محتاجة نصيحتكو ضروري و بسرعة ....بيطفشوني من الشغل اعمل ايه ؟؟

**Adham** · 11-08-2010 03:30 PM

المشاركة الأصلية كتبت بواسطة largeman

و الشغل علي فكرة كتير في مصر متسمعيش كلام الناس اللي بيقولوا مفيش شغل و كلام من ده

اديها سمعت كلامك

حضرتك بقى حاتجيبلها شغل

على فكرة الحالة الاقتصادية و السياسية منعكسة على الوظائف و دة مش في مصر بل في العالم كلة

نسبة البطالة ارتفعت ل 34% السنة اللي فاتت بسبب ان 17% خسروا وظائفهم

**Bishoy.Girgis** · 12-08-2010 02:56 AM

المشاركة الأصلية كتبت بواسطة baskota

هو فين الشغل الكتير ده
ربنا يكرمك قولى واحدة من الكتير

المشاركة الأصلية كتبت بواسطة donzi

اديني سبت الشغل

فين الشغل الكتير دة بقىىىىىىىىى

المشاركة الأصلية كتبت بواسطة adham

اديها سمعت كلامك

حضرتك بقى حاتجيبلها شغل

على فكرة الحالة الاقتصادية و السياسية منعكسة على الوظائف و دة مش في مصر بل في العالم كلة

نسبة البطالة ارتفعت ل 34% السنة اللي فاتت بسبب ان 17% خسروا وظائفهم

حضراتكوا هقول لكم الشغل بيجي ازاي مع انها مش حاجة فيها فلسفة
انا اول ما اتخرجت من الكلية من 9 سنين كنت بقعد علي النت بالساعات و ابتديت ابعت الـ cv بتاعي لكمية شركات و بنوك لا حصر لها و طبعا في خلال التحاقي في الكلية اخدت كمية كورسات انجليزي و كمبيوتر لاحصر لها من الجامعة الامريكية و شركة ibm بس طبعا هي صفت خلاص من مصر بعد الكورسات بفترة و بعدين بكل سهولة لاقيت اعلان في الجرنال ان شركة سياحة عايزة محاسبين و فعلا روحت و قبلت فورا و في نفس الوقت كان معايا اكتر من 55 واحد بيقدم في نفس الوظيفة لكن الحمدلله قبلت في الوظيفة
بعد كده سبت الشغل لأن جالي شغل في الحكومة في مكان متميز جدا فاشتغلت فورا
بعد شغلي في الحكومة بشهر بالظبط جالي شغل في شركة غبور في ابورواش و جالي شغل تاني في شركة الشرق للتامين طبعا مصر للتامين اشترت الشركة ديه من حوالي سنة و بعد كده جالي شغل تالت من شركة تحلية مياه مصرية امريكية
يبقي كده في شغل ولا مفيش
الشغل يا جماعة موجود لكن المهم انك تكون عندك الامكانيات المناسبة لشغل وظيفة الاحلام
دور و اكيد هتلاقي شغل زي ما كان اول شغلي عن طريق اعلان صغير جدا جدا في جريدة الاهرام

**kh_talaat** · 12-08-2010 10:52 AM

المشاركة الأصلية كتبت بواسطة largeman

و ابتديت ابعت الـ cv بتاعي لكمية شركات و بنوك لا حصر لها و طبعا في خلال التحاقي في الكلية اخدت كمية كورسات انجليزي و كمبيوتر لاحصر لها من الجامعة الامريكية و شركة ibm بس طبعا هي صفت خلاص من مصر بعد الكورسات بفترة

هي شركة ibm صفت خلاص من مصر ولا حضرتك تقصد الكورسات فقط ؟

**Bishoy.Girgis** · 12-08-2010 03:56 PM

المشاركة الأصلية كتبت بواسطة kh_talaat

هي شركة ibm صفت خلاص من مصر ولا حضرتك تقصد الكورسات فقط ؟

لا ياباشا التعبير خاني شوية ibm مش صفت من مصر خالص
انا قصدت ان مراكزها التعليمية ضعيفة مش قوية زي زمان يعني اللي قصدي اقوله ان في مراكز دلوقتي اقوي بكتييييييير من ibm
سوري لعدم التوضيح