عايزين نشوف موقفكم او شعوركم اية لو انتوا مثلا بتشغلوا اغانى فى العربية بصوت عالى او بتشوفوا شباب عاملين كدة بحيث يكون مسموع فى الخارج بصورة واضحة واللى مركب صبات وبوازييك وعشرين سماعة والكلام دة
هل عادى بالنسبالكوا ولا الموضوع بيبقى مش مستحب ؟
عرض للطباعة
عايزين نشوف موقفكم او شعوركم اية لو انتوا مثلا بتشغلوا اغانى فى العربية بصوت عالى او بتشوفوا شباب عاملين كدة بحيث يكون مسموع فى الخارج بصورة واضحة واللى مركب صبات وبوازييك وعشرين سماعة والكلام دة
هل عادى بالنسبالكوا ولا الموضوع بيبقى مش مستحب ؟
سلوك غير انساني ولم اره الا في مصر
مححححححححححححححدث
فى ناس بتحب تسمع الأغانى بصوت عالى أو طرش ما بيسمعوش فا بيعلو
وفى نوع ثالث محدث دا بيبقى عايز يلفت نظر الناس كلها انو عندو عده حلوه وعشان يلفت نظر البنات الكول من وجهه نظره ويعلقلو واحده منهم عمتا ربنا يهدينا كلنا ونبطل سمع الأغانى
عقـــــــــــــدة نقــــــــــــص
طيب مهو اى حد مركب جى ام وصب لازم الصوت حيطلع برة ولا اية ؟!
انا بضايق من اللى بيبقى الصوت عالى جدا بيبقى على راى سمسم مركب عشرين بازوكا وعشرة جى ام ومية سماعة ..
تلوث سمعى :_Alshmokh08[1]:
أنا شخصياً بحس انو اللى بيعمل كده فعلاً واحد عايز يلفت النظر ليه و فاكر انو كده هيكسب احترام الناس او البتان هتعجب بيه.
اللى فعلاً بيستفزنى لما ألاقى واحد راكب عربية تمنها لا يتجاوز 15 ألف بالكتير اوى و مركب ساوند سيستم تمنه اكتر من 10.000 جنيه، يعنى انت كان ممكن بالفلوس ده تجيب عربية تانية خالص، و على فكره انا مش قصدى اتريق على عربية حد بس أنا معترض على السلوك ده :T_thum1[1]:
فى ناس بتحب تسمع الأغانى بصوت عالى
وناس بيبقى فى دماغها ان البت الكووول لما تسمع هتقولو ممكن اركب ...ههههههه
انا شايف ان كل واحد حر طالما مش هيضر حد بالصوت العالى ده
مش شرط على فكره يبقى احداث او عقده نقص او منظره
انا عن نفسى بحب الصوت العالى
و فى البيت اصلا لما ببقى مشغل الكمبيوتر ببقى معلى الاغانى
و فى العربيه ببقى معلى و شىء طبيعى ان الصوت يبقى طالع بره
بس لو واقف فى اشاره ولا الطريق زحمه بوطى الصوت طبعا
عشان عارف ان البييز بيدايق
ز خصوصا ان احنا واقفين مش ماشييين
ما لو انت ماشى مفهاش مشكله
هاتسمع الصوت لثوانى و خلاص
و لو مش مركب جى ام ولا الكلام ده كله
و كاسيت و سماعات الفابريكه هتلاقى الصوت طلع بره برضه
ف مش مقياس يعنى (فى وجهه نظرى )
و بعدين ما فى حاجات كتير اوى تانيه
