الموضوع: سلسلة <<<<<<< صلح سيارتك بنفسك >>>>>> الحلقة الثانية ـــــــــــ صيانة 120 الف كيلو

المشاركة الأصلية كتبت بواسطة أبو عبدالله

مبارك عليك الصيانة
بس مسألة في التوكيل بــ 1000 جنيه دي انا مش متأكد منها
ولكن اللي متأكد منه ان الألف جنيه بيتعمل في العربيه شغل كتير اكتر من اللي اتعمل دلوقتي
في حاجات في العربيه مش شرط تبقى واضحه امامكعلشان تصينها هما بيبقوا عارفينها

اما بخصوص السيريون فهيا موجوده فعلا 4*4 بس الماتور 1000 سي سي تيربو اللي هو مش عاجب الناس
وبتنزل واسمها x4
وتحياتي لك

ابو عبد الله يشرفني مرورك الكريم
بالنسبة لسعر الصيانة انا اتصلت بالرزق قبل ما اعملها وكانت خلاصة نقاشي مع مدير قسم قطع الغيار علي ما اعتقد اسمه م/سامح ان لم تخني الذاكرة اني اقدر اعمل الصيانة دي بمستويين
الاول
تغيير فلاتر - كشف منوسط علي السيارة - تغيير بوجيهات
وده بحوالي 1000 حنيه او اكتر شوية لان تمن فلتر الهواء في الرزق 175 والبنزين 120 (تقريبا مش متذكر بالضبط) والبوجيهات 160 لو بتوع الديهاتسو او 60 بس لو بتوع تويوتا (وكان تعليله ان تويوتا بتشتري قطع غيار بكمية اكبر وبالتالي تقف عليهم ارخص)
طبعا كل الاسعار دي الي جانب 150 جنيه سعر الكشف المتوسط علي السيارة - وكل ده غير شامل تكاليف العمالة والضرائب

المستوي الثاني
وقال انه بيتكلف 2000 جنيه!!
وبشمل كشف كامل علي السيارة طبقا لتعليمات الكتالوج بالضبط
وانا لان سعره غالي محبتش اسال عن التفاصيل حتي
لكن لما رجعت لكتالوج العربية لقيتهم بيكشفوا عن كل حاجة تقريبا البور التيل امامي وخلفي المحرك - التبريد الفرامل - الكهرباء - البطارية ......الخ
الي جانب تغيير الفلاتر والكشف عن السيور بالكامل ووحدة العادم وحجات كتير اوي كده

وبالتالي انا كنت بفاضل بين المستوي الاول وبين اني اعملها برة

ملحوظة مهمة: المستوي الاول ده مهواش رسمي .. انما دي حجات انت بتختارها وهم بينصحوك بيها لما تحب تقلل التكاليف فيقولك ممكن تعمل كذا وكذا بس
انما الرسمي هو ابو 2000 جنيه

انما بالنسبة للسريون فمحدش قال وحشة انما قلنا غالية جدا

الشكر ليك مرة تانية يا ابو عبد الله

تقبل تحياتي

المشاركة الأصلية كتبت بواسطة أبو عبدالله

طيب يعني فيه فارق فيه الفلاتر ده كوري وده ياباني اصلي
والبوجيهات اكيد برضه مفيش حاجه اسمها بيجيبوا كميات
البوجيهات بتبقى حسب رقمها واكيد هناك فارق
ام 60 جنيه دي موجوده في كل السوق وممكن تيجي كمان بــ 50 او 55 جنيه فقط
اما اللي بــ 160 دي انا بأؤكدلك انها مش زيها

عالعموم انا بس حبيت اوضح ان مسالة صيانة التوكيل مش مركز معتمد
بتبقى فعلا لها دور في احياء العربيه لأن العربيه بيبقى فيها حاجات معينه ومحدده لها وللموديل فقط كمان في بعض الحلات ومش بيعرفها اللي اللي متدرب على صيانة العربيه فعلا
وتقبل تحياتي

بالنسبة للفلاتر:
فلتر الهواء مش موجود في التوكيل وكنت لاوم انتظر اسبوعين علي الاقل ويا يجي يا ميجيش!! وتمنه عندهم 175 اما خارج التوكيل فتمنه 85 وهو هو نفس اللي موجود في التوكيل وبنفس رقم الموديل وخط الانتاج والخامة وبردو مش موجود
اما فتر البنزين فموجود لكن فرق السعر ضخم جدا الكوري 35 وهو اللي بيركب في توكيل كيا والياباني 120 وانا اللي اخترت اني احط الكوري
اما البوجيهات فهي هي واللي بيحكم في الحكاية دي حاجتين رقم البوجيه وحضرتك حتلاقيه مكتوب علي طرف العلبة k20tnr - 3304
بالاضافة الي الرقم المسلسل علشان تضمن انه طالع من نفس خط الانتاج - وكل الارقام دي مطابقة لكتالوج العربية وتعليمات الصانع
وعلشان ازيد دهشتك حزيدك من الشعر بيت
طقم البوجيهات ابو 160 هو هو ابو 60 الفرق ان الاول من ستوك قطع غيار ديهاتسو والتاني من تويوتا لان زي ما انت عارف ان الرزق عنده صيانة ديهاتسو منفصلة عن صيانة تويوتا والكلام ده عن لسانهم وانا شفت البوجيهات بنفسي

خلاف كل ده لو سيادتك دققت حتلاقي البوجيه القديم هو هو الجديد بنفس الارقام
الحاجة الوحيدة اللي انا خسرتها في الموضوع ده وكانت حتتعمل في التوكيل هي مسالة الكشف المتوسط علي السيارة وده ممكن اعمله لوحده وادفع 150 جنيه ولكن كسبت ادامها تغيير بيضتين الطرف ودي لوحدها كانت حتعمل مبلغ محترم (معرفش اد ايه بالضبط)

وانا في الخدمة
تقبل تحياتي

المشاركة الأصلية كتبت بواسطة gmakram

على طول جاهز بالرد والمعلومات الدقيقه كدا يا ابوعبدالله....عقدتنى:_alshmokh08[1]:

ربنا يزيد ابو عبد الله وكل اعضاء المنتدي من علمه وفضله
ويارب دايما في نقل الخبرات والمعلومات سباقين