عايز اصلح العربية دى ومحتاج مساعدة فينك يا بشمهندس سمير:)

دلوقتى العربية هيونداى اتوس 98 بتاعت واحد صحبي
لما كان بيدخل على مطب او فى بداية الدوارة العربية بتبقى علية وبعد كدة بتبدى تنزل فى خلال حوالى 10 ثوانى او اكتر شوية (فى كل دوارة نفس القصة حتى لو العربية سخنة)
راح بيها لميكانيكى فصلة الحساس الموجود فى الصورة دى والعربية بقى سحبها زى سحب البطة وكمان لما تدور العربية هادية وكل حاجة تمام بس اول لما تيجى تديها سنة بنزين تلاقة كركرت وطفت
http://dl104.herosh.com/fae21bc11698e8e2912025cce0be1498/10082010423.jpg
(معلش هو دة حساس قياس تدفق الهواء؟) ولا انا غلط

ومعلش كمان هو دة حساس وضع البوابة
http://dl104.herosh.com/09345b581078cdd4fcdc319be53ba2f2/10082010424.jpg

ودة اية دة بقى مش عارف ممكن يكون بيقيس درجة حرارة الهواء اللى داخل للعربية؟
http://dl104.herosh.com/940f2ad887bba90ea3ebf3f1c8a7d696/10082010425.jpg


معلش انا خبرتى فى الجديد مش جمدة قوى بس غاوى شغل ولعب فى القديم
ومحتاج مسعدتكم معايا وتشجعكم معايا
علشان ابتدى اشتغل فى العربية دى


انا كدة شاكك فى حساس قياس تدفق الهواء اللى فى الصورة الاولى (مش عارف بقى اسمة كدة صح ولا غلط)
عايز افكة واجيب wd40 وانظفة كدة تمام ولا غلط؟ ولا فى حاجة بنظف بيها غير ال wd40

وعايز افك البوابة وانظفها اللى فى تانى صورة ولا ممكن تتنظف وهى راكبة فى مكانها ؟
ومعلش طولت عليكم
وشكرا مقدما ليكوا

اه حاجة كمان انا فصلت الحساس دة اللى فى اول صورة وبعد شوية ركبتة والعربية مطفية
ولما دورت العربية فضلت عالية وموطيتش بطلت العربية وفصلتة ووصلتة تانى ودورت العربية ورجعت زى الاول تعلى فى اول الدوارة ولما تدوس بنزين وتسيب

شوف ياباشا اولا الصور مش ظاهرة غير بس الصورة الاخيرة ومش واضحة اوى بردة

بالنسبة بس لسؤالك عن ارتفاع مؤشر عدد لفات الماتور فدة هيبقى عيبة من حساس الtps بتاع البوابة

واللى الميكانيكى فصلك الفيشة بتاعتة دو وخنق العربية دة حساس الmaf سينسور لانة المتحكم فى ظبط نسبة الهواء المتخلخل اللى داخل البوابة فلما شالة العربية اتخنقت عشان كمية الهواء اللى داخلة مش محسوسة

او عايز تنظف البوابة اتبع الاتى :
1: يبقى الماتور بارد تماما
2: الماتور مش شغال
3: تجيب منظف wd 40 للبوابة نفسها ومنظف انجيكشن للحساسات عشان بيطير بسرعة بعكس الwd40 بيستخدم اكتر للتزييت اوعى ترش كتير وتقول كدة هينظف لما بترش تير الحساس بياخد وقت على مابيرجع لوضعة الطبيعى و
4:لو انت هتعرف تفك البوابة فكها بس خلى بالك عشان لما تفك البوابة هتضطر تفك بكرة الاكسراتير وماعتقدش انك هتقدر تظبطها تانى لانها عايزة ادوات خاصة
5: بعد مابتخلص بتسيب العربية دايرة 10 دقايق بدون تحريكها او لمس دواسة البنزين وسيبها تعمل اللى هية عايزاة لانها هتلاقيها بتعمل حاجات غريبة شوية زى اربى ام مش منتظم دخان ابيض او اسود من الشكمان , صوت عالى خليها لحد ماتظبت لوحدها

