رايكم فى اللى بيعلى الكاسيت وماشى بالعربية

**adel1414** · 21-08-2010 08:57 PM

حرية شخصية اكيييد بس اللى اقصده متبقاش الساعة3بليل وتعلى البازوكا والسماعات على الاخر بجد دا اللى ينرفز..انا قصدى نراعى الاصول بس لكن غير كدة انت حر وعلى زى منتا عاوز

**beetleMOSH** · 21-08-2010 10:31 PM

بصراحه انا مبسوط من الناس اللى بقت تدخل و تقول رايها و تتكلم و تقول وجهه نظر
مش مجرد انه داخل ينتقد و خلاص
بشكر كل الاعضاء السابقين و لكم منى كامل الاحترام و التقدير

الاستاذ عادل >> توقيعك فوق الممتاز ربنا يكرمنا و يكرمك

**ashraf_msd** · 22-08-2010 01:01 AM

المشاركة الأصلية كتبت بواسطة beetleMOSH

الله ينور عليك ... ايوة كده عايزين الناس الطبيعيه تظهر و تتكلم و تفهم المعارضين ان فى ناس ده مزاجها الشخصى و فى نفس الوقت بتحترم شعور الاخرين
( يلا بقى قلبناها احزاب و احنا وطنى طبعا بالاغلبيه

)

وعليك يا باشا

انا معاك في حزب المعليين الكاسيت بش مش معاك فالحزب الوطني .... هههههههههه

والناس المعارضه دي هيا اللي بتعتدي علي حريتنا نحن معشر المعليين مش العكس

طالما فالاشارات هوطي الصوت ومش هزعجك يبقى خلاص مالكش عندي اي حاجه .. ومش هسمحلك تعتدي انت على حريتي وتفرض عليا اعمل ايه وما اعملش ايه واعلى الصوت ولا لأ

انت عارف .. من علامات تدهور مستوى الانسان الحضاري ( كلام كبير ده ) ان كل واحد عامل نفسه رقيب عالاخر

ومش هقول غير زي ما قال واحد صاحبي

"You are free unless the harm"

**beetleMOSH** · 22-08-2010 03:03 AM

والله يا كبير كلامك كله زى الفل و لا يعلى عليه
و خصوصا الكلام الكبير اللى اتقاااال ده ههههههههههههههه
والله 100 100
انا بقول وطنى كده بس عشان حبايبنا الحلوييين فى كل حته
ههههههههههههههههههههههههه ههههه

بس انت عارف بقى البلد كلها مدهوره هاتيجى على المستوى الحضارى ( كله فى الجلاش يا بوب)

بس والله صاحبك كلامه حكم
على و عييييش بقى احنا كده سيطرنا على الموضوع هههههههههههه
و المعارضين اعتقلوا خلاص (عرفت بقى بقول احنا وطنى ليه ) ههههههههههههه
الحق اطير انا كمان قبل مايبقى كرسى فى الكلوب و تقلب عركه فى الاخر و نكسر الموضووووع
ههههههههههههههههه
تقبل تحياتى

**MaDaaa** · 22-08-2010 03:51 AM

انا شايف من وجهة نظرى انة سماع الكاسيت او الاغانى بشكل عام بصوت عالى مش مشكلة المشكلة بترجع فى النهاية للتربية واحترام مشاعر الاخريين لكن الموضوع بشكل عام لايتعدى سوى تجمل الانسان امام الاخريين .فمثلا اللى بيركب شاشة دىفى دى اكيد مبيتفرجش عليها وهو سايق بس مشغلها علشان الناس تشوفهاوممكن يكون راكب العربية لوحدة . وزى اللى مركب جنط نيكل 18 اة17 اكيد علشان الناس تشوفها واللى بيركب ديفيل ودة فى نظرى اكبر من اللى بيعلى الكاسيت بكتيرر .ودة ميمنعش ان فية ناس بتركبها لمزاجها الشخصى.زى الناس بردة اللى بتعلى الكاسيت لمزاجها الشخصى.فمثلا فى حد بيعلى الكاسيت ولو عدى على ميتم بيفصلة وبردة اللى بيعدى فى شارع هادى اوبليل اكيد لازم بيوطى الكاست ودة علشان مشاعر الاخرين وعلشان محدش ينتقدة ودة كلة بيرجع للتربية . وانا عن نفسى بحب اسمع اى ميوزك عربى او اجنبى عالى بس مش بشكل منتقد يأذى ودانى قبل ميأذى غيرى . واكيد دة مش احداث لان الحمد لله احنا عندنا عربيات من زمان .اوعتقد ان اى حد كان عندة عربية فى التسيعينات لو فاكر ان كان فى الوقت دة موضة اوى تعلية الكاسيت ممكن اكتر من دلوقتى بكتيرر. وربنا يهدينا جميعا ويبعد عنا كل سوء .

