الموضوع: اضمنه ازاي؟؟ياريت تساعدوني لو سمحتم

المشاركة الأصلية كتبت بواسطة drmax

الف مبروك عليكى العربية وربنا يديكى خيرها ويكفيكى شرها
الجيتز عربية محترمة وكويسة ولزيزة فى نفس الوقت
وموضوع العداد ده ميقلقش انا لسه شارى لانسر قريب وكانت عاملة 160 كيلو زيك تمام لان المعرض اللى جبت منه بعت جابها من فرع ليه فى المهندسين وانا من طنطا على فكرة فيادوب المشوار..عادى جدا يعنى
وكنت شاريها 2009 مع ان 2010 كانت موجودة بس كان فى فرق سعر وقتها 10 الاف بين الموديلين وكانت دى النبيتى الوحيدة اللى فاضلة من 2009 اللى لقتها وده اللون اللى انا كنت عايزو...يعنى برضو كان فى فرق موديل زى محصل معاكى
وطبيعى جدا انو ينزل السعر عشان الموديل الجديد نزل فبرضو متقلقيش انو نزلك السعر كده..ده العادى فى سوق العربيات ان العربية ينزل فى سعرها لما الموديل الاحدث ينزل
اهم حاجة بس ابقى خفى رجلك من على دواسة البنزين عشان الجيتز جراية مووووت :)
مبروك عليكى مرة تانية

الله يبااااارك فيييك :))))))
ههههههههههههههه انا نفسي اوي اجرب ادووووووووووس ...انا اصلا جبانه جبن فظيع في موضوع السواقه ده...بس بحب الجنان ونفسي اتجنن...بس الخوف الفظيع هو اللي بيغلب عليا كل مره لأني لسه مش متعوده على الشوارع

من سنتين كده قعدت شهرين تلاته اسوق على فترات متقطعه...كانت عربية البيت هنا..كبيره وقديمه بقى وصعبة التحكم وان الواحد يحصر ابعادها...ف كنت ببقى مرعوبه...وأول كام مره حكيت كتير وخبطت وسمعت صوت الحديد بيحك ف بعضه ف فاتعقدت جدا...

الحمدلله بقى الاوتوماتك اريح كتير ماشاء الله...

انا ماعرفتش موضوع ان الحاجات دي كلها عادي-عدد الكيلوات والخصم والكلام ده- الا لما خضت التجربه..اي نعم اعصابي باظت جدا بس الحمدلله ربنا بيكرم

يلا ربنا يباركلك في عربيتك يارب ويكفيك شرها وشر الطريق

وكل الناس يارب

:))))