اديني سبت الشغل
فين الشغل الكتير دة بقىىىىىىىىى
حضرتك اتسرعتى فى الاستقالة ومهما حصل كنتى فضلتى حتى تاخدى كل حقوقك كاملة
عامة ربنا يوفقك واكيد محدش عارف الخير فين
ومش لازم يعنى تلاقى شغل تانى فى نفس اليوم
طاما عندك مؤهلات للعمل وعندك طموح يبقى اكيد حتشتغلى وغير كده انك مش جاية من البيت بل بالعكس جاية بخبرة ومش تنسى تاخدى شهادة الخبرة بتاعتك معاكى
باى وارجو انى اكون ساعدتك وهديتك شوية
حضرتك كنتي بتشتغلي ايه و ممكن نساعدك
انت اتسرعت قوي يا دونزي وكان ممكن تهاوديهم بس قدر الله وماشاء فعل ......... واعرضي شغلك ايه علشان لو حد عارف يساعدك
قدر الله و ما شاء فعل , و ربنا يكرمك بشغل أحسن منه
يتهيألى كانت دي هتبقى النهاية فى الأخر و أن الموضوع مسألة وقت...
لما أخدتى أجازة 6 شهور جابوا غيرك و بالتالى بقوا شايفين أن مكانك اتاخد و واضح أنهم مبيحبوش و لو موظف واحد زيادة و كان المخطط هو أنهم يحطوكى فى خيار صعب عشان تمشى.
ان شاء الله كاتبلك اللى أحسن من الشغلة دي...و دي حاجة كويسة انك فى القاهرة اللى كل الجمهورية بتشتغل فيها و مجال العمل ضخم جدا. فى المحافظات التانية الموضوع بالضرب فتفائلى خير و دي مبدئيا نقطة فى صالحك
عليكى وعلى مكتب العمل وممكن ترجعى فى الاستقاله خلال اسبوع دا قانون
مكانش مفروض اتسرعتي و استقلتي
فية حاجة اسمها نقل تعسفي
و لو اشتكيتي في مكتب العمل كانوا حايرجعوا عالشركة و يوقفوا نقلك لو تبين لمكتب العمل ان مكان العمل لا يصلح لبنت و ان النقل تعسفي بغرض الاجبار عالاستقالة
احنا لسة فيها روحي مكتب العمل و اكتبي شكوى و قولي انهم اجبروكي عالاستقالة و هددوكي انهم حاينقلوكي مصنع في الصحراء في ستة اكتوبر
حضراتكوا هقول لكم الشغل بيجي ازاي مع انها مش حاجة فيها فلسفة
انا اول ما اتخرجت من الكلية من 9 سنين كنت بقعد علي النت بالساعات و ابتديت ابعت الـ cv بتاعي لكمية شركات و بنوك لا حصر لها و طبعا في خلال التحاقي في الكلية اخدت كمية كورسات انجليزي و كمبيوتر لاحصر لها من الجامعة الامريكية و شركة ibm بس طبعا هي صفت خلاص من مصر بعد الكورسات بفترة و بعدين بكل سهولة لاقيت اعلان في الجرنال ان شركة سياحة عايزة محاسبين و فعلا روحت و قبلت فورا و في نفس الوقت كان معايا اكتر من 55 واحد بيقدم في نفس الوظيفة لكن الحمدلله قبلت في الوظيفة
بعد كده سبت الشغل لأن جالي شغل في الحكومة في مكان متميز جدا فاشتغلت فورا
بعد شغلي في الحكومة بشهر بالظبط جالي شغل في شركة غبور في ابورواش و جالي شغل تاني في شركة الشرق للتامين طبعا مصر للتامين اشترت الشركة ديه من حوالي سنة و بعد كده جالي شغل تالت من شركة تحلية مياه مصرية امريكية
يبقي كده في شغل ولا مفيش
الشغل يا جماعة موجود لكن المهم انك تكون عندك الامكانيات المناسبة لشغل وظيفة الاحلام
دور و اكيد هتلاقي شغل زي ما كان اول شغلي عن طريق اعلان صغير جدا جدا في جريدة الاهرام