يعنى اللى بيركب جنط مركبه عشان المنظرة ولا عشان هو حابب كده و مزاجه كده
و اللى بينفخ واللى بيحط فلتر و اللى يجيب مش عارف ايه و يعمل ايه و الجو ده
مش كله يبقى منظره
فى اللى بيعمل منظره ماشى مبقولكش الناس كلها حلوه
بس برده فى ناس بتعمل الحاجات دى ليها مش عشان حد تانى
هو حابب كده عشان كده بيبسطه
مش شرط يبقى ناقص او محدث يعنى
و كل سنه و جميع اعضاء المنتدى طيبيييين
ورمضان كريم عليكم جميعا
و تقبلوا تحياتى
وجهه نظر تحترم برده عشان مش كل الناس بيبقى هدفها المنظره، فى ناس بيبقى هدفها مجرد مزاجها الشخصى و طول ما مزاجه مش بيضر حد تانى يبقى هوا كده سليم ، بس أنا شخصياً كان قدى على الشباب اللى بييجى يقف تحت البيت و يفتح الشنطة و شغل الكاسيت و يقف مع أصحابه حوالين العربية :_Alshmokh08[1]:
ناس مزاجها رايق
:ma::ma: ضحكني اوي التعليق دا
ربنا يهدي
اللي بيعلي كاسيت فعربية زيه زي اللي معلي كاسيت فبيته زيه زي اللي معلي موبايل فلمواصلات والشوارع
كلهم بيسمعوا اغاني وكلهم برده بيزعجوا اللي حواليهم
متفرقش بقي عربية عجبلة فسبا
مش فاكرين ايام زمان فلمناطق الريفية كانت الناس بتبقي ماشية بحمار وشايلة راديو علشان يتمنظروا علي بعض:36_1_31:
ياجماعة على فكرة الموضوع نسبى يعنى مش كل اللى بيعمل كدة هدفة واحد
يعنى انا مثلا بحب امشى معلى الكاسيت شوية بس مش لدرجة الازعاج ومش لدرجة الانخفاض فى المتوسط والحمد لله عمرى حتى ماعكست بنت ولا الكلام الفاضى دة ولا سمعت اغانى هابطة من اللى طالعة موضة اليومين دول وعلى فكرة اول لما تيجى اشارة او اى حاجة بروح على طول مخفض الكاسيت وبخلية غير مسموع الا بسيط احتراما للاخرين , وبردة لما بدخل الشارع عندنا عشان هادى فبوطى الكاسيت خالص
هو مش عيب ولا حرام انك تعلى الكاسيت بس ماتعليهوش اوى عن الحد المسموح
فكرتونى كنت مرة ماشى فى الشارع وشاب شايل الكنبة اللى ورى كلها فى سيارة لانسر كريستالة وعاملها صبات وسماعات اكتر من 8 سماعات غير اللى فوق وحوالى اربع صبات غير اللى فى الشنطة والله شغل اغنية اجنبى العمارات الزجاج بتاعها بيتهز والعمارة تقريبا بردة دة بقى بجد اللى بيضر نفسة والناس
في رأيي اللي سايق عربيته ومعلي الصوت في إشارة أو تحت بيت يبقى إنسان مزعج, اللي بيحب يعمل حاجة يعملها طالما مش بيزعج حد غير نفسه.
انا بحب اسمع اغانى بصوت عااااااااااااااااالى وبحب الناس الرايقة اللى بتضحك على طول اما العالم المتضايقة انا لأة ماليش فى دول ..
ربنا يهدي...
