الموضوع: ياجماعة ايه الفرق بين p ,n

المشاركة الأصلية كتبت بواسطة nistelrooy

بس في عربيات المفتاح مابيطلعش ع الـ n ..

الجيتا بتاعت صاحبى كده....

المشاركة الأصلية كتبت بواسطة modiabbas

انت عموما لما توقف بالعربيه ... دوس فرامل و هاتها على ال n و بعد كده ارفع الهاند بريك و و هاتها على p .... عشان العربيه متكونش محمله على الجير بوكس ..

و لما تكون راكن فى منزل او مطلع يستحسن توقف و بعدين دوس فرامل و هاتها على ال n و ارفع الهاند بريك بس .. اتمنى اكون افدتك ..

انا بعمل كده بالظبط

المشاركة الأصلية كتبت بواسطة moood

لا فعلاً فى عربيات المفتاح مش بيطلع وهى على الـn

طيب و الواحد فى الإشاره يجب الـ n ولا يدوس فرامل أحسن بس

n+ فرامل اليد

المشاركة الأصلية كتبت بواسطة gmakram

بأختصار ال n و ال p نقلتين يستخدموا فى حاله الثبات يعنى لما العربيه بتكون العربيه واقفه

ال n ده معناه ان العربيه متموره,يعنى تقدر تزقها وهى واقفه الفتيس مش متعشق

اما ال p هو ان العربيه تبقى متعشقه وهى واقفه وفى الحاله دى مينفعش العربيه تتحرك من مكانها وهو وضع مس مستحب اوى فى العربيات الاوتوماتيك لان ممكن العربيه تتزق او عربيه تريح عليها وهى واقفه على الوضع ده وبالتالى تكون النتيجه تكسير صندوق التروس لذلك معظم قائدى الاوتوماتيك بيفضلوا ال n مع رفع فرامل يد

تحياتى

انا فعلا بعد اللي سمعته عن ال p والخوف ان حد يريح عليك او يزق العربيه وترس من تروس الجير يتكسر مبقتشي استخدمه خالص
الا لو راكن عمودي علي الرصيف وحته محترمه وهاديه ممكن احطه علي p بس غير كده في ركنه الجراج او اي ركنه n+هاند بريك

بس يعنى بصراحة عشان واحد يريح على عربية واقفة لدرجة انو يكسر حاجة فى الجير بوكس ده يبقى غشيم جداً عشان التروس بتاعت الجير بوكس بتبقى مصنوعة عشان تقاوم الصدمات لإنها بتعشق مع بعضها و هى بتلف بسرعات عالية فأكيد لما اللى بيريح ده يوصل لمرحلة تدمير الجير بوكس هيكون دمر حاجات اكتر من كده . انا شفت عربية جيتا اتخبطت و هيا واقفة خبطة محترمة و الأكصدام الورانى ادمر و العربية زحفت بتاع نص متر على الأرض و رغم كل ده الجير بوكس محصلوش حاجة