حد جرب شركات ابادة الحشرات

**ehabradwan** · 09-08-2010 02:44 PM

للاسف يا شباب في فار دخل البيت عندي معرفش منين
طبعا المدام سابت البيت وراحت لمامتها لحد ما اموت الفار ,,
قعدت امبارح انا وهو وجها لوجه بس معرفتس اجيبه لانه بيهرب من خرم ابرة

حطتله سم فيران مع الجبنة كلها و ما حصلوش حاجة

قررت اخيرا اتصل بشركات الابادة ..
قالي هيجيلك الفني وبتاع و حركات كده
فانا عايز اعرف هيعملوا حاجة ولا هياخدو فلوس على الفاضي

**n_i_t_e** · 09-08-2010 03:24 PM

مرة أضطرينا نجيبهم..كنا فى شقة مؤقتة بدأت نلاقى فيها صراصير فى المطبخ و بدأت تتكاثر بسرعة فظيعة كلها صراصير من النوع الصغير ده..المهم لما الموضوع زاد أوي عزلنا قبل الأوان و سبنا الشقة لكن الصراصير انتقلت بوسيلة ما لمطبخ شقتنا الجديدة أعتقد من خلال الحلل و الأوانى و بدأت دورة الحياة من جديد عندهم و بناء مجتمع صرصوري متحضر فى المطبخ الجديد.
المرة دي جبنا الشركة لتطهير المطبخ و القضاء على وباء الصراصير المتفشى و كان مفعولهم زي القنبلة الذرية ابادة تامة المطبخ فضل حوالى 6 سنين مفيهوش صرصار واحد و حاليا بدأوا يظهروا تانى بس على خفيف أوي.
بس أكيد الموضوع يختلف من شركة لأخري...لو أفتكرت اسم الشركة اللى جبناها هأقولك.

**ehabradwan** · 09-08-2010 03:43 PM

متشكر يا باشا أوي انت كده شجعتني
اعتقد ان كل الشركات بيستخدموا نفس المواد ..
كلهم كاتبين نفس الكلام في الاعلان بتاعهم .. احدث المواد بدون مغادرة المنزل بدون رائحة بدون مواد سامة ...

**hazoom2006** · 09-08-2010 03:50 PM

لو الموضوع على فار واحد بس

هاتله حاجة اسمها rat stop وده صمغ كده بتجيبة من السوبر ماركت مثلا وبتوزعه على كرتونه على شكل دائرة وبتحط فى النص لنشون او جبنه رومى او اى حاجة تاني يوم هتلاقى الفار لازق فى الصمغ ومش هيتحرك ابداااااااااا

انا مجربها مع فار قبل كده كان مجننى
ربنا معاك

**م. عصام مهنى** · 09-08-2010 04:15 PM

زمان من 5 سنين دخل فار من شباك المطبخ اكل السلك اللى على الشباك من حتة صغيرة اوى مش ممكن تقول دخل منها
المهم بعد محاولات اتصلت بشركة من الشركات دى كانت منزله اعلان فى الوسيط
وصل المندوب وقعد يرش ويخبى حاجات ورا الاماكن اللى ممكن تستخبى فيها الفار وقالى هو يوم بالكتير وهيكون مات
وطبعا دى محصلش والفار موته بمعرفتى وبعدين اكتشفت انها شركات نصب فى نصب

**Donzi** · 09-08-2010 04:27 PM

المشاركة الأصلية كتبت بواسطة hazoom2006

لو الموضوع على فار واحد بس

هاتله حاجة اسمها rat stop وده صمغ كده بتجيبة من السوبر ماركت مثلا وبتوزعه على كرتونه على شكل دائرة وبتحط فى النص لنشون او جبنه رومى او اى حاجة تاني يوم هتلاقى الفار لازق فى الصمغ ومش هيتحرك ابداااااااااا

انا مجربها مع فار قبل كده كان مجننى
ربنا معاك

بالظبط كدة لو الموضوع فار واحد يبقى مش محتاج شركة ولا حاجة ، احنا مرة قبل كدة جالنا فار من فتحة الشفاط بتاع المطبخ و طبعا بعد كدة سدينا الشفاط بسلك زي بتاع الشباك و هقولك تخلصنا منه ازاي

هو سم فران قوي شوية و تجيب ب 50 قرش طعمية و تفتح الطعمياية من زي العيش الكيزر كدة و تحط السم جواها و تقفل و تعمل كدة في كام طعمياية و توزعهم في البيت

لان الفران بقيت ناصحة و بتعرف السم و هو محطوط على الجبنة و مش بياكلوه

عشان لونو و ريحته بتبقى غير الجبنة ، لكن كدة هايكلو و يتكل و ابقى ادعيلي

**Donzi** · 10-08-2010 06:31 AM

المشاركة الأصلية كتبت بواسطة ainshouka

هي الفيران بتاكل الطعمية كمان
حلوة الحكاية دي

الفران دلوقتي سيادتك بتاكل كللللللللللللل حاجة حتى الجزم و الكوتشيات بتقرقض الخشب

مش عاتقة ( كل حاجة بتتطور اشمعنى الفران اللي هتفضل على حالها )

.

**dr-mohamed** · 10-08-2010 08:29 AM

انا دخل عندي فار من شباك اوضة النوم ازاي معرفش رغم انى في الدور التامن
جبت البواب وقلت له اتعامل معاه
هدمووا اوضة النوم هما الاتنين وفي الاخر البواب انتصر

-

-

الموضوع: حد جرب شركات ابادة الحشرات

LinkBack

أدوات الموضوع

عرض

حد جرب شركات ابادة الحشرات - انشر الموضوع فى :

-

-

-

-

-

-

-

المواضيع المتشابهه

صرف الحشرات - طلب إستشارة من الكيميائيين و الصيادلة و أصحاب الخبرة

حد يعرف شركة محترمة لمكافحة الحشرات

ساكن فى الدور الأرضى وعاوز شركة ضد الحشرات !!

الكلمات الدلالية لهذا الموضوع

المفضلات

المفضلات

ضوابط المشاركة