صعب تنظيف البوابة بدون فكها

شوف ياباشا اتعود لما تشيل حساس من العربية تكون البطارية متشالة عشان مايسجلش error على وحدة الecu وركبة وانت شايل كبل البطارية وبعد ماتركبة افتح الكونتاكت بس يعنى يبقى جاهز على الدوارة مرات متكررة قبل ماتدور عشان تبدأ وحدة الecu تقرا بيانات الحساس او تاخد اشارتة الجديدة بعد التنظف او التغير اللى حصل

انا متشكر جدا لرد حضرتك
وبخصوص الصور مش عارف اية اللى حصلهم انا قبل منزل الموضوع اتاكدت انهم موجودين هرفعهم تانى ان شاء الله

ورد حضرتك فدنى كتير خاصة النقطة بتاعت فصل كبل البطارية (بس معلش سؤال لو الكمبيوتر مسجل اعطال مش انا كدة لما افصل الكبل واوصلة تانى الاخطاء اللى على الكمبيوتر هتتشال؟)
وكمان فتح وقفل الكونتاكت دى لانى كنت نسيتها
واسماء الحساسات انا كنت عايز اتاكد منها
وكمان انواع المنظفات اللى استعملها
ومعتقدش انى ممكن احتاج افك بكرة الاكسراتير
وبكرر شكرى لحضرتك مرة تانى

اقتباس:

---

المشاركة الأصلية كتبت بواسطة eng_mostafa_89

انا متشكر جدا لرد حضرتك
وبخصوص الصور مش عارف اية اللى حصلهم انا قبل منزل الموضوع اتاكدت انهم موجودين هرفعهم تانى ان شاء الله

ورد حضرتك فدنى كتير خاصة النقطة بتاعت فصل كبل البطارية (بس معلش سؤال لو الكمبيوتر مسجل اعطال مش انا كدة لما افصل الكبل واوصلة تانى الاخطاء اللى على الكمبيوتر هتتشال؟)
وكمان فتح وقفل الكونتاكت دى لانى كنت نسيتها
واسماء الحساسات انا كنت عايز اتاكد منها
وكمان انواع المنظفات اللى استعملها
ومعتقدش انى ممكن احتاج افك بكرة الاكسراتير
وبكرر شكرى لحضرتك مرة تانى

---

ياباشا مافيش شكر ولا حاجة وانا هرد على الاسئلة حسب الترتيب اللى حضرتك كاتبة :

1: طبعا اول لما بتشيل كابل البطارية الاخطاء بتتشال من على الكنترول بس الكلام دة يهمك لو انت عندك عيب ورايح تحطها على الجهاز فامتشيلش البطارية عشان تعرف الحساس اللى مسجل العطل

2: حضرتك بتفتح الكونتاكت بس لمدة خمس ثوانى وبعد كدة بتقفل الكونتاكت لمدة خمس ثوانى بردة وبعد كدة بتفتح الكونتاكت لمدة بردة خمس ثوانى وبعد كدة بتدور وبتسيبها لد ماتظبط نفسها ولو عندك تكييف يبقى افتح زرار الa/c والمروحة وافتح الكونتاكت وسيبة خمس ثوانى وبعد كدة اقفل ودور بالتكييف وعلى فرة الطريقة دية بتختلف من عربية لعربية وفية عربيات مش بتحتاجها

3: حساس tps (throttle position sensor , maf(mass air flow , idile valve

دية اسماء الحساسات اللى موجودة فى البوابة عندك واهم بلف الايدل لما بيتنظف بيفرق جامد مع العربية وطبعا نظف الفيش

4: هية مش منظفات دية تعتبر مذيل
اولا : Wd-40 العبوة ولونها ازرق وغطاء احمر وصناعة امريكى سعرها 100 ملم 13 /15 جنية حسب البائع
200 ملم 19/21 جنية دة مذيل صدأ وبيفضل استخدامة على البوابة لانة بيترك اثار زيتية بتخلى الاشياء تتحرك بسلاسة ماترشش منة جوة البوابة او على حساس بيبقى صعب انة يطير فبياخد وقت
ثانيا : Carb cleaner سعرة 20 جنية وبيستخدم فى تنظيف الحساسات , والكربرايتر وفيش السيارة ولية ميزة انة بياخد الرواسب ويطير على طول بس خلى بالك ابقى ابعدة عن عينك وانت بترش عشان لما بتركب الرشاش بتاعة بيضخ جامد اوى صناعة امريكى ممكن منتجات stp او اى حاجة صناعة امريكى هتبقى كويسة ابعد عن المصرى
* injection cleaner : دة سعرة 40 جنية صناعة امريكى نفس استخدامات الاول بس الفرق ان الاول مايستحبش انك ترش منة جوة البوابة نفسها الخاصى بالانجيكشن اما التانى فدة من ضمن استخداماتة لانة مش حامى اوى زى منظف الكربراتير

