نوبيرا 1 ... الكلام ده صحيح ؟؟؟

**mostafashokry** · 15-08-2010 04:23 PM

المشاركة الأصلية كتبت بواسطة samirayad

يظهر مأخدتوش بالكم من فرق السرعات

ياساده

القدره بتتناسب طرديا مع السرعه

ودى قدره عند سرعه ودى قدره عند سرعه تانيه

فكيف تكون النوبيرا 1 ( 1500 سى سى )

أقوى من النوبيرا 2 ( 1600 سى سى )

أمال ال100 سى سى

دول لازمتهم أيه ............!!!!!!!!!!!!!!!!!!

أما مسأله وشها وظهرها

فدى أزواق

ولولا أختلاف الأزواق ............لبارت السلع

بعد أذنك يا باش مهندس/ سمير الهورس باور بيكون خرج الجير + المحرك يعنى ممكن ال100 سى سى هيكون راكب جير صغير و الكلام ده نلاقيه فى اليابانى واضح أوي تلاقى اليابانى 1300 أقوى و أكبر فى الهورس باور الخارج بفضل الجير وتصميم الصبابات و تصميم الغرف الأحتراق , و كمان المحركات حرف الفى الهورس باور الخارج بيبقى أكبر من العادى. ولا أنا فاهم غلط؟؟؟؟؟؟؟؟

**samirayad** · 15-08-2010 04:27 PM

لا أنا بأتكلم والبيانات اللى أنت شوفتها خاصه بالقدره الحصانيه ( هورس باور )

اللى ممكن أأقيسها على حدافة المكنه

يعنى المكنه بس ومليش دخل بأى حاجه تانيه بعد الحدافه

**walidadel81** · 15-08-2010 05:15 PM

المشاركة الأصلية كتبت بواسطة samirayad

ياباشا مفيش حد أساسا بيوصل بالسرعه ل 5500 لفه

دا أنا لما بأوصل ل5000

بأعمل فرح وأحس أنى ممكن أفوت أسطوانة الدبرياج

أذا فى نطاق الأستعمال العاقل للسرعات

لحد 5000 مثلا

فالدفه ( كعزم وتسارع ) بلاشك فى صالح

نورماندى 2

مين يشهد للعروسه ياهندسه انا شايفك يعني جاي بصف نورمندي سكند

**elshreef_hemo** · 15-08-2010 07:32 PM

المشاركة الأصلية كتبت بواسطة samirayad

ياريت نلاقى حاجه حلوه ب 37

أصبر شويه اليومين دول

وخليك على أواخر الصيف وبدايات الشتاء

غالبا فى شهر 12 أو 1

تاخد أحسن الأسعار

أما اليومين دول

حر نار ونفس القصه فى الأسعار

ناس كتير بتقولى كدة ، بس انا مش هقدر اصبر كل ده ، انا تعبت بقالى 5 شهور بدور على عربية

**samirayad** · 15-08-2010 08:06 PM

المشاركة الأصلية كتبت بواسطة walidadel81

مين يشهد للعروسه ياهندسه انا شايفك يعني جاي بصف نورمندي سكند

لا والله
أنا دائما مع الحق ولا أنكر الحق

حتى لو كان الحق ضدى وضد ماورد عن لسانى

فا الحق أحق أن يتبع أو يطاع

ودى سمة الناس الحقانيين ( اللى بيحبوا الحق )

المشاركة الأصلية كتبت بواسطة elshreef_hemo

ناس كتير بتقولى كدة ، بس انا مش هقدر اصبر كل ده ، انا تعبت بقالى 5 شهور بدور على عربية

كلامهم سليم ..........والتحلى بالصبر مطلوب من جهتك لكى تحصل على سياره بسعر وحال مناسب

من واقع خبرتى ودراستى لكيمياء وفيزياء سوق السيارات

**elshreef_hemo** · 15-08-2010 11:29 PM

المشاركة الأصلية كتبت بواسطة samirayad

كلامهم سليم ..........والتحلى بالصبر مطلوب من جهتك لكى تحصل على سياره بسعر وحال مناسب

من واقع خبرتى ودراستى لكيمياء وفيزياء سوق السيارات

انا عايش فى الصعيد يا بشمهندس وبفكر انزل القاهرة اليومين دول على اساس ان كمية المعروض فى القاهرة بتبقى كبيرة ، عايز انزل اقعدلى اسبوع اجيب الوسيط وانزل السوق وابص على كونتاكت كارز ، أكيد هظبط حاجة فى دول ان شاء الله ، والا انت ايه رأيك ؟؟؟

**samirayad** · 15-08-2010 11:31 PM

قول أنك عاوز تهرب من الحر فى الصعيد

والعربيات المعروضه للبيع كتير

بس زى ماقولتلك

لو تقدر تصبر شويه كمان

ممكن توفرلك بتاع 3 أو 4 آلاف جنيه

**mahmoudysf** · 16-08-2010 02:01 AM

المشاركة الأصلية كتبت بواسطة samirayad

على فكره مسموح لنورماندى 2 بالوصول لسرعة 6500 لفه
وده باين على عداد ال rpm (عندى بالتابلوه )

أيه بأه ظروف عداد نوماندى 1

مش عارف الصراحه

هل لحد 6200 فقط وسك على كده ولا ممكن لحد 6500 ( زى أختها الكبيره )

أعتقد أن العداد يسمح بهذا

دا حتى على ما أعتقد

من الممكن الوصول فى الانوس ل6500 لفه ( من كلام سابق فاكره طشاش من أخونا محمد ممدوح ........وجايز أكون مش فاكر أوى )

