الموضوع: سيارة لانسر فضى ميتاليك مكتوب ذهبى ميتاليك فى الرخصة

لأ طبعا الموضوع كده فيه إنَّ .....ممكن تكون العربية متهربة ومضروبلها ورق وأسهل شيء لحام قطعة الحديد إللي عليها رقم الشاسيه.. حاسب يا باشا

ياباشا انا معايا بومة مكتوب فى الرخصة شامبين الا هو الذهبى او بيكتبو دهبى علطول فى اللرخصة
هى حسب الافراج
انا عربيتى مكتوب شامبين و عندى واحد صحبى نفس اللون مكتوب فى الرخصة دهبى
اما موضوع فضى و هى شامبين ( دهبى ) عجيبة

لا طبعا متاخدهاش عمرك جايز تكون العربيه الاصليه عامله حادثه ومتفرتكه والعربيه دي متهربه من بره او مسروقه ومنقول ليها رقم الشاسيه مش اكتر،، لان مهندس الفحص اكيد مش اعمي عشان يكتب الفضي دهبي وميتاليك كمان

يا اما الراجل ده يغيرلك اللون في الرخصه

السلام عليكم
أرجو الرد السريع دلوقتى أنا أمامى سيارة لانسر بومة فضى مانول جميع الكماليات 2007 فابريقة بره وجوه ماعدا الأبواب رش بس رش نظافة فقط بلون الميتاليك
المهم العربية لونها اللون الشائع للانسر البومة فضى ميتاليك لكن مكتوب فى الرخصة ذهبى ميتاليك الصراحة أنا قرأت رقم الشاسية وهو مطابق وسألته عن الموضوع بتاع اللون قالى ماهو الفضى الميتاليك بيتكتب كده فى الرخصة؟؟ صح الكلام ده ولا لا وهل فيها أى خطورة على فى التجديد من عدمه

أنا كنت فى المرور قريب لقيت واحد مش فاكر عربية ايه (اعتقد فرنا) نفس الحالة دى بالظبط , كاتبينله كدا فى الرخصة و العربية لونها مختلف , هو كان بيجدد فقالهم اصلح اللون هى لونها كذا و لا اسيبها زى ما هى ؟ الراجل كان بيسال.
واضح ان الموضوع دا بيحصل كتير فى المرور , حضرتك بس تتاكد و لو طلع كله تمام مفيش مشكلة ان شاء الله بس خليه يغيرهالك الاول احسن انما واضح ان الموضوع دا منتشر مش ان و لا العربية ملعوب فيها و لا حاجة (طبعا حضرتك احسن تتاكد انه مش ملعوب فيها) بس حتى لو كان ملعوب فيها الراجل كان ممكن يروح المرور و يقول انا دهنت العربية و يغير لونها فى الرخصة فانا اعتقد ان الموضوع كله غلطة من المرور فى الاول و بسيطة تتصلح بسهولة و مفيش قلق

هو الغريب يا أخوانى إنه لسه مجدد رخصة فى 31/7 طيب قدر يجددها أزاى؟

العربية فابريقة بره وجوه يبقى أستبعد الموضوع بتاع الأنصاص بس كلامكم صح فعلا وانا هاقوله الأول يغير الموضوع فى الرخصة الأول