رايكم فى اللى بيعلى الكاسيت وماشى بالعربية

**SAMEH_FOUAD** · 10-08-2010 02:15 PM

انا بس احب اطلب من الاخوة الاعضاء انهم يهدوا شوية فى تعليقاتهم لان اكيد فى ناس كتير هنا فى المنتدى بتحب تسمع الاغانى بصوت عالى فاميصحش اننا نوصفهم بغير محترمين لانهم طالا ماشيين فى حدود الادب والالتزام خلاص يعنى لقوا مثلا عزاء يقفلوا الكاسيت مراعاة لشعور اهل المتوفى , واقفين فى اشارة يوى الكاسيت ,داخل فى شارع هادى فى ساعة متاخرة يوطى الكاسيت , طبعا الاذان اول لما بيأذن بيتقفل نهائى طالما الواحد بيعمل الحاجات دية كلها يبقى انسان محترم وفى نفس الوقت بيعمل اللى يريحة بدون ازعاج للاخرين لان الثوانى المعدودة اللى الواحد بيعديها من جنب المارة ماعتقدش انها مؤثرة
وعلى فكرة انا زى ماقولت فى الاول انا مش بعلى اوى ولا بوطى اوى بس لما ببقى معلى الكاسيت بحس بتفاعل الناس مع الاغانى وبتقعد ترددها سواء بنات او ولاد وبيكون الموضوع دة ممتع بالنسبالهم مش مضايقة ولا حاجة بالعكس والله حصلت معايا مرة كنت واقف بالعربية ومشغل الكاسيت بس مش عالى يدوبك مسموع برة وكان فية بنتين قاعدين قدام مدرسة راح جاييلنى وقالولى معلش ممكن تعلى الاغنية دية , قولتلهم بس كدة روحت سايبهم وماشى ووقفت فى مكان تانى لانى كنت هعمل ازعاج للناس اللى واقفة فتقريبا الموضوع دة شىء عادى والناس واخدة علية بالعكس بيحبوة
كفاية اللى بيحصل فى الافراح او افتتاح المحلات بيبقى الصوت جايب المنطقة كلها دة غير دوشة الزحمة خلى الناس بدل ماتسمع الكلاكسات تسمع الاغانى

**shaddadfalcon1** · 10-08-2010 02:19 PM

انا الطبيعي ببقي مشغل قران وصوته مش طالع بره وساعات بقي اقف في اشاره الاقي وواحد معلي الكاسي واغاني ورزع ومش حتي عارف اسمع صوت القران وساعات بضطر اطفيه ببقي نفسي اولع في اللي عامل كده بصراحه

وياسلام لما ابقي عايز انام في البيت ويعدي توكتك وصوته جايب السما

والأفظع من كده واحد ملاكي ومركب سرينه ويعد الساعه 12 في شارع فاضي ويقوم مشغلها ببقي والله ساعتها عايز انزل اتخانق معاه للصبح خصوصا ان الصوت عالي جدا

**أبومعاذ** · 10-08-2010 02:25 PM

المشاركة الأصلية كتبت بواسطة shaddadfalcon1

انا الطبيعي ببقي مشغل قران وصوته مش طالع بره وساعات بقي اقف في اشاره الاقي وواحد معلي الكاسي واغاني ورزع ومش حتي عارف اسمع صوت القران وساعات بضطر اطفيه ببقي نفسي اولع في اللي عامل كده بصراحه

وياسلام لما ابقي عايز انام في البيت ويعدي توكتك وصوته جايب السما

والأفظع من كده واحد ملاكي ومركب سرينه ويعد الساعه 12 في شارع فاضي ويقوم مشغلها ببقي والله ساعتها عايز انزل اتخانق معاه للصبح خصوصا ان الصوت عالي جدا

هو دا اللي انا بتكلم عليه

**M.Osman** · 10-08-2010 04:52 PM

المشاركة الأصلية كتبت بواسطة shaddadfalcon1

انا الطبيعي ببقي مشغل قران وصوته مش طالع بره وساعات بقي اقف في اشاره الاقي وواحد معلي الكاسي واغاني ورزع ومش حتي عارف اسمع صوت القران وساعات بضطر اطفيه ببقي نفسي اولع في اللي عامل كده بصراحه

وياسلام لما ابقي عايز انام في البيت ويعدي توكتك وصوته جايب السما

والأفظع من كده واحد ملاكي ومركب سرينه ويعد الساعه 12 في شارع فاضي ويقوم مشغلها ببقي والله ساعتها عايز انزل اتخانق معاه للصبح خصوصا ان الصوت عالي جدا

مهو انا قصدي على دول
بالذات اللي واخدين الشارع رايح جاي بالعربية و صوت الخبط و رزع شغال و مفيش اي إحترام للناس اللي ساكنة في الشارع