لو هتفك البوابة او بمعنى اصح الثروتل بودى لازم تفك سل الاكسراتير لان بكرة الاكسراتير بتبقى متوصلة بحساس الtps فصعب انك تتطلعها بدون تحرير السلك من البكرة

الصور حسب الترتيب اللى كان فوق ومعلش على التاخير
http://img444.imageshack.us/img444/6937/10082010423.jpg



http://img201.imageshack.us/img201/9016/10082010424.jpg




http://img411.imageshack.us/img411/1851/10082010425.jpg



انا متشكر جدا لمتابعة حضرتك معايا
انا مقلق اشتغل فى العرببية دى لانها مش بتعتى وخايف ابوظها :)
حتى روحت للميكانيكى بتاعى وحكيتلة القصة وقلتلة عايزين نعملها سوا (علشان هحتاج لقم او بيبة لان فى مسامير فى حتت مزنوقة شوية وانا معنديش لا بيبة ولا لقمة) وكدة قالى لا وديها لحد بتاع انجيكشن علشان الحساسات ليها ضبطة معينة ولازم يكشف عليها بالجهاز

بس بتهيئلى تنظيف الحساسات مش محتاج حاجة غير الفك والتركيب تانى صح ولا انا غلطان؟

اقتباس:

---

المشاركة الأصلية كتبت بواسطة eng_mostafa_89

الصور حسب الترتيب اللى كان فوق ومعلش على التاخير
http://img444.imageshack.us/img444/6937/10082010423.jpg



http://img201.imageshack.us/img201/9016/10082010424.jpg




http://img411.imageshack.us/img411/1851/10082010425.jpg



انا متشكر جدا لمتابعة حضرتك معايا
انا مقلق اشتغل فى العرببية دى لانها مش بتعتى وخايف ابوظها :)
حتى روحت للميكانيكى بتاعى وحكيتلة القصة وقلتلة عايزين نعملها سوا (علشان هحتاج لقم او بيبة لان فى مسامير فى حتت مزنوقة شوية وانا معنديش لا بيبة ولا لقمة) وكدة قالى لا وديها لحد بتاع انجيكشن علشان الحساسات ليها ضبطة معينة ولازم يكشف عليها بالجهاز

بس بتهيئلى تنظيف الحساسات مش محتاج حاجة غير الفك والتركيب تانى صح ولا انا غلطان؟

---

هو انت طبعا بعد مابتخلص لازم تحط العربية على اسكانر عشان تتاكد من ثبات عدد لفات الماتور ومن قراية جميع الحساسات بشكل منتظم
وانا ى ماقولتلك وديها لواحد وادفع 30 جنية تمن التنظيف احسن وابقى اشتغل معاة وساعدة وشوف الدنيا هتمشى ازاى واديك اتعلمت وبعد كدة ابقى اعملها بنفسك

خد بالك عندك فى تانى صورة دة الtps ومرتبط بالاكسرايتر
الصورة الاولى لحساس الmaf

الصورة التالثة لبلف الايدل

أولا : مفيش حاجه أسمها تنظيف للحساسات

أى حساس لايؤدى وظيفته كما ينبغى لازم يتغير

ثانيا : الكشف بالأسكانر حيحدد كفاءة عملية التحكم

وأى حساس الذى يحتاج للتغيير

اقتباس:

---

المشاركة الأصلية كتبت بواسطة samirayad

أولا : مفيش حاجه أسمها تنظيف للحساسات

أى حساس لايؤدى وظيفته كما ينبغى لازم يتغير

ثانيا : الكشف بالأسكانر حيحدد كفاءة عملية التحكم

وأى حساس الذى يحتاج للتغيير

---

بشمهندس سمير اذى حضرتك عامل اية

كل سنة وحضرتك طيب ورمضان كريم

معلش انا هختلف معاك فى نقطة تنظيف الحساسات

انا منظف حساس الtps والحمد لله رجع زى الجديد وبقالة اهوة سنة تقريبا , وطبعا بلف الايدل نفس الكلام

وكلهم جابوا نتايج ممتازة والمشاكل اصبحت مختفية نهائى

اقتباس:

