طلب الى مالكى الجين 2 اللى عاملين بالعربية كيلو متر كتير

**ahmedsiyam** · 01-01-2009 07:23 PM

السلام عليكم

الاخوة الافاضل

من فضلكم لو سمحتم انا لما فتحت موضوع بخصوص عدد الكيلو مترات اللى اتقطعت بالعربية ماشاء الله لقيت عدد كويس الحمد لله و منهم عاملين بالعربية كيلو متر كتير

ياريت بقى لو حضراتكم تفيدونا بتجاربكم مع عربياتكم لانكم اكتر ناس تقدر تحكم بواقعية و صدق عن العربية

انا اللى خلانى افتح الموضوع ده انى قابلت واحد من الناس معاه العربية بس عدى الـ 100000 كلم و طبعا انا موش هاتسرع و انشر تجربته لانها موش هاتعجب حد خالص بالمرة و يمكن تتطفش ناس كتير من العربية لان مهما قولنا على العربية فى الاخر احنا عاملين كيلو متر قليل لان العربية اصلا لسه جديدة فى السوق المصرى

انمافى مشاكل و عيوب تانية دى بتظهر مع الاستعمال الطويل علشان كده انا موش عايز انشر الموضوع لانى موش عارف ده حالة فردية و لا فعلا عربياتنا لما توصل للـ 100 و الـ 120 الف كيلو متر هاتعمل كده

برجاء من الاخوة الاستجابة و افادتنا بتقييمهم للعربية علشان الكل يستفيد

**ahmed ismail** · 02-01-2009 04:23 AM

بص يا حاج احمد انا حاليا 74000 كم و ان شاء الله ناوى اعمل تقرير مفصل عن حالة العربية اول ما تم ال 80 الف كيلو عشان حكون ساعتها مشيت بالعربية 50 الف كيلو بنفسى عشان زى ما انتوا عارفين انا جايب العربية مستعملة و ناوى حتى اخلى اخونا توت يعمل تست درايف للعربية و يكتب انطبعاته عنها بعد 80 الف كيلو من المشى
و انا بصراحة مكنتش مستعجل على كتابه التقرير ده لحد ما اكون اتعودت على العربية تماما و جربتها فى جميع المواقف بس عموما حاجه على السريع كده لما جيت فكرت مع نفسى شوية وقولت لو حبيت اجيب عربية جديدة فى نفس الفئة السعرية ديه اللى هيه اقل من 100 الف جنية لقيت نفسى لفيت على كل الماركات ووصلت تانى للبروتون بس المرة دى حجيب البرسونا او الواجا عشان ظروف الجواز و تكوين الاسرة بقى و الايام الشقاوة اللى حتكون انتهت .

**mazagnge** · 02-01-2009 01:57 PM

المشاركة الأصلية كتبت بواسطة ahmed ismail

عشان ظروف الجواز و تكوين الاسرة بقى و الايام الشقاوة اللى حتكون انتهت .

:K_crying[1]: شهــيداً ... شهــيداً ... شهــيداً ...:K_crying[1]:

**ahmed ismail** · 02-01-2009 02:05 PM

المشاركة الأصلية كتبت بواسطة mazagnge

:K_crying[1]: شهــيداً ... شهــيداً ... شهــيداً ...:K_crying[1]:

والله العظيم انت راجل عسل

مفيس تعليق ليكاو اى مشاركة الا لازم اضحك عليها

اضحك الله سنك

**ahmedsiyam** · 02-01-2009 06:59 PM

اخى احمد اسماعيل
كلامك منطقى و موزون و ان شاء الله تقريرك يكون مفيد للجميع

**gagareen** · 02-01-2009 10:14 PM

طبعا يا استاذ احمد حضرتك سيد العارفين بجميع تقييمات الناس هنا وان المعظم بيشكر فيها وفى مميزاتها مع وجود بعض الملاحظات الصغيره جدا واللى معظمهما يمكن التعايش لو ما اتصلحتش اصلا

بالنسبه للعربيه اللى حضرتك بتشير اليها وفيها مشاكل ..احتمال كبير تكون حاله فرديه .. أو ممكن استعمال صاحبها يكون صعب وقاسى على العربيه وكانت دى النتيجه .. وبالتالى لو اى عربيه تانيه كانت معاه حتكون نفس النتيجه برده ونفس المشاكل

تحياتى

**ahmedsiyam** · 03-01-2009 01:11 AM

انا معاك طبعا ممكن يكون حالة فردية و ده اللى مخلينى موش عايز انشرها دلوقتى بس هو كمان قطع بالعربية كيلو متر كتير و قلة قليلة جدا اللى عملت فى سنتين الرقم ده يعنى برضه لازم تؤخذ تجربته بعين الاعتبار

