تعديل الفيات ل bmw

**M.Akef** · 13-08-2010 05:36 PM

المشاركة الأصلية كتبت بواسطة Adham

كلامك فية جزء كبير من الحقيقة يا سيد ميدو بس انا برضة باقول ان امكانيات السيارة و المحرك ليها عامل كبير

يعني عزم الموتور مطلوب في الدريفت انما عربية موتورها ممشيها بالعافية و ستابيلتي سيء زي مثلا الرينو 5 تتقلب في دريفت بسهولة, عير بي ام 325 مثلا او ام 3 سهل جدا سائق غير محترف يمل بيها دريفتات

و طبعا لاشك ان الدراج السواق بيفرق فية بنسبة بسيطة , بس برضة هو عامل, لأن سواق غشيم قوي ممكن العربية تعرض منة في الطلعه لو موتور شديد دفع خلفي او يفقد السيطرة عليها

انا مش باقول ان السواق مش عامل خالص و انما غالبية العوامل من السيارة (تسارع - عزم - ثبات)

و امكانيات سواق متواضعة حاتفرق مع سواق محترف طبعا انما لو فرق السيارة كبير فرق السواق في حدود المعقول مش حايقدر يعمل حاجة

حضرتك انا مش بحب اتكلم عن نفسي عشان ربنا يسترها معايا لاني في الاخر ماشي علي 4 فرد هواء
حضرتك انا كان معايا فولفو موديل 1974 عربيه ولدي كان سبها لسواق حمار خلها مش عربيه اصلا كل حاجه فيها بتشتكي بيها كنت باكل غرز و بجري جري و الف واحد ورايا بيحاول يعديني مفيش فيده
و بعربيتي الجديده لانسر 1.3 اوتو طلعت معن عربيات لا حصر لها و منهم 1.6 منيول بومه! و كورولات و عربيات مقدرشي اعدهمك و منهم عربيات كوبيه هو هيجي اد ما يجري اول ما يخش زحمه يبقا يقابلي لو طلع منها و انا بالكيك دون وسط الزحمه طاير و بغرز و حضرتك صديقي كان معايا دايو لانوس حقق سرعه 207 و تسارع في 12 ثانيه يعني انت لو راكب عربيه لانسر ولا كورولا مش هتشوفه بي ام 525 ماشي 180 و صحبي معادي جمبه كدا و بتاع البي ام مش عليه الا انه يفضل مركز ايه ده!
بأوبل استرا هاتش باج تسارع في 10 ثواني و وصل مؤشر السرعه لاخر الطبلو!
الشخص دا ثلي الاعلي الي عارف اني عمري ما هبقا ربعه في السواقه دا انسان خرافيبيقول لك لو انت راكب بوغاتي حاتي لي اي حاجه بتمشي علي 4 عجلات بس و خشلي جوه البلد
حضرتك انا غالبا يوميا بعمل ريسنج و الحمد لله مستحيل حد يطلع مني غرز و بتكون عربيات اعلي مني بكتير و منهم ناس معروفه جدا عندنا في المنصوره انهم عمالقه الجري و عربيتهم بترعب منها لما بتجري اصلا عربيات عادي كورولا و لانسر و بي ام 320 بس هما عملين فيها شغل مخلينا عربيات خرافيه منهم كورولا1.6 اوتو دا انا كنت بشد معاه كان و هو طالع يعد يزحف 10 15 متر و العجل يحف في الكرتيرات وره جامد و بيقول ولله ما كنت بكبس امال لو شغل زرار الدريف اسبيد اليه الي هيحصل!
صدقني العربيه مجرد عامل فقد لا اكثر ولا اقل ما انا بردو بكون ماشي 170 و باخد ملفات و انا بعمل ريسنج مع عربيات الماني هو ياخد الملف و يطير عادي و انا العربيه تعوم و اللمها و اكمل حري هل اي حد يلاقي العربيه ظهرها بقا جمبه هيلمها؟
و اخر حاجه هحكيلك موقف حصل لي امبارح انا و واحد صحبي بكورولا منيول طلعين مع بعض مشيين عادي هو سحن و عاوز يشد معايا و انا عارف اصلا انه يهطلع مني مواتير في وثاني(بس لانه مش سواق بينقل بدري و سعات بطلع منه