---

المشاركة الأصلية كتبت بواسطة semsem kane

هو انت طبعا بعد مابتخلص لازم تحط العربية على اسكانر عشان تتاكد من ثبات عدد لفات الماتور ومن قراية جميع الحساسات بشكل منتظم
وانا ى ماقولتلك وديها لواحد وادفع 30 جنية تمن التنظيف احسن وابقى اشتغل معاة وساعدة وشوف الدنيا هتمشى ازاى واديك اتعلمت وبعد كدة ابقى اعملها بنفسك

---

هى المشكلة مش مشكلة فلوس او كدة
الفكرة كلها نفسي اجرب لان برضة كنت بخاف زمان اشتغل فى عربيتى 128 ولما جتلى الجرئة بقيت شغال فيها كلها موتور وفرامل والعفشة بقى كلة شغال والحمد لله حتى الكهرباء بتاعتها دوست فيها شوية.
انا كنت نازل تدريب فى مركز خدمة معتمد لهيونداى وبيجو فى القاهرة واتفك مرة امامى حساس الهواء (maf)بتاع فيرنا واتنضف فحسيت ان العملية سهلة ومفيهاش حاجة علشان كدة عايز اجرب:)

اقتباس:

---

المشاركة الأصلية كتبت بواسطة semsem kane

خد بالك عندك فى تانى صورة دة الtps ومرتبط بالاكسرايتر
الصورة الاولى لحساس الmaf

الصورة التالثة لبلف الايدل

---

شكرا للتوضيح

اقتباس:

---

المشاركة الأصلية كتبت بواسطة samirayad

أولا : مفيش حاجه أسمها تنظيف للحساسات

أى حساس لايؤدى وظيفته كما ينبغى لازم يتغير

ثانيا : الكشف بالأسكانر حيحدد كفاءة عملية التحكم

وأى حساس الذى يحتاج للتغيير

---

ازيك يا بشمهندس سمير كل سنة وحضرتك طيب
طيب معلش العربية دى هنا فى اسماعيلية الاقى فين جهاز الاسكنر هنا لانى معرفش حد
وبجد نفسي اقابل حضرتك خمس دقائق بس
ياريت لو حضرتك معندكش مانع يعنى اى وقت بعد صلاة التراويح

وموضوع تنظيف الحساسات دة انا سمعتة كتير هو وتنظيف البوابة خاصة كمان حساس البوابة وال maf
واللى مكنش مجدى ابدا فى تنظيفة حساس العادم (كان ميكانيكى جربة امامى بس ولا فرق)

اقتباس:

---

انا منظف حساس الtps والحمد لله رجع زى الجديد وبقالة اهوة سنة تقريبا

---

أزاى يعنى

ومنين جبت الكلام ده

ونظفته أزاى

ده مقاومه متغيره ( بوتنشيومتر )

وممنوع معاه الأقتراب أو التصوير

اقتباس:

---

طيب معلش العربية دى هنا فى اسماعيلية الاقى فين جهاز الاسكنر هنا لانى معرفش حد

---

أنا أعرف مكان فى شارع الغابه

سمعت أنه بيحدد الأعطال كويس ....بس ملوش فى الأصلاح

المهم أنه بيقولك العيب عندك فى أيه

اقتباس:

---

وبجد نفسي اقابل حضرتك خمس دقائق بس
ياريت لو حضرتك معندكش مانع يعنى اى وقت بعد صلاة التراويح

---

تنورنى ياباشا فى أى وقت وأنا جاهز إن شاء الله

اقتباس:

---

وموضوع تنظيف الحساسات دة انا سمعتة كتير هو وتنظيف البوابة خاصة كمان حساس البوابة وال maf
واللى مكنش مجدى ابدا فى تنظيفة حساس العادم (كان ميكانيكى جربة امامى بس ولا فرق)

---

تنظيف البوابه ماشى ....تنظيف بلف الأيدل ماشى

تسليك مجرى هواء حساس الماف ماشى

غير كده مش ماشى

واللى تسمعه غير كده يبقى عباره عن خرط

وضرب من الخيال

اقتباس:

---

المشاركة الأصلية كتبت بواسطة samirayad

أزاى يعنى

ومينين جبت الكلام ده

ونظفته أزاى

ده مقاومه متغيره ( بوتنشيومتر )