**momenhamdy** · 03-01-2009 02:06 AM

استاذ احمد طبعاً موضوع مهم جداً ....... و فعلاً محتاجينه علشان نعرف مستقبل العربية ايه معانا و لكن في نقطة مهمة و يمكن الاخوه الافاضل اشاروا ليها و هي ان العربية الي فيها المشاكل دي ممكن تكون مشاكلها مشاكل فردية و انا بصراحة من الرأي دا و عندي الدليل علي الكلام دا
لو حضرتك لحظت يا استاذ احمد ان من فتره الاستاذ المحترم توت حط صوره لعربية زميل له و كانت عاملة 100100 كم دا غير بعض الاخوه الي يعرفهم معدين ال 80 الف كم
و كان الاخ توت بيقول ان الناس دي معاهم العربية و بسم الله ما شاء الله ربنا يباركلهم مفيهاش اي عيب في العفشة او الموتور و يمكن هو قال الامثله دي علشان يبين ان العربية فعلاً ممكن الاعتماد عليها و ان احنا مش بنرمي فلوسنا في الارض

طبعاً انا مش بقول الكلام دا علشان ادافع عن العربية و خلاص علشان هي معايا بس بجد يا استاذ احمد انا حاسس ان العربية دي فعلاً صفقة رابحة جداً و ان الواحد حاسس انوا مرماش فلوسه في الارض

و ياريت اشوف رد حضرتك في الموضوع دا
و شاكر جداً ليك

**magedomran** · 03-01-2009 10:44 AM

المشاركة الأصلية كتبت بواسطة momenhamdy

استاذ احمد طبعاً موضوع مهم جداً ....... و فعلاً محتاجينه علشان نعرف مستقبل العربية ايه معانا و لكن في نقطة مهمة و يمكن الاخوه الافاضل اشاروا ليها و هي ان العربية الي فيها المشاكل دي ممكن تكون مشاكلها مشاكل فردية و انا بصراحة من الرأي دا و عندي الدليل علي الكلام دا
لو حضرتك لحظت يا استاذ احمد ان من فتره الاستاذ المحترم توت حط صوره لعربية زميل له و كانت عاملة 100100 كم دا غير بعض الاخوه الي يعرفهم معدين ال 80 الف كم
و كان الاخ توت بيقول ان الناس دي معاهم العربية و بسم الله ما شاء الله ربنا يباركلهم مفيهاش اي عيب في العفشة او الموتور و يمكن هو قال الامثله دي علشان يبين ان العربية فعلاً ممكن الاعتماد عليها و ان احنا مش بنرمي فلوسنا في الارض

طبعاً انا مش بقول الكلام دا علشان ادافع عن العربية و خلاص علشان هي معايا بس بجد يا استاذ احمد انا حاسس ان العربية دي فعلاً صفقة رابحة جداً و ان الواحد حاسس انوا مرماش فلوسه في الارض

و ياريت اشوف رد حضرتك في الموضوع دا
و شاكر جداً ليك

+1111111111111
وكمان لأزم بردوة ناخد فى عين الاعتبار طريقه الاستخدام لأن لو الاستخدام سىء لو معاه عربيه نقل هتتبهدل وهتبقى تعبت مووووووت
لكن مع الاستخدام الكويس المحافظ العمر الافتراضى بيطول طبعا
ولا ايه رايكم

**meramor81** · 03-01-2009 12:52 PM

السلام عليكم
انا الجين تو عملت معايه 9500 كيلو متر الى الان ومنتظره الى ان اكمل ال 10000كيلو متر واكتب تقريرى عنها بس مشاء الله الى الان لم يظهر معى عيب جوهرى وربنا يهديها وتفضل على كده بالرغم انى عملت بيها حادثه انا وزوجى ولكن بفضل الله ربنا حمانا بداخلها ولم يحدث شىء والحمد لله هو طبعاا ربنا اللى بيحفظ بس العربيه بتحس بامان وانت جواها مش عارفه انا بس والا كل مالكيها بصراحهه انا اول مره اركب اوتوماتيك بعد 128 وربنا يوفق كل مالكيهاا

الموضوع: طلب الى مالكى الجين 2 اللى عاملين بالعربية كيلو متر كتير

LinkBack

أدوات الموضوع

عرض

طلب الى مالكى الجين 2 اللى عاملين بالعربية كيلو متر كتير - انشر الموضوع فى :

-

-

-

-

-

المواضيع المتشابهه

بشرى ساره لكل مالكى نيسان صنى اللى بيشتكو من العربيه بتاكل بنزين كتير

انا عايزاشترى الجين 2 وبتواجهنى مشاكل كتير

الكارينز فيها البتوعتين اللى فوق دول اللى عاملين زى الشبكة

مشاكل كتير بالعربية محتاج نصايحكم ( نصر 128 موديل 1978 )

ملاك السيفيك 07 و 08 اللى عاملين أكتر من 20 ألف كم

الكلمات الدلالية لهذا الموضوع

المفضلات

المفضلات

ضوابط المشاركة