الموضوع: اضاءة غير الزينون ؟؟

المشاركة الأصلية كتبت بواسطة magyver

مش عايز اقلك متركبشي زينون
لان لما تركب زينون هاتحس انك كنت مااشي اعمي

بص يباشا انا مش حركب زينون لاعتبارات خاصة بيا يمكن مش عند باقى الناس وهية
1-الزينون وجع دماغ مش الواحد بيركبة ويريح دماغة زى ما الناس معتقدة دة اعتقاد خاطىء والدليل
قولى واحد جاب زينون اعد معاة سنة كاملة من غير لمبة او جهاز يتحرقوا منة طب وهوة هل يعقل انى اجيب زينون بالشىء الفلانى وميكملش سنة وعلى غفلة حاجة تحصل فية واغنى انا ظلموة واعد الف وادور على نفس الجهاز ونفس اللمبة اللى كانت عندى واساسا كلة مضروب ودى مشكلة تانية ان الرخيص مضروب والاصلى صينى بردة بس غالى جدا جدا
2-انا بصراحة مش حستحمل ظابط ميسواش 3 تعريفة فى سوق الرجالة انة يوقفنى ويغتت من باب الغتاتة ويدفعنى فلوس لان حتى مبدا الردار بالنسبالى انا بحسة جباية او اتاوة فما بالك لما يوقفنى ويدفعنى الشىئ الفلانى بردة بالنسبالى حتى لو جنية علشان انا مركب زينون وهوة ممنوع يبقى انا اشتريت زينون بمبلغ وقدرة علشان احسن الروية الليلية وفى نفس الوقت بدفع علية فلوس يا صيانة يا مخلفات دة غير انى ملزم لما اجى افحص انى اشيل الزينون قبلها واركب اللمض القديمة وهوة اساسا عقبال معاد الفحص حيكون شيع من زمان ياراجل الزينون دة يتجاب لما يبقى ليجال دة اولا ولما يبقى الاصلى منة بالكتير ب 500 جنية مش الاقى الطقم الاصلى ب 1800 جنية صينى ولمبتة لما تتحرق اجيبها لوحدها ب 400 جنية لية يباشا هوة انا راكب جاجوار ولا اية :)
انا عايز بس الناس تتفاعل معايا شوية وتجاوب على مشاركتى الاساسية لان انا شايف ان الناس متكلمتش خالص على اللمبات العادية دى وكمان نوع الزيت
تحياتى

حضرتك شوفت الموضوع دة وفية كل الى انتة عاوزة مش فاهم حضرتك عاوز اية تانى اكتر من كدا واخر رد فى الموضوع دة هوة رد حضرتك برضة ودة موضوع احنا اتكلمنا فية عن كل نوع اللمض وانا محطيت فية كل الفيديوهات والصور الى تثبت ان الزينون دة ملهوش لزمة وانتة ممكن تقرى الموضوع بقى من الاول لحد الاخر عشان تستفيد سلام عليكم
http://www.nilemotors.net/Nile/83963...-rally-59.html

المشاركة الأصلية كتبت بواسطة dragon_devil

حضرتك شوفت الموضوع دة وفية كل الى انتة عاوزة مش فاهم حضرتك عاوز اية تانى اكتر من كدا واخر رد فى الموضوع دة هوة رد حضرتك برضة ودة موضوع احنا اتكلمنا فية عن كل نوع اللمض وانا محطيت فية كل الفيديوهات والصور الى تثبت ان الزينون دة ملهوش لزمة وانتة ممكن تقرى الموضوع بقى من الاول لحد الاخر عشان تستفيد سلام عليكم
http://www.nilemotors.net/nile/83963...-rally-59.html

