الموضوع: رايكم فى اللى بيعلى الكاسيت وماشى بالعربية

طيب ماشى حفترض معاكوا جدلا ان واحد من اللى بيعلوا الكاسيت قرأ الموضوع
اية بقى اللى ممكن يطلع بية من الموضوع غير انة كل الاعضاء شتمين فية
نقص وهمجية وهبل وعبط ومش عارف اية
انا بس نفسى يبقى فى اسلوب حوار ونصيحة احسن من كدة بغض النظر عن اى شئ مش كل واحد مش عاجبة حاجة يشتم وخلاص مهو انت كدة يبقى زيك زية .......

المشاركة الأصلية كتبت بواسطة MohaMed_Refaat

طيب ماشى حفترض معاكوا جدلا ان واحد من اللى بيعلوا الكاسيت قرأ الموضوع
اية بقى اللى ممكن يطلع بية من الموضوع غير انة كل الاعضاء شتمين فية
نقص وهمجية وهبل وعبط ومش عارف اية
انا بس نفسى يبقى فى اسلوب حوار ونصيحة احسن من كدة بغض النظر عن اى شئ مش كل واحد مش عاجبة حاجة يشتم وخلاص مهو انت كدة يبقى زيك زية .......

يا بوب كبر دماغك الناس قافشه فى الموضوع ده بس مع ان فى حاجات تانيه نفس الحوار و برضه مش لازمتبقى نقص ولا لفت انتباه ولا تظبيط بنات كوووووول ولا ال اى كلام ده بس مفيش حد مقتنع
و برده مش هوطى الصوت و هاعليه زى ما انا عايز

و يلا نقص و هبل و همجيه و عدم تحضر مش فارقه مجتش على الصوت يعنى
والله فى حاجات تانيه كتير تستاهل الكلام فيها
بس فيين بقى
يلا كل واحد ينام على الجمب اللى يريحه
و كل سنه و انتو طيبيييييين و رمضان كريم

المشاركة الأصلية كتبت بواسطة ahmedyehia515

أنا شخصياً بحس انو اللى بيعمل كده فعلاً واحد عايز يلفت النظر ليه و فاكر انو كده هيكسب احترام الناس او البتان هتعجب بيه.

اللى فعلاً بيستفزنى لما ألاقى واحد راكب عربية تمنها لا يتجاوز 15 ألف بالكتير اوى و مركب ساوند سيستم تمنه اكتر من 10.000 جنيه، يعنى انت كان ممكن بالفلوس ده تجيب عربية تانية خالص، و على فكره انا مش قصدى اتريق على عربية حد بس أنا معترض على السلوك ده

مش للدرجة دي يا وحش .. 10.000 جنية كتير اوي
وبعدين كل واحد حر .. ممكن يكون الراجل مستمتع بعربيته كده .. تمن العربية ملوش علاقة

المشاركة الأصلية كتبت بواسطة beetleMOSH

مش شرط على فكره يبقى احداث او عقده نقص او منظره

انا عن نفسى بحب الصوت العالى
و فى البيت اصلا لما ببقى مشغل الكمبيوتر ببقى معلى الاغانى

و فى العربيه ببقى معلى و شىء طبيعى ان الصوت يبقى طالع بره

بس لو واقف فى اشاره ولا الطريق زحمه بوطى الصوت طبعا
عشان عارف ان البييز بيدايق
ز خصوصا ان احنا واقفين مش ماشييين
ما لو انت ماشى مفهاش مشكله
هاتسمع الصوت لثوانى و خلاص
و لو مش مركب جى ام ولا الكلام ده كله
و كاسيت و سماعات الفابريكه هتلاقى الصوت طلع بره برضه
ف مش مقياس يعنى (فى وجهه نظرى )

و بعدين ما فى حاجات كتير اوى تانيه
يعنى اللى بيركب جنط مركبه عشان المنظرة ولا عشان هو حابب كده و مزاجه كده
و اللى بينفخ واللى بيحط فلتر و اللى يجيب مش عارف ايه و يعمل ايه و الجو ده
مش كله يبقى منظره
فى اللى بيعمل منظره ماشى مبقولكش الناس كلها حلوه
بس برده فى ناس بتعمل الحاجات دى ليها مش عشان حد تانى
هو حابب كده عشان كده بيبسطه
مش شرط يبقى ناقص او محدث يعنى

و كل سنه و جميع اعضاء المنتدى طيبيييين
ورمضان كريم عليكم جميعا
و تقبلوا تحياتى

+++++++++++++++++++++++1




يا جماعة هيه ليه الناس في الردود بتاعت الموضوعات العادية بتبقي محترمين اوي و ولاد ناس و زي الفل .. ولما يشوفوا حاجة مش عاجباهم -( مع انك مفروض تبقي في حالك وملكش دعوة بحد) - يبدأ يشتوا في الناس ويقولوا (مش محترمين وعقد نقص - وتخلف وهبل وقلة ادب وهمجية)

لما تقابل شخص زي ده اقفل ازازك عليك وخليك في حالك , الشارع ده ملكية عامة
والمهم ان لو نفس الكلام حصل بس في فرح يقولك عادي وفرح وسيب الناس تفرح و (وراكيك وخشي) و ...

قديم اويييييييييييييييي

المشاركة الأصلية كتبت بواسطة beetleMOSH

و برده مش هوطى الصوت و هاعليه زى ما انا عايز

و يلا كل واحد ينام على الجمب اللى يريحه

جامد اوى الرد ده

المشاركة الأصلية كتبت بواسطة GMakram

جامد اوى الرد ده

اصل لو حد فيهم اقنعنى ب حاجه قويه اقوى من انى بحب الصوت العالى ماشى
اتكلم و فهمنى وجهه نظرك و اقنعنى
انما الناس داخله بتهاجم و خلاص حتى اللى بيقول كلمه بيرميها و يمشى مبيوضحش وجهه نظره

و بعدين احنا بنقول ان لازم يبقى فى فرق

كل حاجه فيها الحلو و فيها الوحش
و الناس برضه مكمله ف اتجاه واحد و كله ورا بعضه

ف انا اكبر دماغى انا عارف انا بعمل ايه و عارف الصح من الغلط و الحمد لله عمرى ما حد قاللى كلمه لانى مبديش حد فرصه اصلا يقوللى حاجه

فاللى عايز يعتبر حاجه يعتبرها انا مش هتكلم مع كل واحد و اعد اقولوا
انا وضحت وجهه نظرى و قولتها و اللى عايز يفهم و يقتنع خير و بركه واللى مش عايز انا مش ملزم

شكل الناس كده هى اللى عندها عقده نقص مننا اننا مظبطين الصوت عندنا و هما لا