دي بتجازف وبس

أكيد في حجة غلط في حلقة مفقودة

أعرف يا ريت تكاليف إمتلاك سيارة ذي ال-BMW أو ال-Passat بغض النظر عن سعرها كام شامل الصيانة الدورية ويا ريت أمثلة لاسعار قطع الغيار

Thanks
Eng.Sherif Shaker

**eldeplomasy** · 09-03-2008 11:27 PM

انا مش فارقه معايا اسعار قطع الغيار واكيد الناس اللى راكبه العربيات دي مش فارقه معاهم قطع الغيار لكن اللى فارق معايا اني لما حاجه تبوظ هلاقيها ولا هدوخ عليها واروح التوكيل يقولولي والله لسه مجتش وهتيجي قريب والكلام اللى يتعب ده
لاني لما اروح اصلح حاجه مش هبقى فاضي الف عليها هي مرة وحده اروح اركبها وانتهينا لكن مقعدش الف بقى واضيع وقتي على العربية

كلنا لما بنركب العربيات دي مش السعر اللى بيفرق اللى بيفرق توفيرها او لأ

وبعدين حتى لو المراية ل 6000 هركبها بس المهم تبقى موجوده لاني شفت ناس قريبي وزميلي داخوا على مراية عربيه سيات وكذلك زجاج النوبيرا الخلفي لانه الراديو مدمج فيه

انا هيمني اروح التوكيل او ابعت العربية مع السواق يركب ويجي مش ييجي يقلي حجزوها على مش موجوده قطع الغيار او ييجي من غيرها بس

**mohamed ibiza** · 09-03-2008 11:45 PM

لا شكر علي واجب يا باشا خليك معايا
1-سيات ليون
2-1600 سي سي 102 حصان\5600 د.د 148 نيوتن\3800د.د عزم نفس مواصفات الجيتا مع اداء اشد ل الليون نظرا لانها اصغر و اخف
3-الفئة هاتش باك رياضية بطابع عائلي
4-الصالون مصنع من اجود الخامات الاسبانية علي مستوي عالي من الجودة
5-مانيوال مفيش اوتوماتيك لان نسخة واحدة اللي بتنزل
6-لم تنتشر نظرا للكمية المحدودة جدااااااااا اللي نزلا منها
7- 4 ايرباج سائق و راكب امامي و الجناب
8-شاشة داخلية
9-جنوط سبور 16 و فرد 205\55
10-راديو cd
11-فتحة سقف كهربائية
12-باور ستيرينج
13-طبعا في انوار للصالون و الحاجات دي
14-فوج لايت
15-باور لوك+ريموت كنترول+نظام امان+lock+unlock
16-تكييف كليماترونيك
17-عجلة قيادة متعددة الوظائف
18-ايموبليزر
19-كاب هولدر و الحاجات دي موجودة في كلة طبعا
20-سعة الشنطة 341 لتر
21-التانك 55 لتر
عاملين حركة جامدة في الباب الوراني الاكرة بتاعته من عند ااشراعة كده تديك احساس الكوبيه و هي 5 ابواب وزن العربية 1205 كيلوجرلم و الفرامل طبعا abs\tcs\ebd و هي 16 صباب و للعلم اللي امتلك الموديل السابق بيحلف بيه و ادي الصور

دي صورة الصالون هو ده الصالون اللي بينزلنا هنا بس الشاشة انا شفتها و هي مطفية هي مولعة في الصورة

IBIIIIIIIIIIIIIIIIIIIIIIIIIIIIIIIIIIIIZZZZZZZZZZZZ ZZZZZZAAAAAAAAAAAAAAA FOR EVER