بس مقتنع أن ذاكرتى معقوله ولسه مهنجتش

الرد بتاع محمد ممدوح كان في دماغي بس مكنتش متاكد من المعلومة ومبحبش افتى
لاكن عموما رد ممدوح الموثق هههههههههه ضعد مزاعم نورماندي 2

المشاركة الأصلية كتبت بواسطة MMamdouh

يا هندسة حساب قدرات المحركات بيبقى من خلال احتساب اقصى قدرة حصانية بتطلعها المكنة وبيذكر مع القدرة دى عدد لفات الموتور فى الدقيقة اللى طلع عندها القدرة دى... بالتالى الموتور ال 1600 عند 6200 حيطلع قدرة اقل من اللى بيطلعها عند 5800 و دة واضح من الdyno chart بتاعتة

القصة دى كنا بحثناها فى دايوتك لما كان فيه ناس عايزة تلغى الrev limiter و كان دايما الرد هو ان الغاء الrev limiter مش حيفيد فى اى حاجة لانك كلما استمريت فى زيادة لفات الموتور بعد 6500 حتفضل تفقد من قدرة المحرك و العربية حتبقى ابطاء مقارنة بواحد نقل عند 6500 لفة... الكلام دة ينفع فقط فى العربيات المعدلة اللى اقصى قدرتها بيطلع عند لفات مختلفة عن الفابيركة او العربيات اللى فيها تربو و محتاج لما تنقل يبقى لفات الموتور فى حدود اللفات اللى تخللى التربو يولد ضغط محسوس... غير كدة زيادة لفات الموتور عن حد اللفات الاقصى يعنى فقد للقدرة

MMamdouh

المشاركة الأصلية كتبت بواسطة samirayad

فعلا هناك ثبات فى القدره الخارجه لحد 6100 تقريبا

يعنى عند 5800 ثابت ناتج القدره لحد 6100 وبعد هذا القدره حتقل

ولكن

لو رجعنا للنوبيرا 1

فتستعطى قدره أقل من النوبيرا 2 عند 5800 برضه

يبقى الكفه برضه فى صالح

نورماندى 2

لا مينفعش نقول ااقل الا لما نرجع لمعادلة القدرة ونحسب القدرة لل 1 عند نفس rpm
وبعدين انت مش واخد بالك من حتة الوزن يعنى لو نورماندي 1 اخف بكام كيلو كدة عن 2
ده هيعوض ويمكن يتفوق على الكام حصان اللي نورماندي 2 بتتفوق بيهم على اختها الكبير نورماندي 1

المشاركة الأصلية كتبت بواسطة samirayad

ياباشا مفيش حد أساسا بيوصل بالسرعه ل 5500 لفه

دا أنا لما بأوصل ل5000

بأعمل فرح وأحس أنى ممكن أفوت أسطوانة الدبرياج

أذا فى نطاق الأستعمال العاقل للسرعات

لحد 5000 مثلا

فالدفه ( كعزم وتسارع ) بلاشك فى صالح

نورماندى 2

انا فعلا اخر حاجة بوصلها 4500 وعمري ما بوصل للفات العاليا دي الا نادرا
وعشان خاطرك يا باشا نخلي العزم نورماندي 2 تكسب كعزم وكتسارع
هنخسر بعض عشان اتنين اخوات نورماندي 1 ونورماندي 2

المشاركة الأصلية كتبت بواسطة elshreef_hemo

هههههههههههه خلاص يا بشمهندس رمضان كريم ، نورماندى توووووووووووووووو تكسب
بس بجد انا نفسى الاقى نورماندى 1 نضيفة انا تعبت من كتر البحث خاصة وإنى عايش فى الصعيد
محدش قدامه نورماندى 1 نضيفة يارجااااااااالة

شوف الوسيط وكونتاكت كار بس لازم تخلى بالك من الحالة كويس

المشاركة الأصلية كتبت بواسطة samirayad

على فكره

أن بأفكر زيك فى شراء واحده نورماندى 1 موديل 99

بس منتظر أما ألاقى فرصه كويسه ومتابع الأسواق

انت كدة بقى عايز تلم شمل العيلة ربنا يوفقك

المشاركة الأصلية كتبت بواسطة elshreef_hemo

طب بما انك متابع الاسواق قولى أيه الاخبار؟؟؟
انا سمعت إن نورماندى 1 بتلعب فى رنج ال 37 ل 40 متزيدش عن كدة ! فعلا الكلام ده؟

صعب تلاقي حاجة نضيفة بالسعر دة اللي معاه حاجة نضيفة وعارفها بيطلب فيها سعر مبالغ فيه
من وجهة نظر الناس
لاكن ربنا يوفقك في حاجة كويسة وسعر حنين

**samirayad** · 16-08-2010 02:06 AM

لا مينفعش نقول ااقل الا لما نرجع لمعادلة القدرة ونحسب القدرة لل 1 عند نفس rpm

طيب ماتحسبها وقوللى نورماندى 1 حتدى قدره أد أيه عند 5800

علشان نقارنها بنورماندى 2 عند 5800 ( المعروفه معانا حاليا أى 104 حصان )

وأنت حتعرف ساعتها

أنى بأكلمك كلام عملى وواقعى

_____________________

وسيبك بأه من موضوع الوزن وغيره دلوقتى

إلا أذا كنت معتقد أن فوانيس نورماندى 2 الكبيره وواضحه هى اللى ممكن تتقلها عن نورماندى 1 ( أم فوانيس صغيره )

**samirayad** · 16-08-2010 02:07 AM

المشاركة الأصلية كتبت بواسطة samirayad

طيب ماتحسبها وقوللى نورماندى 1 حتدى قدره أد أيه عند 5800

علشان نقارنها بنورماندى 2 عند 5800 ( المعروفه معانا حاليا )

وأنت حتعرف ساعتها

أنى بأكلمك كلام عملى وواقعى