**nourel2mar** · 10-08-2010 05:28 PM

الي بيعمل كدا له وجهات نظر مختلفه
واحد منهم مفكر انه كدا هيبقا شاب كول اكتر من غيره وده رأيي فيه ( فلااااااح)
واحد تاني بتكون عربيته متواضعه في الماركه او السعر فعايزها تكون مميزه يقوم يجيب طقم صوت عالي ويسوق بسرعه في وسط البلد ويقرفنا وده رأيي فيه (عنده عقدة نقص)

ملاحظه:
انا ملاحظ ان معظم الي جايبين عربيات ماركات عالميه وعاليه مبيعملش الكلام الفارغ ده (بس في برده ناس مخها تعبان)
لكن انا رأيي ان العربيه لخدمة الانسان مش علشان نقرف بيها غيرنا ونقول احنا حررررين!! وعلى رأي واحد كان بيقولي:
حرية كل شخص تتوقف عند حرية الآخرين

**wisambasha** · 10-08-2010 05:56 PM

انا لو الراديو (مش الكاسيت) عالي شوية ما بعرفش اركز في الطريق

**rocker** · 10-08-2010 06:26 PM

المشاركة الأصلية كتبت بواسطة MoOoD

فى ناس بتحب تسمع الأغانى بصوت عالى
وناس بيبقى فى دماغها ان البت الكووول لما تسمع هتقولو ممكن اركب ...ههههههه

انا شايف ان كل واحد حر طالما مش هيضر حد بالصوت العالى ده

الله المستعان
هوا فيه واحده حتلاقى اغانى بصوت عالي تقوم تقول ممكن اركب .. هيا عاوزا صداع برضوا ..دى عاوزا لسه تلك وتدى الاسطوانه اياها ............
طب لو راكب فيزبا او موتو سيكل وصوت الساوند سيستم هاى وعالى جدا مع الفرو الى تحت السنادات تقوم تروح فين ةتقعد فين بس
الصوت العالى مطلوب لبعض الناس فى بعض الاوقات لانه بيعللى الادرنانين فى الدم ويخللى الشخص متنشط ومتحفر وياارض اتهدى ماعليكى ادى
راكب ال 128 المتوحشه ومرجع الكرسى ورااااا وفارد دارعه ماسك الدركسيون بطرف صبعه الشمالى
,وداقر ايده علشان يمنع الارتداد عن كتفه من دفعه العربيه عند الطلعه الاولى to avoid the driving back into his seat
وكمان بيسمع اغنيه سلامتها مامه حسن او العنب العنب العنب او انا مش عارفنى او ادينى قلبك .............. الخ
وعمال يلف ويدور فى الشوارع والنواصى والامم والطرقات باحثا عن معجبات
اه سورى نسيت انه داهن شعره بزيت كبد الكتكوت علشان يلمع وطبعا الاحد اجازته الاسبوعيه وقابط ليله السبت ولاعبه البليه معاه
والنهايه ثقب فى طبله الاذن حب نوعها وطولها
طبعا بيحرق صفيحتين بنزيم 80 ويروح زى مارجع
جون بول سارتر سمع بالموضوع ده قال ايه :
كان فيه واحد صحى من النوم قام بيتمطع فرد دراعه على طوله وقام لاطش مناخير جون بول سارتر باليد فيها
قام جون قال له مش تحاسب يا راجل
رد عليه انا حر دى ايدى وده دراعى
قال له ايه : ان حدود يدك تقف عندما تبدأ حدود انفى
وبس
نسمع مزيكا وعاليه rock ,heavy, semphonic بس فى حالنا وخلاص
لان المزيكا تدل على ثقافه الى بيسمعها وخلينا بقى مستورين
عمركم سمعتم حد بيسمع سوبرانو اوبرا ومعللى الكاسيت
يالا رمضان كريم

**engahmedsamy** · 10-08-2010 06:35 PM

انا بحب اسمع بصوت عالي بس معنديييش صبات ولا حاجة والكاسيت و السماعات بيونيير
و الكاسيت اخروو 30 واما مش بحب اسمع الا 20

-

-

الموضوع: رايكم فى اللى بيعلى الكاسيت وماشى بالعربية

LinkBack

أدوات الموضوع

عرض

-

-

-

المواضيع المتشابهه

ايه رايكم فى العربية اللى اسمها زوتى اللى شبه تيريوس القديم

ايه رايكم فى الكاسيت ده؟

اية رايكم فى الكاسيت الصينى

مشكلة فى المفتاح اللى بيعلى ويوطى درجة اضاءة انوار العدادات

طلب الى مالكى الجين 2 اللى عاملين بالعربية كيلو متر كتير

الكلمات الدلالية لهذا الموضوع

المفضلات

المفضلات

ضوابط المشاركة