**beetleMOSH** · 22-08-2010 04:25 AM

المشاركة الأصلية كتبت بواسطة madaaa

انا شايف من وجهة نظرى انة سماع الكاسيت او الاغانى بشكل عام بصوت عالى مش مشكلة المشكلة بترجع فى النهاية للتربية واحترام مشاعر الاخريين لكن الموضوع بشكل عام لايتعدى سوى تجمل الانسان امام الاخريين .فمثلا اللى بيركب شاشة دىفى دى اكيد مبيتفرجش عليها وهو سايق بس مشغلها علشان الناس تشوفهاوممكن يكون راكب العربية لوحدة . وزى اللى مركب جنط نيكل 18 اة17 اكيد علشان الناس تشوفها واللى بيركب ديفيل ودة فى نظرى اكبر من اللى بيعلى الكاسيت بكتيرر .ودة ميمنعش ان فية ناس بتركبها لمزاجها الشخصى.زى الناس بردة اللى بتعلى الكاسيت لمزاجها الشخصى.فمثلا فى حد بيعلى الكاسيت ولو عدى على ميتم بيفصلة وبردة اللى بيعدى فى شارع هادى اوبليل اكيد لازم بيوطى الكاست ودة علشان مشاعر الاخرين وعلشان محدش ينتقدة ودة كلة بيرجع للتربية . وانا عن نفسى بحب اسمع اى ميوزك عربى او اجنبى عالى بس مش بشكل منتقد يأذى ودانى قبل ميأذى غيرى . واكيد دة مش احداث لان الحمد لله احنا عندنا عربيات من زمان .اوعتقد ان اى حد كان عندة عربية فى التسيعينات لو فاكر ان كان فى الوقت دة موضة اوى تعلية الكاسيت ممكن اكتر من دلوقتى بكتيرر. وربنا يهدينا جميعا ويبعد عنا كل سوء .

احيييييييييييك على اول مشاركه ليك معانا فى المنتدى
و كلامك كله برضه عين العقل
و هو ده اللى انا قصدى عليه من الاول
انا الموضوع بيفرق من شخص للتانى بس مش معنى كده ان الناس كلها زى بعض
تقبل منى كامل الحترام و التقدير على كلامك و اسلوبك
و اهلا بيك معانا فى منتدانا الجميل نايل موتورز

**zizo18000** · 22-08-2010 04:46 AM

انا شخصيا مش بحب الصوت العالي خالص ... بس كل واحد حر يعمل اللي هو عايزه
بس بجد فيه حاجات بتبقي زايده عن الحد زي شباب بيحط السماعات في الشنطه و يفضل طول الليل يعدي رايح جاي قدام سكن البنات بصراحه خساره التفه اللي ممكن تتفها عليهم

**MaDaaa** · 22-08-2010 05:08 AM

اهلا بحضرتك.وشكرا كتير على المقابلة المحترمة والرائعة.وكل عام وجميع اعضاء المنتدى المحترم بصحة وبخير

**حماده المصري** · 22-08-2010 07:13 AM

هما في منهم نوعين

نوع مش فارقه معاه الناس ده بيحب الصوت العالي غالببا هتلاقيه مفييهم او مش منزل كل القزاز بس كده كده صوت الكاسيت عالي ومسموع بس فل مش مشكله

المحدث بجد وبتجنن منهم بيبقى منزل كل الشبابيك ومعلي الكاسيت على الاخر وفي الزحمه بس معتوه وناقص واهبل

والاهبل منه الى يركب عربيه محترمه وتلاقيه مشغل شعبي

مره لانسر زيرووو الشيب الجديد واقف في زحمه شبرا جمبي علطول ومشغل عبد الحليم زمانها الحج بعرور ومنزل كل القزاز ومعلي الصوت كان نفسي انزل اسكعه قلم محترم واتف عليه وامشي

بس كل دول كووم والكوووم التاني بقى الشباب الي بتهييس ماليييييين شارع الهرم

ابقى في الزحمه ابص جنبي الاقي 4 في العربيه بيرقصوا فعلا مسخره شويه اراجوزات ماجرين عربيه يوم من نفسهم بيبقى منظرهم لا يطاق

**GMakram** · 22-08-2010 11:15 AM

ده انا قلت لما هرد فى اول الموضوع واقول انى من الناس اللى بتحب تعلى المازيكا هكون الوحيد اللى هيكون ضد التيار والناس هتنتقدنى وهتبقى خناقه ويمكن اتوقف بسبب الموضوع بس طلع فيه وحوش هنا كتير ربنا يزيد ويبارك

للأمام ديما يا رجاله

تحياتى جميعا

الموضوع: رايكم فى اللى بيعلى الكاسيت وماشى بالعربية

LinkBack

أدوات الموضوع

عرض

-

-

-

-

-

-

-

-

المواضيع المتشابهه

ايه رايكم فى العربية اللى اسمها زوتى اللى شبه تيريوس القديم

ايه رايكم فى الكاسيت ده؟

اية رايكم فى الكاسيت الصينى

مشكلة فى المفتاح اللى بيعلى ويوطى درجة اضاءة انوار العدادات

طلب الى مالكى الجين 2 اللى عاملين بالعربية كيلو متر كتير

الكلمات الدلالية لهذا الموضوع

المفضلات

المفضلات

ضوابط المشاركة