الموضوع: خلى بالكم 128 بتغيرررررررررررر!!!!!!

اولا مبارك على الخطوبة
اول لما اشتريت عربيتي الحبيبة و جبتلها موتور 1300 لتحسين الاداء الميكانيكي قالي هات معلقة فتيس - اللي انت بتقول عليها دي - و هي جديدة بعتها للخراط خرمها من النص يعني عمل خرم من الحديدة اللي فوق مرورا بالكاوتش الى الحديدة اللي تحت و راح رابط فيه مسمار بس مش على الآخر و حط صامولة تانية كونتر ... المعلقة دي بقالي حوالي 4 سنين ملمستهاش :)

المشاركة الأصلية كتبت بواسطة memononos

المهم انا اتخنقت ودمى فار قمت قلعت القميص
وقمت رفعت العربيه ونزلت تحتها وطلعت الزراديه و الولاعه ام كشاف مهمه جدا جدا جدا نصيحه منى الولاعه دى رغم انها ثمنها 2 جنيه بس لاكن بجد لا تقل عن الطفايه اهميه
المهم اعدت ابص على عمود الفتيس من تحت من اول العصايه لحد الفتيس ملقتش حاجه قمت قلت لوالدى ادى غيار ادى غيار تمام مور تمام لاحظت حاجه بقى لاحظت ان عصايه الفتيس من تحت متوصله فى الفتيس بحاجه كده شبه معلقه الاكل بس كان فى بقى زى معلقتين كده راكبين فوق بعض وفى بينهم حته جلبه وملحومين فى بعض المهم انا لاحظت ان لما والدى كان بيدى الغيار الاول المعلقه دى كانت متفسخه من بعضها بس كان مربوطه على شعره المهم طلعت من تحت العربيه ببص فى الساعه لقيتها بقت 1 :_alshmokh08[1]:وطبعا اعدت افكر افكر اربطها ازاى مفيش حل غير سلك وانا كنت راكن تحت الكوبرى المهم اعدت ادور فى الزباله الى تحت الكوبرى سورى فى الاخر لقيت قفص فاكه قمت خدت منه السلك الى فيه كله وبرمته فى بعضه وقمت نزلت تحت العربيه واعدت الف على المعلقتين علشان اربطهم فى بعض المهم بقت الساعه حوالى 1.40 دقيقه
دور هات الاول جابت الاول طبعا انا كن هطير من الفرحه ركبنا هوب يلا طير على البيت
وصلنا لحد شارع رمسيس جنب نادى الشبان المسلمين وطبعا كنا عطشانين جدا نزلت املى ازازه ميه بعد ما مليت الازازه وشربنا وغسلت ايدى ووشى
المهم جى بدى الاول مفيش اول مور ادى الثانى مفيش تانى طب الثالت مفيش ... قمت شديت عصايه الفتيس كده بايدى لقيت الفتيس كله طلع فى ايدى
نزلت ببص تحت لقيت نص عمود الفتيس من تحت مدلدل على الارض
طبعا والدى نزل وراح بص على اى جنب او جراج نسيب العربيه فيه ونبقى نرجعلها الصبح بعد ما ظرهت علامات الياس على وشه هو وامى
طبعا انا اتخنقت جدا وقلت ابدا هنروح بالعربيه يعنى هنروح بيها وقمت دورت على اى حاجه اربط بيها الفتيس ببعضه من تحت ملقتش غير حته دوبارا بتاعه شوال على جنب قمت رفعت العربيه نزلت تحتها وقمت اعدت الف الف الف الف الدوبارا مع حته السلك المه الساعه وصلت 2.30 دور هات اول مفيش طب ثانى مفيش طب ثالث فيه
فضلت ماشى على الثالث من رمسيس لحد دير الملاك وصولنا لشارع الخليج المصرى وصولا للبيت والحمد لله اخيرا الساعه 3بعد نص الليل
ادى قصتى فى ليله خطوبتى مع 128
وعقبال عندكم بس نصيحه منى اى حد كان اعزب ومعاه عربيه 128 ميخدهاش معاه وهو رايح يخطب لحسن اتضحلى ان العربيه دى بتغير
وكل سنه وانتو طيبين ورمضان كريم

[overline]
لا بجد دى ليلة متتنسيش ..... ألف مبروك.... بس أنت من شارع الخليج يعنى جارنا... بعد جامع الطحان ولا قبليه.
[/overline]