يوم لصيانة البيتلز

**ابوهاشم** · 05-02-2009 11:53 AM

السلام عليكم ورحمة الله وبركاته
انا حبيت افتح الموضوع ده لاصحاب البيتلز بفكره جديده وهى اننا ان شاء الله كلنا نتجمع فى يوم نحدده مع بعض باستمرار لصيانة عربياتنا مره واحده بمعنى اننا كلنا هنشوف ايه اللى عاوزين نعمله فى عربياتنا سواء ميكانيكا او كهربا او سمكره او حتى سروجى او دوكو وحتى شراء قطع الغيار ونحدد صنايعى واحد او بتاع قطع غيار ونطلع عليه كلنا ونتعامل معاه جماعه مش فرد كل واحد بطلبه وبكده ان شاء الله ممكن نعمل تخفيضات كبيره سواء فى المصنعيه او قطع الغيار علشان الصنايعى لما يلاقينا مجموعه مترابطه ببعضها هيحاول على قد مايقدر انه مايخسرناش
وطبعا غير ان فى اللقاء ده احنا كمان هنفيد بعض فى الصيانه باللى نعرفه كل واحد بيعرف يعمل حاجه بايده هيوريها للباقى وكده يبقى مجموع المعلومات اللى يعرفها كل واحد مننا هنبقى كلنا عارفنها حتى لو ادى الامر اننا ممكن نختار مكان نغسل عربياتنا بايدينا كمان
وانا مستنى ردودكم على الموضوع علشان لو فى ايجابيه نبتدى ان شاء الله نحدد اول ميعاد ونتعاهد مع بعض ان لو حتى واحد فينا عنده مشكله لواحده كلنا هنروح معاه

**ihab** · 05-02-2009 12:10 PM

بس هى النقطة ان الصيانة بتاخذ على الاقل ساعة لكل عربية مع العدد الكبير حايبقى الوقت كبير جدا

**ahit** · 05-02-2009 01:54 PM

السلام عليكم و رحمة الله و بركاته

مواضيعك جديدة و مميزة يا أستاذ/ هاشم

طبعاً الفكرة كويسة و هدفها جميل بس المشكلة زى ما تفضل الأستاذ/ إيهاب و قال إن الصيانة هتاخد وقت كبير دا أولاً
ثانياً : من الصعب يكون عندنا كلنا نفس العيب أو عيوب أخرى تستوجب الذهاب لنفس الصنايعى.
ثالثاً: الفترة الحالية كلنا بنجرب صنايعية كتير و بنبلغ بعضنا بالنتايج و بالتالى مع الوقت هانستقر كلنا تقريبا على صنايعية للبيتل معينين و فى هذه الحالة هايتطبق كلامك بصورة طبيعية إن شاء الله.
و دا طبعاً من وجهه نظرى و نسمع رأى باقى الأعضاء.

شكراً على الأفكار الجميلة بجد.

**ابوهاشم** · 10-02-2009 02:35 PM

ياجماعه مش مهم اننا كلنا نعمل شغلنا مره واحده ولكن انا اقصد اننا نروح مره واحده مع بعض عند اى صنايعى علشان يعرف فعلا اننا عدد كبير مترابط وكلمة واحده مع بعض واتفاق وبالطبع هو هيحاول يرضينا كلنا طبعا على الاقل فى الشغل قبل المصاريف لانه طبعا هيحاول يكسبنا زباين ليه

**ahit** · 10-02-2009 10:59 PM

المشاركة الأصلية كتبت بواسطة hashem1999

ياجماعه مش مهم اننا كلنا نعمل شغلنا مره واحده ولكن انا اقصد اننا نروح مره واحده مع بعض عند اى صنايعى علشان يعرف فعلا اننا عدد كبير مترابط وكلمة واحده مع بعض واتفاق وبالطبع هو هيحاول يرضينا كلنا طبعا على الاقل فى الشغل قبل المصاريف لانه طبعا هيحاول يكسبنا زباين ليه

كلام سليم 100% متفق معاك
و إيدى فى إيدك نتعاون على ذلك

**ihab** · 11-02-2009 04:34 PM

و انا ان شاء الله على قد اما اقدر حابقى معاكوا ان شاء الله

**abdou83** · 10-03-2009 07:02 PM

فكره حلوه بس محتاجة آليات للتنفيذ يعني ممكن تتقسم مجوعات وكل فتره تتغير وانا معاكم بس حددوا أيام الكهرباء وأيام المكانيكا وأيام الغسيل وأيا السمكره والبويا وإلخ ممكن يكون الإقبال في الأول ضعيف بس مع الوقت يا هيثبت جدارته

**ابوهاشم** · 10-03-2009 09:19 PM

المشاركة الأصلية كتبت بواسطة abdou83

فكره حلوه بس محتاجة آليات للتنفيذ يعني ممكن تتقسم مجوعات وكل فتره تتغير وانا معاكم بس حددوا أيام الكهرباء وأيام المكانيكا وأيام الغسيل وأيا السمكره والبويا وإلخ ممكن يكون الإقبال في الأول ضعيف بس مع الوقت يا هيثبت جدارته

اهلا ومرحبا بحضرتك عضو جديد فى منتدانا وقسم البيتلز وان شاء الله تكون معانا فى مقابلتنا المره اللى جايه
احنا فعلا بنتقابل ونتجمع مع بعض من فتره والحمد لله
وتقدر تشوف ده بالصور كمان على الرابط ده
http://www.nilemotors.net/Nile/showthread.php?t=55840

**abdou83** · 14-03-2009 06:57 PM

ياريت بس حدد انت المعاد وبصراحه انا إستفد منك كتير

الموضوع: يوم لصيانة البيتلز

LinkBack

أدوات الموضوع

عرض

يوم لصيانة البيتلز - انشر الموضوع فى :

-

-

-

-

-

-

المواضيع المتشابهه

للخبراء فى البيتلز( تعديل البيتلز)

بالنسبة لصيانة 20000

حجز لصيانة ال20 الف

يا رجالة البيتلز هى البيتلز ادفع فيها 20 الف جنية

استفسار لصيانة الالف؟

الكلمات الدلالية لهذا الموضوع

المفضلات

المفضلات

ضوابط المشاركة