حضرتك انا مش عاوز اصلا الموضوع دة لان حضرتك لو كنت قريت موضوعى بس كويس شوية كنت لقيت انى كاتب انى مش حركب كتاوت والكلام دة كلة لان عربيتى لسة جديدة وفى الضمان والتوكيل لو فى اى لعب فى الضفيرة حيخرجهالى برة الضمان تمام ؟؟؟ والموضوع حضرتك انا قريتة ومشارك فية زى ما حضرتك قلت يعنى عارفة من اولة لاخرة ومينفعنيش كل ماهنالك يا سيدى الفاضل انا عايز تجارب من اخوة اعضاء على انواع اللمبات الفيليبس اللى الوات بتاعها عادى 55-60- بس فيها اضاءة زيادة عن العادية الاستوك بس ادى الحكاية ولو الموضوع بتاعى مدايقك انا اسف مش عايز حاجة خلاص وعلى فكرة انا رادد على الاخ ماجيفر وقايلة اسبابى لرفض الزينون مش لانة ملوش لازمة زى ما حضرتك بتقول ولكن لان عندى اسباب منطقية اكتر ولكن هوة كاضاءة لا يعلى علية من غير كلام بس قولى صحيح هية اساسا الرالى دى موجودة دلوقتى دة الناس دايخة عليها عموما لو لقيتها ياريت تبقى تكتب فى الموضوع اللى حضرتك اشرت لى فية عن مكانها لان الناس دايخة عليها اساسا
تحياتى

مساء الخير انا اللمبات اللى نازله الاصلى فى عربيتى هى الفيلبس 55-60 ودى زى ما انتا قلت من غير كتاوت و نورها عادى او معقول بس انتا بتقول عايز نور اعلى و فى نفس الوقت من غير كتاوت ريح دماغك مش حتلاقى لان لو ركبت اعلى حيبوظلك دراع النور و دة شئ طبيعى لان الوات اعلى حتى اللمبات الفيلبس رالى اللى مش موجودة فى السوق محتاجة بردة كتاوت فرأى لو عايز تغير للمبات اعلى يبقى لازم كتاوت مفيهاش جدال وطبعآ كله فى الاخر ميقارنش بالزينون و شكرآ

المشاركة الأصلية كتبت بواسطة mido_soliman

حضرتك انا مش عاوز اصلا الموضوع دة لان حضرتك لو كنت قريت موضوعى بس كويس شوية كنت لقيت انى كاتب انى مش حركب كتاوت والكلام دة كلة لان عربيتى لسة جديدة وفى الضمان والتوكيل لو فى اى لعب فى الضفيرة حيخرجهالى برة الضمان تمام ؟؟؟ والموضوع حضرتك انا قريتة ومشارك فية زى ما حضرتك قلت يعنى عارفة من اولة لاخرة ومينفعنيش كل ماهنالك يا سيدى الفاضل انا عايز تجارب من اخوة اعضاء على انواع اللمبات الفيليبس اللى الوات بتاعها عادى 55-60- بس فيها اضاءة زيادة عن العادية الاستوك بس ادى الحكاية ولو الموضوع بتاعى مدايقك انا اسف مش عايز حاجة خلاص وعلى فكرة انا رادد على الاخ ماجيفر وقايلة اسبابى لرفض الزينون مش لانة ملوش لازمة زى ما حضرتك بتقول ولكن لان عندى اسباب منطقية اكتر ولكن هوة كاضاءة لا يعلى علية من غير كلام بس قولى صحيح هية اساسا الرالى دى موجودة دلوقتى دة الناس دايخة عليها عموما لو لقيتها ياريت تبقى تكتب فى الموضوع اللى حضرتك اشرت لى فية عن مكانها لان الناس دايخة عليها اساسا
تحياتى

كدا انتة مقرتش الموضوع اصلا لائنى كاتب ازاى تركب اللمض من غير متلعب فى الضفيرة وان فى ضفيرة جاهزة بتتجاب وفيها الكتاوت وكل حاجة وانا ركبت 3 اطقم زينون قبل كدا وبقولك دة ملهوش لزمة كل الى فى مصر ملهوش لزمة لو عاوز زينون جيبوا من برة دة الى لية لازمة عشان اسبابك دية الى انا متفق اصلا معاك فيها انا ركبت الرالى وجبتها 100/90 وجبتلها ضفيرة جاهزة وكان فى احد الاعضاء جايب لمض جان المانى 260/200 ومكنش عارف يجيب الضفيرة الجاهزة لائن احنا كلنا عربيتنا جديدة مكملتش 5000 كيلوا اصلا وقبلتوا وروحنا للكهربائى الى عندى وركبهالوا وركب النور الجديد من غير ميقطع فى الضفيرة ولا يخرب برة الضمان ولا الكلام دة لو كل الكلام دة مش عجبك خلاص بقى ياسيدى ربنا يقدر الناس وتقدر تسعدك ان شاء الله واسف على الازعاج واسف على المشاركة واسف انى كونت عاوز اسعدك
سلام عليكم

