الموضوع: ايه رأيكم في الجنوط الصيني

المشاركة الأصلية كتبت بواسطة medo500

ياجماعة مش كل الجنوط الصيني كويسة انا واحد صاحبي قريبة عمل حادثة بالعبية وكان هايموت فيها بسبب ان الجنط اتكسر وهوة ماشي علي 160 بس ربنا ستر لكن العربية اتدمرت علشان كده الجنوط بالذات لازم تكون ماركة كويسة ومضمونة علشان السرعات العالية ربنا يكفينا شرها

المشاركة الأصلية كتبت بواسطة thedeveloper87

أنا رحت عند أشرفكو اللي في الحي السادس مدينة نصر النهاردة ووراني تشكيلات جامدة كتير ... سألته إذا كانت صيني ولا ايه؟ قال لي أنا مابدخلش صيني عندي. كله إندونيسي وتايلاني.
أنهي الأحسن الاندونيسي ولا التايلاندي؟

أشرف حماد طول عمرة محترم و مابيشتغلش غير في النضيف

المشاركة الأصلية كتبت بواسطة haysam2000

و الله ولا بيتكسر ولا حاجه انا 13 صينى تلات سنين و 15 صينى من 8 شهور و زى الفل عيبهم انهم تقال فى الوزن و طبعا ده محسوس فى طلعه العربيه من الثبات من ساعه ما غيرت

غريبة دي المعروف ان اي منتج صيني بيبقى خفيف و يوفروا في الخامه, اول مرة اسمع عن منتج صيني ان مشكلتة انة تقيل بصراحه
عامة الجنط الاحسن يبقى خفيف و متين, انا كنت شاري من اشرف حماد طقم 15 الماني bbs كان خفيف موت, و دي ميزة ال bbs اللي معروف بيها

المشاركة الأصلية كتبت بواسطة mohamed_refaat

الصينى فى ال 13 عادى من اول 14 يبدا القلق فى ال 15 الصينى خطر فى النوعيات المضروبة ....

يبقى نقول من الاخر اللي حايركب جنط 13 و بيستعمل العربية عالهادي و جوة البلد و مابيجريش و سواقتة حريصة يركب صيني و مايخافش

انما اللي عاوز جنط كبير 15 و يركب كاوتش لو بروفايل و بيطير و يشد و بيسافر سرعات عالية يبقى يشتري عمرة بتمن طقم جنوط

المشاركة الأصلية كتبت بواسطة hzmmmk

أنا عندى الصينى مركة mb
مركبهم فى فيات 131
كنت شاريهم من رومانى من 3 سنين ب 950
و هما الحمد لله شغالي تمام ياما خدت مطبات و ربنا ساترها

الجنط محمي بالكاوتش من تحتة بيمتص الصدمات و مش اي مطب يكسر الجنط او يعوجه لازم حجر كبير او لا قدر الله خبطة رصيف و ساعتها حايفرق قوي بقى الجنط اللي في العربية , لانة لو اتكسر حايبقى بعمر اللي في العربية و لو استحمل يبقى اتكتب لهم عمر تاني