الموضوع: ابني لسه منطقش ارجو المساعدة

بص نصيحتى فى الحاجات اللى زى كده أسأل اللى بيفهم، وديه لدكتور و هوا هيقولك عشان يكون قلبك مطمن.

ربنا يخليهولك و يحفظه من كل شر

مفروض سن سنتين يقول 6-10كلمات
هل هناك مشاكل فى السمع ولا مش متاكد ؟
هل كان هناك اى مشاكل حدثت للطفل اثناع الولادة
هل هناك مشاكل اخرى غير الكلام

اولا لزم تروحى لدكتور سمعيات عشات تشوفى ان كان سمعة كويس او لا

ثانيا تودية لدكتور تخاطب و هو اكيد هيفيدك قوى

بس فى خطوات لازم تعمليا الأول

اولا لزم يروح حضانة
ثانيا اى كلام تقوليه براحة و بوضوح وتكرريها مثلا 20 مرة نفس الجمله تكرريها

زى مثلا انا عايزة البس التى شيرت هتعديها قدامة 20 مرة براحة و متزهقيش

كمان قبل ما تروحى اى مكان لازم تحكيلو عنة الأول وانتى رايحة المشوار دة وبعد المشوار تسترجعى معاة كل اللى شافو من اشخاص و مواقف وكل حاجة

كمان موضوع القصص مهم جدا للأطفال بس اهم حاجة ان تكون قصة واحدة بس تكرريها كتير وتحكيها براحة جدا و كل الكلام يكون واضح و تتحكى بهدوء

و كمان فى فالمكتبات كروت بتتباع لاطفال وبتكون مرسوم فيها حجات زى مثلا انواع الخضروات او الحيوانات او الحروف او الأرقام حاجات بالشكل دةبتساعد الطفل ان يكون عندة معلومات كتيرة ويقدر يخزنها ويقولها

واهم حاجةمتقوليش للطفل قول وتجبرية يقول وراكى عشانهيعند و مش هيقول

وياراب كلامى دة يكون افادكم

جزاكي الله كل خير فعلا استفدت من كلامك وكل سنة وانتي طيبة