وممنوع معاه الأقتراب أو التصوير

---

والله دة اللى حصل والحمد لله قعد بالظبط عشر دقايق مخرف وبعد كدة ظبط العربية تمام والعيب راح تماما الحمد لله لانى عندى اقل سعر حساس ب1400 جنية

ياباشا أنت منظفتوش من الداخل ولا حاجه ( أنت روقت عليه بس من بره بره )

وتلاقى بس الزراع المتحرك بتاع البوتنشيومتر كان معلق على المقاومه الثابته

وربنا أكرمك ومع الهزه ومحاولة النظافه ليه من مكان تركيبه على نهاية أكس البوابه

أتعدل كونتاكت الزراع المتحرك مع المقاومه الثابته

( يعنى خير حصل معاك من جوه الحساس )

مجرد ضربة حظ مش أكتر

علشان أنت طيب ياسمسم

اقتباس:

---

المشاركة الأصلية كتبت بواسطة samirayad

أنا أعرف مكان فى شارع الغابه

سمعت أنه بيحدد الأعطال كويس ....بس ملوش فى الأصلاح

المهم أنه بيقولك العيب عندك فى أيه

---

ياريت حضرتك توصفهولى لانى مش عارف المكان

اقتباس:

---

المشاركة الأصلية كتبت بواسطة samirayad

تنورنى ياباشا فى أى وقت وأنا جاهز إن شاء الله

---

شوف الوقت والمكان اللى يناسب حضرتك
انا بجد سعيد انى هقابل حضرتك

اقتباس:

---

المشاركة الأصلية كتبت بواسطة samirayad

تنظيف البوابه ماشى ....تنظيف بلف الأيدل ماشى

تسليك مجرى هواء حساس الماف ماشى

غير كده مش ماشى

واللى تسمعه غير كده يبقى عباره عن خرط

وضرب من الخيال

---

:satelite:

اقتباس:

---

المشاركة الأصلية كتبت بواسطة samirayad

ياباشا أنت منظفتوش من الداخل ولا حاجه ( أنت روقت عليه بس من بره بره )

وتلاقى بس الزراع المتحرك بتاع البوتنشيومتر كان معلق على المقاومه الثابته

وربنا أكرمك ومع الهزه ومحاولة النظافه ليه من مكان تركيبه على نهاية أكس البوابه

أتعدل كونتاكت الزراع المتحرك مع المقاومه الثابته

( يعنى خير حصل معاك من جوه الحساس )

مجرد ضربة حظ مش أكتر

علشان أنت طيب ياسمسم

---

ياباشا ربنا يخليك

بس انا عايز اقولك ان الحساس نفسة اترش علية وطبعا الزراع المتحرك

وانا فكيتة وخرجتة برة البوابة خالص وتم تنظيفة بمنظف الانجيكشن

المهم فى النهاية انة اتصلح هو دة المهم عندى لانى انا اللى عامل القصة دية وروحت خد العدة من الميكانيكى بتاعى وقولتلة هبقى ارجعهالك كمان شوية

اقتباس:

---

المشاركة الأصلية كتبت بواسطة semsem kane

ياباشا ربنا يخليك

بس انا عايز اقولك ان الحساس نفسة اترش علية وطبعا الزراع المتحرك

وانا فكيتة وخرجتة برة البوابة خالص وتم تنظيفة بمنظف الانجيكشن

المهم فى النهاية انة اتصلح هو دة المهم عندى لانى انا اللى عامل القصة دية وروحت خد العدة من الميكانيكى بتاعى وقولتلة هبقى ارجعهالك كمان شوية

---

الحمد لله انة اتصلح
انت بقى عامل زى بروح اخد العدة من الميكانيكى ويقولى اخرب برحتك لو احتجت حاجة ابقى تعالى :)
بس الكلام دة مع ال128 طبعا واى عربية كربراتير

اقتباس:

---

المشاركة الأصلية كتبت بواسطة eng_mostafa_89

الحمد لله انة اتصلح
انت بقى عامل زى بروح اخد العدة من الميكانيكى ويقولى اخرب برحتك لو احتجت حاجة ابقى تعالى :)
بس الكلام دة مع ال128 طبعا واى عربية كربراتير

---

على فكرة دة هو الصح مش كل حاجة نعتمد على المكيانكيى وتبقى حاجة هايفة ويلهفلة فلوس قد كدة مش احنا بردة عندنا مخ ولا دة اية ؟؟:b4_556:

والكلام دة من سنة والحمد لله وهو عارف انى مابخربش حاجة بس انا عندى الغلطة بفورة اقل واجب 1000 جنية

طيب انت عارف انة مرة بوظلى فلتر البنزين وانا عندى فلتر البنزين تمنة 240 جنية

بدل ماينظفة بالبنزين والهواء راح حاطط جاز بوظ الفلتر من جوة وكان الاصلى بتاع العربية روحت غيرتة

فعادى يعنى سيبها على ربنا اللى يبوظ يبوظ مسيرة يتصلح بس هنتعلم ودية اهم حاجة

انا كان معايا 128 مش عارف اقولك اية كنت مخليها وحش والله كنت انا اللى بعدل الحاجات واشتريها واخلى المكيانكيى بس يركبها واتفرج على السرعة والثبات والنقلات كانت بتشد مع عربية لحد 130 وبعد كدة بتريح لحد ماتجيب 150 كم ودية اللى عرفتنى كل حاجة عن العربيات

اقتباس:

---

ياريت حضرتك توصفهولى لانى مش عارف المكان

---

فى أول دخلة الغابه من شبين جنب بتاع الزيوت المشهور هناك على شمالك ..........تقريبا بعد حوالى 200 متر من دخولك الشارع

اقتباس:

---

المهم فى النهاية انة اتصلح هو دة المهم عندى لانى انا اللى عامل القصة دية وروحت خد العدة من الميكانيكى بتاعى وقولتلة هبقى ارجعهالك كمان شوية

---

اقتباس:

---

مجرد ضربة حظ مش أكتر

علشان أنت طيب ياسمسم

---

اقتباس:

---

المشاركة الأصلية كتبت بواسطة samirayad

فى أول دخلة الغابه من شبين جنب بتاع الزيوت المشهور هناك على شمالك ..........تقريبا بعد حوالى 200 متر من دخولك الشارع

---

شكرا يا بشمهندس سمير على الوصف ان شاء الله هروحلة لما صحبي يفضى واقول لحضرتك على النتايج ان شاء الله

وياريت حضرتك تقولى على الميعاد اللى يتناسب معاك علشان نتقابل ان شاء الله

اقتباس:

---

المشاركة الأصلية كتبت بواسطة semsem kane

على فكرة دة هو الصح مش كل حاجة نعتمد على المكيانكيى وتبقى حاجة هايفة ويلهفلة فلوس قد كدة مش احنا بردة عندنا مخ ولا دة اية ؟؟:b4_556:

والكلام دة من سنة والحمد لله وهو عارف انى مابخربش حاجة بس انا عندى الغلطة بفورة اقل واجب 1000 جنية

طيب انت عارف انة مرة بوظلى فلتر البنزين وانا عندى فلتر البنزين تمنة 240 جنية

بدل ماينظفة بالبنزين والهواء راح حاطط جاز بوظ الفلتر من جوة وكان الاصلى بتاع العربية روحت غيرتة

فعادى يعنى سيبها على ربنا اللى يبوظ يبوظ مسيرة يتصلح بس هنتعلم ودية اهم حاجة

انا كان معايا 128 مش عارف اقولك اية كنت مخليها وحش والله كنت انا اللى بعدل الحاجات واشتريها واخلى المكيانكيى بس يركبها واتفرج على السرعة والثبات والنقلات كانت بتشد مع عربية لحد 130 وبعد كدة بتريح لحد ماتجيب 150 كم ودية اللى عرفتنى كل حاجة عن العربيات

---

اللى بحبة فى الميكانيكى بتاعى انة لما اقولة انا عندى مشكلة فى كذا يقولى جرب اعملة انت ولو معرفتش يبقى تعالى مش انت كدة كدة هتجيلي يبقى جرب واستفاد اتضبطت يبقى خير وبركة متظبطتش يبقى تعالى اوريك تعملها ازاى

اقتباس:

---

وياريت حضرتك تقولى على الميعاد اللى يتناسب معاك علشان نتقابل ان شاء الله

---

أنا جاهز للتشرف بيك فى أى وقت تحبه

بعد صلاة التراويح

حدد المكان والزمان وحتلاقينى عندك
وياريت تكتبلى رقم محمولك لسهولة التنسيق

اى وقت انا علطول فاضي
انا قاعد فى الشيخ زايد عند جامع الشيخ زايد
رقم تليفونى 0104866256