)
المهم انا اعد منفض لاني عارف انه غشيم اوي و خايف عليه المهم انا قلت اجري عشان مزعلهوش و مكنتش سخن ولا حاجه عاوز اربيه بس ابل المطب اهدي و هو ييجي زحف و علي ما انا اكبس هو يكون باكل المطب و لازق في الشنطه اعدنا نجري كتير وسط البلد
لغايت الطريق بقا حرتين بس و عربيه نص نقل في حرته مشيه باراحه انا مشيت عادي و هو مكبسي فرامل الا ابلها بمسافه صغيره
العقل بيقول لاما كان يسقط نقله و ياكلها غرزه من ادامي و بسم الله ما شاء الله عربيته تعرف تعملها لاما يمسك فرامل جامد و يستني اول ما انا اعدي و يخدها من ورايا او الحل الاخير و صعب شويه كان في ملف واسع و كويس كان يبدء يعوم العربيه و ينزله بهند
لا هو كبس فارامل و عاوز يكسر العجل و هو ماسك فرامل العربيه عامت خدها طيران من فوق تلتوار بتاع الملف تلتوار علي شكل مثلث هو طار من فوقه طبعا ضيع الدنيا تحت و طبه الزيت اتخرمت و حصلت بالاوي و لسه هنصلحها النهردا!!
هل لو كان سواق سايق عربيته كان حصل كدا؟
ابل ماهو يطلع واحد صحبنا تاني انا بحترم سوقه جدا و هو ده الوحيد الي انا اقلق و انا طالع معاه اصلا طلعت انا و هو و كنا بناخد الغرز بعرض الطريق و ملفات علي سرعات و كبس فرامل فجئه و عادي خالص لا عامت ولا قالت حاجه لا صوتها كان مولع الدنيا و كان اعد يطنطط بين العربيات
في الدراج كلام حضرتك صح لكن الكلام ده بيحصل عند العرب مش هنا ولا في اوروبا في الدراجات لو حتي انت سواق متوسط عربيتك هي الي هتتكلم و لو انت ممتاز يبقا انت كدا هتبهدل الدنيا لكن في كل الحالات لو انت متوسط بعربيه محترمه و الي ادامك محترف بعربيه نص نص مش هيطلع منك مهما عمل
في الريسنج الي ملكتها السفك طبعا دي سواق 90% دا لو مكنتشي 100%
في الهاي وي بس في عربيات يعني طرق سريعه بس دي قلب ميت و فنااان و دي السواق ليه فيها 50%
و هي في النهايه وجهات نظر
معلشي طولت عليك يا مان

**Adham** · 13-08-2010 06:01 PM

المشاركة الأصلية كتبت بواسطة medoakef

صدقني العربيه مجرد عامل فقد لا اكثر ولا اقل ما انا بردو بكون ماشي 170 و باخد ملفات و انا بعمل ريسنج مع عربيات الماني هو ياخد الملف و يطير عادي و انا العربيه تعوم و اللمها و اكمل حري هل اي حد يلاقي العربيه ظهرها بقا جمبه هيلمها؟

مش شرط الالماني يثبت عنك في الملفات, هنا بقى فرق السواق اللي يعرف يلم عربيتة و يعرف امكانياتها و يستغلها احسن استغلال

بص انا مرة شديت مع واد ببي ام 320 زمان ايام الشقاوة كنت راكب هوندا سيفيك 1500 مانيوال معدلها و مضبطها و طبيعي ان البي ام تقطع الهوندا في الطوالي بس انا كنت باعتمد عالملفات الكتير اللي في الاوتوستراد من شيراتون لالماظة اني اخد الملف عالواسع قوي من اقصي اليمين و ادخل ضيق الملف في نصة بالضبط في شماله و اطلع من الملف سايبها توسع لغاية اقصى اليمين تاني
و سواق السيفك الصح يعرف ان في الملفات ماتلمسش فرامل, لو عايز تهدي تهدي قبل الملف, انما في الملف تكبس سنة بنزين تخللي العربية تلم معاك و ماتتطوحش في الملف ابداً عكس الدفع الخلفي لو كبس بنزين في ملف العربية تلف منة

ولا عرف يجيبني كل ما يحصلني يكون دخلة الملف اللي بعده عبال هو ما يهدي و ياخد الملف اكون انا سيبتة ب 50 متر