ربنا يهدي الجميع
هو سلوك زى سلوكيات منتشرة كتير جدا تندرج تحت بند انه بنى ادم مش محترم
لما الواحد يفرض على الناس حاجه وميقدرش شعورهم ولا رغبتهم فى الهدوء وعدم اهتمامهم بأى حاجه هايفه هو بيعملها يبقى مش محترم , مش مرتبطه بمستوى مادى ولا تعليمى
يعنى تلاقى طالب فى طب وراكب عربيه بالشئ الفلانى بيعملها ونقاش خريج رابعه ابتدائى وراكب المترو وفاتح الموبايل على احد الروائع اللى بتجسد قصه حياته ( اديك تقول مخدتش ) وبيمارس نفس السلوك
غير متحضر
زي اللي بيمشي من غير نور بالليل
انا واحد من الناس اللى بتحب تسمع المازيكا عاليه وبعلى الكاسيت وانا سايق,الموضوع فعلا مش منظره بالصوره اللى الناس فاكرها لكنه فعلا حب سماع الموسيقى...وعلى فكره مش شرط ان المزيكا اللى شغاله تكون خبط وهبد ورزع...انا زى ما احيانا بمشى مشغل اغانى ومعليها احيانا بكون مشغل موسيقى هاديه ومعليها برضو,ومش شرط اقفل الازاز علشان اكون واحد مش مراهق او محتاج ربنا يهدينى زى ما بعض الاعضاء قالوا....طب انا واحد ربنا رزقنى بعربيه فيها تكييف وعندى القدره انى اقفل الازاز وابقى مشغل الموسيقى عاليه....فيه ناس تانيه عربيتها مفيهاش تكييف تتحرم من سماع الموسيقى بصوت عالى؟ وعلى فكره الموضوع مالوش علاقه بموديل العربيه هو فى المقام الاول وجهه نظر صاحب السياره...فيه ناس بتبقى قادره تشترى عربيات حديثه لكن بيحبوا العربيات القديمه لأرتباطهم بذكريات معينه مع العربيه القديمه...وعلى فكره مش الشباب بس هما اللى بيحبوا يسمعوا الموسيقى عاليه ياما بيكون فيه ناس سنها كبير وعواجيز وسايقين ومشغلين ام كلثوم ومعليين الصوت اوى وكذلك ممكن تكون ادعيه دينيه او ما الى ذلك...الموضوع فيه وجهات نظر كتير مختلفه لكن الحاجه الوحيده اللى بتفق مع باقى الاعضاء اللى شاركوا فى الموضوع فيها انى طلما واقف فى اشاره او واقف بالعربيه فى اى مكان يبقى لازم احترم الناس اللى حوليا واوطى الصوت لكن طلما انا سايق-وسايق فى حدود الادب واحترام الشارع-يبقى انا كدا مش مضايق حد
رمضان كريم جميعا
تحياتى
احييييك :satelite: و متفق معاك تماما فى كل كلمه و حرف
و على فكره مش معنى انك معلى يبقى انت ماشى طول حياتك
معلى الكاسيت ... ممكن تكون اغنيه ولا 2
او ممكن تكون نازل مزاجك رايق شويتين و عجباك اغنيه انت بتحبها و عايز تستمتع بيها
زى بالظبط كده اللى بينزل يجيب موبايل بمبالغ حلوة
فى اللى عايز يتمنظر و فى اللى جايبه عشان استخدامه ليه و للاوبشنز اللى فيه
و فى الل جايبه عشان الموبايل عاجبه و فى و فى و فى
كلها وجهات نظر فى الاخر و الكلام و الامثله كتير فى الموضوع ده
لان ده بيرجع للشخص نفسه
يعنى حاجه مالهاش معيار ثابت
و فى الاخر طالما انت مراعى شعور اللى حواليك و عارف انت بتعمل ايه
اعتقد ان محدش ممكن يلومك
على فكره فيه كمان نقطه مهمه....المشكله مش فى اللى بيشغلوا الموسيقى بصوت عالى على قد ماهى مشكله الناس اللى ديما متعوده تبص لغيرها وتنقده....المشكله فى بلدنا اننا بجد اتعودنا نبص على بعض...معندناش مبدأ محدش له دعوه بالتانى....والسماعات والصوت العالى والصبات والبوازيك جايلنا من برا مش متصنعه هنا يعنى الموضوع ده فى كل حته فى العالم-واللى سافر برا شاف وعارف- لكن مش زى ما بعض الاعضاء قالوا ان الموضوع ده هنا فى مصر وبس....