المشاركة الأصلية كتبت بواسطة dragon_devil

كدا انتة مقرتش الموضوع اصلا لائنى كاتب ازاى تركب اللمض من غير متلعب فى الضفيرة وان فى ضفيرة جاهزة بتتجاب وفيها الكتاوت وكل حاجة وانا ركبت 3 اطقم زينون قبل كدا وبقولك دة ملهوش لزمة كل الى فى مصر ملهوش لزمة لو عاوز زينون جيبوا من برة دة الى لية لازمة عشان اسبابك دية الى انا متفق اصلا معاك فيها انا ركبت الرالى وجبتها 100/90 وجبتلها ضفيرة جاهزة وكان فى احد الاعضاء جايب لمض جان المانى 260/200 ومكنش عارف يجيب الضفيرة الجاهزة لائن احنا كلنا عربيتنا جديدة مكملتش 5000 كيلوا اصلا وقبلتوا وروحنا للكهربائى الى عندى وركبهالوا وركب النور الجديد من غير ميقطع فى الضفيرة ولا يخرب برة الضمان ولا الكلام دة لو كل الكلام دة مش عجبك خلاص بقى ياسيدى ربنا يقدر الناس وتقدر تسعدك ان شاء الله واسف على الازعاج واسف على المشاركة واسف انى كونت عاوز اسعدك
سلام عليكم

مبدأيا كدة حضرتك بعد كل الكلام الى انت كتبتة دة مبتساعدنيش فمتتاسفش ولا حاجة انت داخل متحامل لية انا عايز افهم اولا مينفعش انك تقولى حضرتك عايز اية اكتر من كدة (هوة حضرتك بتجبى عليا مثلا) الموضوع لو انت شايف انة مستفز بالنسبالك يبقى متدخلش تعلق فية لانى مطلبتش دة
حضرتك بتقول انى مقرتش الموضوع اصلا ودة بردة مش حاجة لطيفة انك تشكك فى كلامى وانا مش محتاج ابرر اذا كنت قريتة او لاء لان الموضوع مش مهم اوى بالنسبالى بس الطريقة يا اخى الكريم لازم تبقى ارقى من كدة
بس الحقيقة انى قريت الجزء اللى حضرتك كتبت فية على الضفيرة الجاهزة دى وبردة دة مساعدنيش اوى لانة حل انا شايفة ساذج اولا التوكيل لو لا قدر الله فى اى وقت حصل عندى عيب ولو فى مكنة ازاز مثلا وفتح الكبوت وعايز يتلككلى بيتهيالى من السهل جدا انة يعرف انى مركب على ضفيرة جاهزة ولا تفصيل حتى وكدة كدة حيكون فية كتاوت راكب حيبان للتخين وانا فى حل من كل هذة المهاترات علشان كدة انا ملتفتش للجزئية اللى حضرتك اشرت لها خصوصا انى حبقى مضطر انى اقابل سعادتكم واخد من وقتك علشان نروح للكهرباءى تبع حضرتك لان هوة اللى بيعمل او عارف مكان الضفيرة الجاهزة تقريبا وانا من مدينة 6 اكتوبر يعنى فى كل الاحوال حل غير مرضى وغير عملى ولا يحقق هدفى من الموضوع اساسا اللى هوة تجربة اى حد عن لمبات فيليبس اللى الوات بتاعها عادى بس اغلى من الرالى بكتير يعنى تقريبا تلات اضعاف تمن الرالى اللى فى الاساس مش موجودة اصلا تقريبا عند اى محل فى جمهورية مصر العربية ودى اكتر حاجة استفزتنى حاليا هوة حضرتك زعلان انى ملتفتش للموضوع اللى حضرتك بعتهولى وبتقولى انت عايز اية اكتر من كدة ؟؟؟ لو فرضنا انى اقتنعت بالموضوع وعايز انفذة حالا تقدر تقولى اجيب اللمبات دى منين ولا هية دى بردة عند الكهربائى بتاعك ؟؟ ارجو انك تكون فهمت انا قصدى اية وياريت لو انت متنرفز من اى موضوع ايا كان وحاسس ان اللى كتبة مقصر لانة متعبش نفسة وقرأ شوية ذيادة ودة طبعا مش صحيح ياريت متبقاش ترد فى موضوعة علشان ميحصلش مثل ما حدث الان من سوء فهم بلا اى داعى