لا هو كبس فارامل و عاوز يكسر العجل و هو ماسك فرامل العربيه عامت خدها طيران من فوق تلتوار بتاع الملف تلتوار علي شكل مثلث هو طار من فوقه طبعا ضيع الدنيا تحت و طبه الزيت اتخرمت و حصلت بالاوي و لسه هنصلحها النهردا!![/color][/size]

لا دة غشيم و اكيد مش دة قصدي

هل لو كان سواق سايق عربيته كان حصل كدا؟

لا طبعا دة واضح ان قلبة خفيف و مش متمكن

................... و كبس فرامل فجئه و عادي خالص لا عامت ولا قالت حاجه لا صوتها كان مولع الدنيا و كان اعد يطنطط بين العربيات[/color][/size]

دة متهيألي فرق ال abs من الفرامل العادية مش فرق سواقة بالاكتر

[size=4][color=sandybrown]في الدراج كلام حضرتك صح لكن الكلام ده بيحصل عند العرب مش هنا ولا في اوروبا في الدراجات لو حتي انت سواق متوسط عربيتك هي الي هتتكلم و لو انت ممتاز يبقا انت كدا هتبهدل الدنيا

تمام

لكن في كل الحالات لو انت متوسط بعربيه محترمه و الي ادامك محترف بعربيه نص نص مش هيطلع منك مهما عمل

ايوة ما هوة دة قصدي بالضبط من الاخر

معلشي طولت عليك يا مان

سعيد بحوار معك و ربنا يوفقك

**M.Akef** · 13-08-2010 09:34 PM

مش شرط الالماني يثبت عنك في الملفات, هنا بقى فرق السواق اللي يعرف يلم عربيتة و يعرف امكانياتها و يستغلها احسن استغلال

بص انا مرة شديت مع واد ببي ام 320 زمان ايام الشقاوة كنت راكب هوندا سيفيك 1500 مانيوال معدلها و مضبطها و طبيعي ان البي ام تقطع الهوندا في الطوالي بس انا كنت باعتمد عالملفات الكتير اللي في الاوتوستراد من شيراتون لالماظة اني اخد الملف عالواسع قوي من اقصي اليمين و ادخل ضيق الملف في نصة بالضبط في شماله و اطلع من الملف سايبها توسع لغاية اقصى اليمين تاني
و سواق السيفك الصح يعرف ان في الملفات ماتلمسش فرامل, لو عايز تهدي تهدي قبل الملف, انما في الملف تكبس سنة بنزين تخللي العربية تلم معاك و ماتتطوحش في الملف ابداً عكس الدفع الخلفي لو كبس بنزين في ملف العربية تلف منة

ولا عرف يجيبني كل ما يحصلني يكون دخلة الملف اللي بعده عبال هو ما يهدي و ياخد الملف اكون انا سيبتة ب 50 متر

ماشي يا بتاع الفورميلا ون يا جامد هما بيعملو كدا بردو و النظريه دي بتتقال خد الملف واسع في الديق و انا عرفها لكن مش بعتمد عليها الا في اصعب الاحوال و لما كنت بشد مع الجتا كان جمبي فميمفعشي اقرص عليه اصلا
ولله انت فكرتني بواحد صحبي اول ما اشتري مرسيدس معدله كان نفسه يعرف يعني ايه الماني بيقول انا جبت 120 و بعدين مسكت الطاره كسرتها جامد و سبتها لقيت العربيه حته مين حته شمال و بعدين كملت جري!
ولا صحبي بأوكتفيا a5 بيشد الهند علي 80 العربيه تعرض بالجمب و اول ما ينزل الهند تعدل و تكمل جري يا مان دي عربيات تعقد
صعب جدا ان الماني يعوم حتي الي سيقه حمار و فعلا في 320 امبارح كانت مشيه و انا جمبها و كان ادامي بشويتين 128 فكنت عاوز اكل الغرزه من ادام البي ام عشان اولعه لاني بحب اتفرج عليها و هي بتجري اوي بس هو مستناش و قرص و طار و انا وراه هو بسرعته دخل شارع يعني زويه 90% و عادي خالص و العربيه فحتت و كملت جري انا لو كنت مكانه و داخل الملف ده كان زماني في البايباي ممكن اه املها بس ده محسش بيها اصلا
و عن ان في الملف الخلفي لو كبس العربيه هتعرض فدا في عربيه قديمه اما الجديد مبيزحفشي اصلا حتي لو كبست اخر البنزين العربيه هتطلع عادي و بعدين تجري و مستحيل ان عربيه بي ام ولا مرسيدس ولا فولكس تعرض و هي مشيه يا مان في ملف جامد بباسات وخدين 3 غرز تخييط ورا بعض يمين شمال يمين مفيش تفاهم الطاره كان نصها بيتكسر علي سرعه 180 و عادي خالص!
الالماني الماني حتي لو الي سيقاه تهاني

