الموضوع: الي كل الحاجزين بالسعر القديم .... بعد زياده الاسعار هتعمل ايه ....

المشاركة الأصلية كتبت بواسطة neversighs

شوفوا يا أخوان أي ورقه مش مختومه بختم الوكيل ليس لها محل من الإعراب ولا أعتقد ان الوكيل بيختم سوى الايصال المثبت عليه مقدم الحجز فقط ولا ذكر للسعر الكلي عليه . في الحاله ده اي شكوى لاي جهه رسميه في مصر ستذهب ادراج الرياح .
انا كنت حاجز الفلوينس بالسعر القديم بعدها بشهر نزلت زياده 3 الاف جنيه بحجة زياده سعر الدولار وكان من المقرر اني ادفعها لكني قمت بارسال شكوى لرينو فرنسا تم على اساسها مخاطبه رينو مصر ويبدو كمان حصل اعتراض من اللي كانو حاجزين في نفس الفتره المهم اداره الشركه اجتمعت وقرروا عدم تطبيق الزياده على الحاجزين قبل الزياده فالسعر وفعلا استلمت السياره بالسعر المتفق عليه وفعلا توكيل رينو في مصر محترم وان شاء الله مش هيخذلكو بس تمسكو بحقكم لاخر لحظه .

انا لغايه الان مش عارف اوصل للاوراق اللي المفروض الحاجز ياخدها دي حاجه
ثانيا اشكرك لان انت اول واحد من اللي كان حاجز الفلوانس عبرنا
ثالثا لما تكون العربيه لها خمس طرق حجز و ناس وخدها بكذا طريقه اثق ازاي انا في التوكيل و هو بيستعمانا
حكايه محترم وكدا نشوفها اعمال مش كلام لما هو محترم ليه مالوش طريقه حجز معتمده ولا هو حسب البرفيام لو لو ليمون يبقي مالكش حاجه ولو هوجو ينختم ولو ......
اختلاف نظم الحجز دليل علي سوء نيه الوكيل
لو تكرمت نص الشكوي بتاعه رينو اللي جابه الفايده
وانا معاكم يا رجاله نصعد للنهايه

الموضوع ده انا تابعته كاملا لكن الموضوع مختلف وان كان الاتنين زياده فلوس
ومحدش قال لنا الموضوع التاني خلض علي ايه ولا هم عملوا ايه والموع ده ليه مخلصش

المشاركة الأصلية كتبت بواسطة neversighs

منا قلت لحضرتك على نهاية الموضوع اني استلمت بالسعر القديم .. بس هو فيه فرق بين الموقفين لان الزياده اللي كانت مقرره في الحاله الاولى الوكيل هو اللي قررها بحجة ارتفاع سعر الدولار اما في حالتكو ده الزياده حجتها ان الحكومه فرضت رسوم جديده لكن بردو مش مهم الناس اللي حاجزه على السعر القديم ملهاش ذنب ومن حقها تستلم بالسعر المتفق عليه ماذا والا المفروض كان الوكيل ما أعلن اساسا او حدد اي سعر للسياره عند الحجز وكان قال يا جماعه مقدم الحجز بكذا اما السعر عند الاستلام حسب الظروف .. طالما حدد سعر يبقى عليه انو يلتزم بيه . شوف حضرتك تحاول تجمع اكبر عدد من الحاجزين معاك في نفس الفتره وتروح التوكيل تقابل حد كبير هناك يا اما الاستاذ عمرو ماضي او الاستاذ شريف العالم لو رسيت توصل لعمرو الحبال نفسو .. انا مش عارف بيكونو فين بالضبط بس غالبا في فرع المهندسين او العبور ممكن تسأل ..وان شاء الله التوكيل عند حسن الظن وبالتوفيق .

اولا شكرا لتعونك
ثانيا الف مبروك علي الاستلام و يديك خيرها و يمنع عنك شر الطريق
ثالثا هو ده اللي انا اقصده ليه يحجز و يورطوه ده كان ممكن يدفع عربيات تانيه و يخدها وهو ماش دلوقتي اللي غلي واللي بيغلي وهندا بس اللي اعلنت انها مش هتغلي وهو ما بيحبش هوندا يعمل ايه
المهم حضرتك اللي استلمت بالسعر القديم بس ولا سري علي الكل ويا رب بشره خير للراجل اللي ورطه ده
ومتشكرين يا كبير

المشاركة الأصلية كتبت بواسطة neversighs

حقيقة انا مش متأكد انا بس اللي استلمت بالسعر القديم ولا كل اللي كان حاجز معايا بس اغلب الظن ده قرار من الاداره سرى على الكل او على اقل تقدير سرى على اللي اتذمر واشتكى .

جازاك الله كل خير علي المتابعه والرد

والله يا جماعه انا وقعت الراجل في كمييين اسمه رينو
النهار ده في الاخبار كتبين ان اسعار الداستر اللي انا قلت له عليها ما زاديتش و الفلوانسزي ما هي
كونتاكت كار الاسعار زايده طب نصدق مين
طب الحجز ازاي لما كل مندوب هناك بيطلع الورق اللي علي مزاجه
انا بامانه قلت له علي رينو بسببكم انتم و اللي اعرفه انها مش وحشه
وانتم قلتوا ان الوكيل محترم وانا حاسس من "المغرز " ده اننا وقعتو في توكيل مالوش كلمه ودي اكبر مصيبه في سياره ممكن الواحد يشوفها
والله انا حزين اني وقعت الراجل ده في رينو وتوكيلها