تحياتى
صدقنى لو كل واحد ماشى بعربيته-واسمحلى اكرر ماشى بعربيته مش واقف- ومركز فى سواقته وفى حاله فى الحاله دى ولا هيركز ولا هيأخد باله من اللى ماشى جنبه معلى الكاسيت ولا موطيه ولا حتى بيتنطط جوا عربيته....زى ماتعودنا نبص على اللى معدى من جنبنا وننتقضه لو اتعودنا ملناش دعوه باللى جنبنا مع الوقت مش هنركز فى الموسيقى العاليه اللى فى العربيه اللى عدت من جنبنا لمده ثوانى معدوده ومش هنحتاج نسد ودننا
تحياتى
والله كلام من الاخر و انا عن نفسى لما قريت الردود كنت هاقوله
و فعلا لو كل واحد ماشى بعربيته و نكررها تانى و نقول ماشى بعربيته و مركز مع نفسه مش مع غيره
ولا هياخد باله
لان معتقدش ان مده ال 30 ثانبه(بالكتير) مثلا او الثوانى المعدوده دى و هو معدى من جمبك او و انت معدى من جمبه
هى اللى هاتدايقك و تتعبك برضه
بس فى الاول و فى الاخر دى عاده
انا بس احب اطلب من الاخوة الاعضاء انهم يهدوا شوية فى تعليقاتهم لان اكيد فى ناس كتير هنا فى المنتدى بتحب تسمع الاغانى بصوت عالى فاميصحش اننا نوصفهم بغير محترمين لانهم طالا ماشيين فى حدود الادب والالتزام خلاص يعنى لقوا مثلا عزاء يقفلوا الكاسيت مراعاة لشعور اهل المتوفى , واقفين فى اشارة يوى الكاسيت ,داخل فى شارع هادى فى ساعة متاخرة يوطى الكاسيت , طبعا الاذان اول لما بيأذن بيتقفل نهائى طالما الواحد بيعمل الحاجات دية كلها يبقى انسان محترم وفى نفس الوقت بيعمل اللى يريحة بدون ازعاج للاخرين لان الثوانى المعدودة اللى الواحد بيعديها من جنب المارة ماعتقدش انها مؤثرة
وعلى فكرة انا زى ماقولت فى الاول انا مش بعلى اوى ولا بوطى اوى بس لما ببقى معلى الكاسيت بحس بتفاعل الناس مع الاغانى وبتقعد ترددها سواء بنات او ولاد وبيكون الموضوع دة ممتع بالنسبالهم مش مضايقة ولا حاجة بالعكس والله حصلت معايا مرة كنت واقف بالعربية ومشغل الكاسيت بس مش عالى يدوبك مسموع برة وكان فية بنتين قاعدين قدام مدرسة راح جاييلنى وقالولى معلش ممكن تعلى الاغنية دية , قولتلهم بس كدة روحت سايبهم وماشى ووقفت فى مكان تانى لانى كنت هعمل ازعاج للناس اللى واقفة فتقريبا الموضوع دة شىء عادى والناس واخدة علية بالعكس بيحبوة
كفاية اللى بيحصل فى الافراح او افتتاح المحلات بيبقى الصوت جايب المنطقة كلها دة غير دوشة الزحمة خلى الناس بدل ماتسمع الكلاكسات تسمع الاغانى
انا الطبيعي ببقي مشغل قران وصوته مش طالع بره وساعات بقي اقف في اشاره الاقي وواحد معلي الكاسي واغاني ورزع ومش حتي عارف اسمع صوت القران وساعات بضطر اطفيه ببقي نفسي اولع في اللي عامل كده بصراحه
وياسلام لما ابقي عايز انام في البيت ويعدي توكتك وصوته جايب السما
والأفظع من كده واحد ملاكي ومركب سرينه ويعد الساعه 12 في شارع فاضي ويقوم مشغلها ببقي والله ساعتها عايز انزل اتخانق معاه للصبح خصوصا ان الصوت عالي جدا
اعتقد ان احنا كلنا اتكلمنا ان طالما احنا مبنعملش الكلام اللى بتقولوا عليه ده
و بنحترم الظروف و الاشخاص المحيطين بينا يبقى محدش يقدر يلومنا فى حاجه
و اعتقد مشاركه 31
لخص كل الكلام و اعتقد برضه مشاركاتى انا و الاستاذ GMakram
وضحنا للساده الاعضاء وجهه النظر
