باسات ولا جيتا

**eldeplomasy** · 21-05-2008 01:52 AM

يعنى تقصد تقول ان عزم موتور الالماني اقوى من الياباني ولكن الياباني اقوى واسرع؟؟؟

ولا ايه معلش انا مش فاهم الفرق بين العزم والهورس باور والتسارع والعلاقه بينهم ايه؟؟؟

انا بصراحه محتار جدا جدا جدا ومش عارف اختار إيه؟؟؟

**Ahmed Samy** · 21-05-2008 02:21 AM

يا فندم العزم بيقيس قوة الموتور على العمل تحت ضغط (تحميل او مطالع الخ) و هو المقياس الحقيقي في نظري لحجم الطاقة المبذولة

اما الهورس باور فهو يدل أكثر على تسارع السيارة بدون احمال فعلية

يعني ممكن تلاقي عربية بهورس باور عالي و تورك متواضع تجري و تشد كويس بس ركب فيها 3 و اطلع مطلع (كرررررررررررررررركررة)

اما الألماني
ركب أربعة و شنطهم و اطلع بيهم السما و لا الهوا

و في نفس الوقت حضرتك مش جايب العربية للسباق و مع ذلك هتاخد منها تسارع لايوصف بإنه سيء بس مش بتاع جري و حرق و شد

محتار ليه بس

انت مادام محتار بين الألماني و بعضه يبقى انت في بر الأمان

**eldeplomasy** · 21-05-2008 02:31 AM

فعلا معاك حق بس الحيرة بدأت تدخل فيها بعض الياباني زي الهوندا سيفيك والميتسوبيشي جلنت وبصراحه كل يوم بحتار اكتر من الاول ومش عارف اعمل ايه

يعنى كان زمان محتار بين الماني والماني تقفيل بره دلوقتي محتار بين الالماني الالماني والالماني تقفيل بره والياباني ومش عارف اعمل ايه؟؟؟

**eldeplomasy** · 23-05-2008 03:10 PM

دلوقتي بقى في سؤال جديد هل الموتور الجديد ال Tsi
نازل في الجيتا 2008 ولا لأ علشان بجد الموتور ده ثورة في عالم المحركات

فلو حد يعرف الموتور ده هينزل امتى يقلي ضروري جدا

وانا سمعت انه نزل في الجولف 2008 لكن معرفش نزل في الجيتا والباسات ولا لأ

وده ان شاء الله اللى هيحسم الموضوع الا في حاله نزول المحرك ده في جميع موديلات فولكس

**Abo_Lina** · 23-05-2008 03:26 PM

المشاركة الأصلية كتبت بواسطة eldeplomasy

وده ان شاء الله اللى هيحسم الموضوع

يادين النبي ..
دي السكة طويلة بشكل..
الموضوع مفتوح من 3 - 3 و 9 صفحات و لسه ماتحسمش
كلها عربيات كويسه و الفروق بينها مش خرافية يعني ..شوف انت مرتاح لايه و توكل على الله

**eldeplomasy** · 23-05-2008 03:30 PM

اصلي يا استاذ معنديش وقت اصلح واغير العربية كل سنة

فعايز حاجه متتعبنيش في التصليح كل شوية وفي نفس الوقت تكون اختيار جيد

**Ahmed Samy** · 23-05-2008 04:53 PM

المشاركة الأصلية كتبت بواسطة eldeplomasy

اصلي يا استاذ معنديش وقت اصلح واغير العربية كل سنة

فعايز حاجه متتعبنيش في التصليح كل شوية وفي نفس الوقت تكون اختيار جيد

تصلح ايه بس يا فندم :)

كل اللي حضرتك بتتكلم فيهم دول سيارات ممتازة الكل بيشكر فيها و مش بتوع تصليح و لا تغيير

و كلهم اختيار جيد بل فوق الجيد كمان

انوي انت بس و سيبك من الكلام اللي لا يودي و لا يجيب لأن في ناس هوايتها المقارنات الرومانية القديمة التي لا تضر و لا تنفع

يعني مثلا الجيتا لو حضرتك جبتها بالموتور الحالي (اللي هو تحفة اساسا و ليس عليه غبار)

و كمان سنتين نزل موتور جديد (و ده طبيعي و هايحصل) ايه الضرر اللي هايحصل لحضرتك ؟؟؟؟؟؟؟؟؟؟؟؟

و لا حاجة

توكل على الله و ماتضيعش وقتك و اركب و اتبسط ........الدنيا قصيرة ,,هاتضيعها في المقارنة و مش هاتلحق تركب

**hani945** · 23-05-2008 03:54 PM

أنا أعرف واحد صاحبى جاب أوكتافيا A5 الخليجى وشغالة معاه فوق الممتازة
الثبات ملوش حل ، والتسارع بتاعها مش بتاع سيارة رياضية بس كفاية إنها عربية قوية وفخامة كمان ، شوفها كده وعاينها وفكر فيها ، ممكن تعجبك قوى ، وخصوصا الفئة الإليجانس .
جرب وعاينها كده

وقولى رأيك إيه فيها ؟

**eldeplomasy** · 23-05-2008 04:58 PM

فعلا كلام منطقي جدا بس الموتور الجديد ده موفر في استهلاك البنزين فطالما في موتور بالقوة دي يعنى 140 حصان اقوى من المواتير الياباني كمان وكمان الماني وكمان استهلاكه للوقود أقل ب20% فيبقى حرام اكيد موتور عادي واستهلاكه زيادة خصوصا ان مشاويري كتيره جدا وده هيبقى اسراف من الناحيه الدينيه

**SAbuhashem** · 23-05-2008 05:00 PM

المشاركة الأصلية كتبت بواسطة eldeplomasy

فعلا كلام منطقي جدا بس الموتور الجديد ده موفر في استهلاك البنزين فطالما في موتور بالقوة دي يعنى 140 حصان اقوى من المواتير الياباني كمان وكمان الماني وكمان استهلاكه للوقود أقل ب20% فيبقى حرام اكيد موتور عادي واستهلاكه زيادة خصوصا ان مشاويري كتيره جدا وده هيبقى اسراف من الناحيه الدينيه

only 118 HP

Thanks
Eng.Sherif Shaker

مشاهدة نتائج الإستطلاع: الباسات ولا الجيتا

الموضوع: باسات ولا جيتا

LinkBack

أدوات الموضوع

عرض

العرض المتطور

-

-

-

-

المواضيع المتشابهه

فانتازيا ولا جيتا ولا باسات ولا c5

316i- سيفيك - جيتا - باسات

عروض باسات و جيتا الجديدة

باسات ولا جيتا

الكلمات الدلالية لهذا الموضوع

المفضلات

المفضلات

ضوابط المشاركة