ارائكم مطلوبة عن ميجان هاتشابك 2008 ؟

**SoFiMaN** · 09-08-2010 02:05 PM

السلام عليكم

معروض عليا حاليا رينو ميجان هاتشباك 2008 بانوراما عاملة حوالي 60000كم
اولا ايه رأيكم فيها بشكل عام الموديل ده؟
ثانيا السعر المستحق تقريبا كام فيها ؟ و هل في حاجة معينة اشوفها فيها و انا ببص عليها بكرة ان شاء الله و لو عجبتني اكشف عليها فين في اسكندرية ؟

اخيرا قطع غيارها اخبارها ايه ؟ و مشاكلها زي مشاكل الميجان السيدان ؟
و شكراً :)

**blazer** · 09-08-2010 06:32 PM

يعنى السيدان بتعمل لو نفس المواصفات حوالى 75-80 الف
ممكن الهاتشباك تبقى اغلى سنه لانها قليله عن السيدان و فرنساوى
اكشف فى التوكيل كشف كامل اهم حاجه تتعمل
قطع غيارها هى هى الميجان السيدان والميجان من بعد موديل 2007 مبقاش فيها اى مشاكل

**momo10000** · 09-08-2010 06:42 PM

80 ل 85

**youssefmegane** · 09-08-2010 06:53 PM

اعتقد هتعمل فى حدود 75 ل 80.عاملة 60000 كيلو فى اقل من سنتين.
اهم حاجة الكشف فى التوكيل اللى فى العامرية ك27 تقريبا على الطريق الصحراوى.
الميجان الهاتشباك زى السيدان فى كل حاجة ماعدا انها تقفيل فرنساوى و السيدان تقفيل تركى.
قطع غيارها موجودة و متوفرة فى التوكيل و برة التوكيل.فى محل اسمه الوشاحى فى محطة الرمل عنده كل حاجتها و فى كمان واحد فى صلاح الدين بس مش عارف اسمه.و فى حاجتها الاصلى و التقليد بسعر مناسب.
اهم حاجة الكشف فى التوكيل...........

**SoFiMaN** · 10-08-2010 12:48 AM

الف شكر على ردودكم. دلوقتي في احتمال واحدة تانية عاملة 50 الف كيلو بس طالب عالي 90000 جنيه اقلها ! مش كتير ؟! انا لسة مشفتش حالتها بس بيقولوا كويسة جدا.

بالنسبة للاخ momo10000 هي صورة التوقيع عربيتك ؟ موديل كام ؟ ماشاء الله جميلة (انا اصلا بحب الميجان هاتشباك خصوصا الاسود :D ) ربنا يحفظك من كل شر :)

**SoFiMaN** · 10-08-2010 12:49 AM

المشاركة الأصلية كتبت بواسطة youssefmegane

اعتقد هتعمل فى حدود 75 ل 80.عاملة 60000 كيلو فى اقل من سنتين.
اهم حاجة الكشف فى التوكيل اللى فى العامرية ك27 تقريبا على الطريق الصحراوى.
الميجان الهاتشباك زى السيدان فى كل حاجة ماعدا انها تقفيل فرنساوى و السيدان تقفيل تركى.
قطع غيارها موجودة و متوفرة فى التوكيل و برة التوكيل.فى محل اسمه الوشاحى فى محطة الرمل عنده كل حاجتها و فى كمان واحد فى صلاح الدين بس مش عارف اسمه.و فى حاجتها الاصلى و التقليد بسعر مناسب.
اهم حاجة الكشف فى التوكيل...........

جميل جدا على المعلومات الف شكر.
و التوكيل عارفه اكييييد لاني بعدي عليه كل يوم بما انه في طريق شغلي (بشتغل في الهيئة العامة للاستثمار و المناطق الحرة) الكيلو 29

**SoFiMaN** · 11-08-2010 01:13 AM

مازلت مستني ردكم

دلوقتي في احتمال واحدة تانية بانوراما عاملة 50 الف كيلو بس طالب عالي 90000 جنيه اقلها ! مش كتير ؟! رحت شفتها انهاردة و ماشاء الله جميلة و دهان فابريقة. ايه رأيكم ؟
و كان بيعمل صيانتها في التوكيل بس لو اشتريتها هيبقى المفروض اني انا اروح اعملها صيانة ال50000 كيلو .. حد عنده فكرة تكلفتها كام تقريبا؟

**youssefmegane** · 11-08-2010 02:57 AM

سعرها كده عالى بس لو العربية فعلا مفيش فيها غلطة حاول تنزل فيها شوية.بس اتأكد منها و اكشف عليها فى التوكيل و لو تمام و مش محتاجة اى مصروف هتبقى انت الكسبان حتى لو دفعت فيها شوية زيادة عن سعر السوق.
صيانة ال50000 بتعمل حوالى 500 جنيه فى التوكيل

**SoFiMaN** · 11-08-2010 03:05 AM

الف شكر على الرد .. طيب هو عادي اروح للتوكيل اي وقت اقوله اكشف على دي او لازم حجز ؟ و بيدي ريبورت كامل فعلا عن عيوبها لو فيها ؟ و حد عنده فكرة تكلفة الكشف كام ؟
لو كده هروح اللي في الكيلو 27 اسكندرية ان شاء الله .

و ايه العيوب مثلا اللي ممكن تظهر في التوكيل لاقدر الله تخليني الغي الشراء ؟

**Col. Eng. Khaled** · 11-08-2010 03:17 AM

المشاركة الأصلية كتبت بواسطة SoFiMaN

الف شكر على الرد .. طيب هو عادي اروح للتوكيل اي وقت اقوله اكشف على دي او لازم حجز ؟ و بيدي ريبورت كامل فعلا عن عيوبها لو فيها ؟ و حد عنده فكرة تكلفة الكشف كام ؟
لو كده هروح اللي في الكيلو 27 اسكندرية ان شاء الله .

و ايه العيوب مثلا اللي ممكن تظهر في التوكيل لاقدر الله تخليني الغي الشراء ؟

كــل مــا تريـــد معرفتــــه عــن الميــــجان II