دة متهيألي فرق ال abs من الفرامل العادية مش فرق سواقة بالاكتر
هو الabs طبعا افضل بكتير بس بتتبهدل في اللعب ده و بالزات لو العربيه يباني لكن الموضوع كله احنا جريين ركلنا علي البنزين بس و لا الدنيا تتسد خالص بنمسك فرامل و عادي و معومتشي هي اهلو كانت abs مع الي عمل الحادثه كانت ظبطط شويه بس في النهايه لو سواق كان لحقها

شرف لي التناقش معك يا مان و كل عام و انتم بخير

**Adham** · 13-08-2010 09:50 PM

انا زمان كنت اتفرج عالفورميولا وان كتير عالسوبر سبورت و اتعلمت منهم حكاية الملفات دي و كانت وقتها جديدة هنا , دة من اكتر من 14 سنة مثلا

و انا مش باقول عالبي ام انا باتكلم عامه ان اي عربية دفع خلفي (في العادي القديم) لو كبست بنزين في ملف حاتلف منك ولو على شوية مياة او رمل قول يا رحمن يا رحيم, بس البي ام و الالماني الجديد طبعا في تحكم الكتروني يخللي مافيش عجلة تسبق عجلة و بيتحكم في سرعه العجل علشان العربية ماتلفش و لا تنزلق و لا تعرض ولا كلام من دة

انما انا باتكلم في كلام من زمان قبل الانظمة الجديدة للتحكم الالكتروني في السيارات دي ماتنزل

ال اية بي اس يخليك ممكن تكبس فرامل و تلف الدركسيون في نفس الوقت و العربية تستجيب و تغير اتجاهها انما لو مافيش اية بي اس العربية مش حاتلف و حاتفقد السيطرة عليها (تنزلق و تزحف)

**M.Akef** · 13-08-2010 10:04 PM

تمام يا مان شكلك كدا استاذ اديم الي اعرفه الناس القديمه كانو بيلعبو احسن من دلوقتي بكتير
بس بردو من غير اي بي اس بنقدر نلم العربيه و علي فكره علي ملفات جمصه لما كنت طالع عليها اول مره كنت بخش ملفات بحس اني هموت فيها الطريق يديق و صبه منه هنا و صبه من هنا ميت ميت و كنت بمسك فرامل بس مش اوي بشيل و احط و بهدي العربيه و تعدي و الحمد لله عموما بردو انت لو معاك عربيه منيول احسن من الف جهاز اي بي اس

**Adham** · 13-08-2010 10:46 PM

قديم بحكم السن يا ميدو ههههههههههه

40 سنة كمان 3 شهور

**magyver** · 14-08-2010 04:51 AM

يالاهوي متفكرنيش بملفاات جمصة دة
دة انا كلت واحد غرزة فيها
مووت والله بس ربك بيسترها

**M.Akef** · 14-08-2010 10:30 AM

المشاركة الأصلية كتبت بواسطة Adham

قديم بحكم السن يا ميدو ههههههههههه

40 سنة كمان 3 شهور

ههههههههههه
كل سنه و انت طيب يا مان
بس المفروض بقا اقول د ولا م ولا أ؟؟

المشاركة الأصلية كتبت بواسطة magyver

يالاهوي متفكرنيش بملفاات جمصة دة
دة انا كلت واحد غرزة فيها
مووت والله بس ربك بيسترها

الله ولله يا مان انا لما بخش النص التاني من الطريق و انا رايح بحس اني في ديس ريس و فعلا فيها ملفات قاتله لكن و انت راجع كويس
علي فكره انا رحت الخميس الي قبل الي فات يا مان و مشفتكشي بردو هناك؟