الكلام النهائي بخصوص تعديل الفيات 128

**strongxx** · 22-09-2011 01:57 PM

من الأول كده....

العربيه تروح عند سمكري محترم تتشد والسدر يتقوي والبارات تتركب ورا وقدام

المواتير إلي يتم تسقيطها لا تزيد عن 1300 سي سي سواء كان الفيات ولا لانشيا او ريجاتا أو أونو

يتركب طقم كهربا إسبور شامل بوبينه ياباني وأسلاك بوجيهات إسبور وبوجيهات 3 شمعه

يتركب لها فلتر هواء إسبور

يتحط لها كربراتير إيطالي أو يوغوسلافي أصلي جديد

بتركب لها مساعدين أوبل كورسا مع ياي إسبور مع جنوط لا تزيد عن 13 إنش

ده من رأيي أنسب تعديل لل128....تعديل قوي وهادي ومش مؤذي للعربيه وبالعكس حتعكس لك أداء قوي جدا وفي نفس الوقت حيحافظ لك علي بدن العربيه من الشروخ وتقدر تشد وتجري براحتك بدون ما تفكر تغير الفرامل والموال ده

عايز رأيكم ؟؟؟

**ahmedesmat1987** · 22-09-2011 02:48 PM

راى هتحس بفرق بس مش زى منت متوقع نتيجه صرف وتعب ........وفيك انك تصرف زياده مش كتير وتحس فعلا بالى انت عملتو.....وبالنسبه للفرامل هتتغير هتتغير......مش هتقدر تهرب....ركبت بارات وشدت الحوض وركبت موتور وجنوط وعدلت على الموتور كمان ..فين بقى الفرامل اللى هتوقف الكلام دا كله.؟

**strongxx** · 26-09-2011 01:13 PM

المشاركة الأصلية كتبت بواسطة ahmedesmat1987

راى هتحس بفرق بس مش زى منت متوقع نتيجه صرف وتعب ........وفيك انك تصرف زياده مش كتير وتحس فعلا بالى انت عملتو.....وبالنسبه للفرامل هتتغير هتتغير......مش هتقدر تهرب....ركبت بارات وشدت الحوض وركبت موتور وجنوط وعدلت على الموتور كمان ..فين بقى الفرامل اللى هتوقف الكلام دا كله.؟

انا بقولك موتور 1300 ؟؟؟ مش محتاجه تعديل فرامل نهائي....لان الـ128 ليها موتور 1300 وفراملها الموجوده توقف الموتور ده بكل هدوء

الكلام ده لو حطيت موتور 1500 ساعتها أقولك أه فعلا حتحتاج فرامل أكبر

وباقي التعديلات ملهاش علاقه بالفرامل....ولو علي الجنوط ممكن تعدل لها العفشه أه غير كده كله تمام

**hko** · 28-09-2011 05:26 AM

بدال انت هاتركب مساعدين كورسا مع يايات اسبور يبقي ركب جنط 14\185 يزود الثبات وينجز في الفرمله

**strongxx** · 29-09-2011 10:00 AM

عموما تعديل الفرامل وتركيب نظام كامل أكبر من الموجود مش حاجه غلط بالعكس حتفرق كتير لو كنت من الناس إلي بتحب الجري والوقوف في اخر لحظه من الاخر لو بتحب الشقاوه........لكن العادي متفرقش وبرضه تركيبه مش عيب ولا غلط