الموضوع: رايكم فى اللى بيعلى الكاسيت وماشى بالعربية

اللى بيرد حلو اهلا و سهلا اللى مش بيرد حلو يبقى مش اهلا و سهلا
لان ده موضوع للنقاش مش للاهانه و النقد و خلاص
و زى ما فى شباب بتعلى الكاسيت فى برضه ناس كبيره بتمشى معليه الكاسيت
و ابسط حاجه نحترم بعض فى الكلام و احنا بنتكلم مع بعض
ماخشش اقول كلمتين و امشى ( زى اللى نفسه ف حاجه و يعملها )
و بعدين زى ما كل واحد حر ف رأيه
كل واحد حر برضه فى عربيته
و زى ما ممكن يتقال كلام يضايق
برضه ممكن يبقى فى حد بيضايقك بالكاسيت
اصل احنا مش عايشين لوحدينا
ولا الكون ده بتاع كل واحد لوحده عشان يتحكم فى الناس
و بعدين انا اصلا ( لو كنت قريت الموضوع من الاول)
بتكلم و بقول للناس ان فى ناس مركبه عده اد كده بس برضه هو بيراعى الناس و فاهم هو بيعمل ايه و مابيضايقش حد
و مش كل الناس اللى مركبه عده يبقى ناقص ولا معقد ولا بيظبط بنات كووول ولا سيييييييييس ولا مش عارف ايه و الكلام الفاضى اللى فى ناس كانت بتخش تقوله
يعنى فى اللى بيعمل كده و فى اللى بيعمل كده عشانه هو عشان ده مزاجه و هو بيحب كده و فى نفس الوقت مابيضايقش حد

و حتى لو العربيه على ادها هو حر يعمل اللى هو عايزه محدش فينا بيدفعله حاجه من جيبه عشان يقوله انت بتعمل ولا مابتعملش
هو الراجل مزاجه كده و كيفه كده و بفلوسه و حاجته
خلاص براحته
مقولش بقى دى عربيه على ادها ولا مش على ادها
و بعدين معظم العربيات الجديده الكاسيت بتاعها بيبقى تبع التابلوه و مابيتفكش او مش ممكن تشيله و تحط كاسيت تانى خارجى
واكدي مش هاتبوظ العربيه يعنى
انما العربيات القديمه عادى بتشيل و تركب و تعمل اللى انت عايزه
و ادام كدده كده هاتصرف يبقى ركب حاجه حلوه و نضيفه

و بعدين مانت ماشى طول النهار كلاكسات و ناس بتزعق و ازعاج و صوت عالى ... مبتقولش للناس دى حاجه ليه
و لا هما ال 10 ثوانى اللى هايتسمع فيهم الصوت العالى هما دول اللى خلاص هايدياقوا الواحد اوى
و بعدين اللى بيبقى معلى ده اخره اغنيه و بيووطى لصوت عالى برضه بس اقل شويه و ممكن يوطى خالص لان الجهاز العصبى مايقدرش يستحمل الضغط ده كتير و اتوماتيك بتلاقيه راح موطى

الفكره يعنى فى الاخر ان الموضوع نسبى
مش كل الناس بتعلى
و مش الكل الناس عاملاها منظره
يبقى ماقولش انا كل الناس اللى بتعلى بتتمنظر
اتمنى تكون وصلت