المشاركة الأصلية كتبت بواسطة mido_soliman

مبدأيا كدة حضرتك بعد كل الكلام الى انت كتبتة دة مبتساعدنيش فمتتاسفش ولا حاجة انت داخل متحامل لية انا عايز افهم اولا مينفعش انك تقولى حضرتك عايز اية اكتر من كدة (هوة حضرتك بتجبى عليا مثلا) الموضوع لو انت شايف انة مستفز بالنسبالك يبقى متدخلش تعلق فية لانى مطلبتش دة
حضرتك بتقول انى مقرتش الموضوع اصلا ودة بردة مش حاجة لطيفة انك تشكك فى كلامى وانا مش محتاج ابرر اذا كنت قريتة او لاء لان الموضوع مش مهم اوى بالنسبالى بس الطريقة يا اخى الكريم لازم تبقى ارقى من كدة
بس الحقيقة انى قريت الجزء اللى حضرتك كتبت فية على الضفيرة الجاهزة دى وبردة دة مساعدنيش اوى لانة حل انا شايفة ساذج اولا التوكيل لو لا قدر الله فى اى وقت حصل عندى عيب ولو فى مكنة ازاز مثلا وفتح الكبوت وعايز يتلككلى بيتهيالى من السهل جدا انة يعرف انى مركب على ضفيرة جاهزة ولا تفصيل حتى وكدة كدة حيكون فية كتاوت راكب حيبان للتخين وانا فى حل من كل هذة المهاترات علشان كدة انا ملتفتش للجزئية اللى حضرتك اشرت لها خصوصا انى حبقى مضطر انى اقابل سعادتكم واخد من وقتك علشان نروح للكهرباءى تبع حضرتك لان هوة اللى بيعمل او عارف مكان الضفيرة الجاهزة تقريبا وانا من مدينة 6 اكتوبر يعنى فى كل الاحوال حل غير مرضى وغير عملى ولا يحقق هدفى من الموضوع اساسا اللى هوة تجربة اى حد عن لمبات فيليبس اللى الوات بتاعها عادى بس اغلى من الرالى بكتير يعنى تقريبا تلات اضعاف تمن الرالى اللى فى الاساس مش موجودة اصلا تقريبا عند اى محل فى جمهورية مصر العربية ودى اكتر حاجة استفزتنى حاليا هوة حضرتك زعلان انى ملتفتش للموضوع اللى حضرتك بعتهولى وبتقولى انت عايز اية اكتر من كدة ؟؟؟ لو فرضنا انى اقتنعت بالموضوع وعايز انفذة حالا تقدر تقولى اجيب اللمبات دى منين ولا هية دى بردة عند الكهربائى بتاعك ؟؟ ارجو انك تكون فهمت انا قصدى اية وياريت لو انت متنرفز من اى موضوع ايا كان وحاسس ان اللى كتبة مقصر لانة متعبش نفسة وقرأ شوية ذيادة ودة طبعا مش صحيح ياريت متبقاش ترد فى موضوعة علشان ميحصلش مثل ما حدث الان من سوء فهم بلا اى داعى

والله انا مش حرد عليك اصلا لائنك ب.................................................. ..**
................................................
----------------
إنذار للتهكم
ل ف م

المشاركة الأصلية كتبت بواسطة dragon_devil

والله انا مش حرد عليك اصلا لائنك .................................................. ..*