و احنا مبنقولش ان كل الناس كده بس الكلام برضه مايبقاش موجهه منكم للجميع
يعنى ممكن تخصصوا الكلام على النوعيه ديه من الناس
و تبقى التعليقات غير مهينه عشان يبقى فى احترام لتبادل وجهات النظر
تحياتى
انا بعلى الصوت بس بكون قافل الزجاج
مزاجى كده
وجربت انزل اسمع الصوت من برة
عادى
لانى محبش اضايق حد
بس بلاش نتحامل على الى بيسمع
يعنى ساعات بفتح الزجاج
الصوت لازم يكون مسموع من خارج السيارة بس زحمة السير بتخبى علية
انا عن نفسى بسمعة بالكاد
وبعدين نوع الموسيقى باه
ايه يعنى لما واحد بيسمع شعبى مثلا
دا معناه انه سواق او ابن.......منحط
ابصليوطلى
الي بيعمل كدا له وجهات نظر مختلفه
واحد منهم مفكر انه كدا هيبقا شاب كول اكتر من غيره وده رأيي فيه ( فلااااااح)
واحد تاني بتكون عربيته متواضعه في الماركه او السعر فعايزها تكون مميزه يقوم يجيب طقم صوت عالي ويسوق بسرعه في وسط البلد ويقرفنا وده رأيي فيه (عنده عقدة نقص)
ملاحظه:
انا ملاحظ ان معظم الي جايبين عربيات ماركات عالميه وعاليه مبيعملش الكلام الفارغ ده (بس في برده ناس مخها تعبان)
لكن انا رأيي ان العربيه لخدمة الانسان مش علشان نقرف بيها غيرنا ونقول احنا حررررين!! وعلى رأي واحد كان بيقولي:
حرية كل شخص تتوقف عند حرية الآخرين
انا لو الراديو (مش الكاسيت) عالي شوية ما بعرفش اركز في الطريق
الله المستعان
هوا فيه واحده حتلاقى اغانى بصوت عالي تقوم تقول ممكن اركب .. هيا عاوزا صداع برضوا ..دى عاوزا لسه تلك وتدى الاسطوانه اياها ............
طب لو راكب فيزبا او موتو سيكل وصوت الساوند سيستم هاى وعالى جدا مع الفرو الى تحت السنادات تقوم تروح فين ةتقعد فين بس
الصوت العالى مطلوب لبعض الناس فى بعض الاوقات لانه بيعللى الادرنانين فى الدم ويخللى الشخص متنشط ومتحفر وياارض اتهدى ماعليكى ادى
راكب ال 128 المتوحشه ومرجع الكرسى ورااااا وفارد دارعه ماسك الدركسيون بطرف صبعه الشمالى
,وداقر ايده علشان يمنع الارتداد عن كتفه من دفعه العربيه عند الطلعه الاولى to avoid the driving back into his seat
وكمان بيسمع اغنيه سلامتها مامه حسن او العنب العنب العنب او انا مش عارفنى او ادينى قلبك .............. الخ
وعمال يلف ويدور فى الشوارع والنواصى والامم والطرقات باحثا عن معجبات
اه سورى نسيت انه داهن شعره بزيت كبد الكتكوت علشان يلمع وطبعا الاحد اجازته الاسبوعيه وقابط ليله السبت ولاعبه البليه معاه
والنهايه ثقب فى طبله الاذن حب نوعها وطولها
طبعا بيحرق صفيحتين بنزيم 80 ويروح زى مارجع
جون بول سارتر سمع بالموضوع ده قال ايه :
كان فيه واحد صحى من النوم قام بيتمطع فرد دراعه على طوله وقام لاطش مناخير جون بول سارتر باليد فيها
قام جون قال له مش تحاسب يا راجل
رد عليه انا حر دى ايدى وده دراعى
قال له ايه : ان حدود يدك تقف عندما تبدأ حدود انفى
وبس
نسمع مزيكا وعاليه rock ,heavy, semphonic بس فى حالنا وخلاص
لان المزيكا تدل على ثقافه الى بيسمعها وخلينا بقى مستورين
عمركم سمعتم حد بيسمع سوبرانو اوبرا ومعللى الكاسيت
يالا رمضان كريم
انا بحب اسمع بصوت عالي بس معنديييش صبات ولا حاجة والكاسيت و السماعات بيونيير
و الكاسيت اخروو 30 واما مش بحب اسمع الا 20