اشكرك على زوقك الرفيع ورقيك فى التحاور

المشاركة الأصلية كتبت بواسطة mido_soliman

بص يباشا انا مش حركب زينون لاعتبارات خاصة بيا يمكن مش عند باقى الناس وهية
1-الزينون وجع دماغ مش الواحد بيركبة ويريح دماغة زى ما الناس معتقدة دة اعتقاد خاطىء والدليل
قولى واحد جاب زينون اعد معاة سنة كاملة من غير لمبة او جهاز يتحرقوا منة طب وهوة هل يعقل انى اجيب زينون بالشىء الفلانى وميكملش سنة وعلى غفلة حاجة تحصل فية واغنى انا ظلموة واعد الف وادور على نفس الجهاز ونفس اللمبة اللى كانت عندى واساسا كلة مضروب ودى مشكلة تانية ان الرخيص مضروب والاصلى صينى بردة بس غالى جدا جدا
2-انا بصراحة مش حستحمل ظابط ميسواش 3 تعريفة فى سوق الرجالة انة يوقفنى ويغتت من باب الغتاتة ويدفعنى فلوس لان حتى مبدا الردار بالنسبالى انا بحسة جباية او اتاوة فما بالك لما يوقفنى ويدفعنى الشىئ الفلانى بردة بالنسبالى حتى لو جنية علشان انا مركب زينون وهوة ممنوع يبقى انا اشتريت زينون بمبلغ وقدرة علشان احسن الروية الليلية وفى نفس الوقت بدفع علية فلوس يا صيانة يا مخلفات دة غير انى ملزم لما اجى افحص انى اشيل الزينون قبلها واركب اللمض القديمة وهوة اساسا عقبال معاد الفحص حيكون شيع من زمان ياراجل الزينون دة يتجاب لما يبقى ليجال دة اولا ولما يبقى الاصلى منة بالكتير ب 500 جنية مش الاقى الطقم الاصلى ب 1800 جنية صينى ولمبتة لما تتحرق اجيبها لوحدها ب 400 جنية لية يباشا هوة انا راكب جاجوار ولا اية :)
انا عايز بس الناس تتفاعل معايا شوية وتجاوب على مشاركتى الاساسية لان انا شايف ان الناس متكلمتش خالص على اللمبات العادية دى وكمان نوع الزيت
تحياتى

على فكرة ياميدو الزينون دلوقتى ملهوش دعوة بالضفيرة نهائى يعنى بتاخدله الوصله بتاعته من طرفين البطارية وخلاص
انا جبت زينون hid 6000 وركبهولى واحد كهربائى بس صنايعى نضيف(فى اسكندرية) ماخدش فى ايده ربع ساعة من غير تقطيع سلوك ولا لعب فى الضفيرة كل الى عمله خد زى ماقلت فى الاول طرفين من البطاريه وركب اللمبات مع العلم ان عربيتى برضه لسه فى الضمان
وبعدين قالى دلوقتى الزينون بقى غير زمان يعنى لو لمبة اتحرقت هتغيرها لوحدها او لو اى قطعة حصل فيها حاجة ممكن تغيرها لوحدها من غير ماتجيب جهاز كامل .
عموما الاختيار لك بس انا حبيت اوضح النقطة ديه واسف على الاطاله
وربنا يباركلك فى سيارتك ويكفيك شرها ...تحياتى

المشاركة الأصلية كتبت بواسطة max_pin

على فكرة ياميدو الزينون دلوقتى ملهوش دعوة بالضفيرة نهائى يعنى بتاخدله الوصله بتاعته من طرفين البطارية وخلاص
انا جبت زينون hid 6000 وركبهولى واحد كهربائى بس صنايعى نضيف(فى اسكندرية) ماخدش فى ايده ربع ساعة من غير تقطيع سلوك ولا لعب فى الضفيرة كل الى عمله خد زى ماقلت فى الاول طرفين من البطاريه وركب اللمبات مع العلم ان عربيتى برضه لسه فى الضمان
وبعدين قالى دلوقتى الزينون بقى غير زمان يعنى لو لمبة اتحرقت هتغيرها لوحدها او لو اى قطعة حصل فيها حاجة ممكن تغيرها لوحدها من غير ماتجيب جهاز كامل .
عموما الاختيار لك بس انا حبيت اوضح النقطة ديه واسف على الاطاله
وربنا يباركلك فى سيارتك ويكفيك شرها ...تحياتى

يباشا متشكر جدا على زوقك وكرم اخلاقك وانا فعلا من باقى المواضيع والمناقشات غالبا حركب الزينون بس اظبط الفلوس الاول ان شاء الرحمن ياريت لو تعرف مكان مضمون اجيب منة توصفلى واجيب ال 6000 بكام ومعلش طولت عليك يباشا ومتشكر جدا