الزجاج الامامى اتكسر وللاسف عملته فى فرع المقطم

**shoka** · 14-08-2010 09:15 PM

السلام عليكم
كل رمضان وانتم بخير
الحمد لله يوم الاربعاء اول يوم فى رمضان لقيت الازاز الامامى مكسور كلمت الراجل بتاع التأمين قالى تيجى الشركة فى الدقى تعمل اخطار حادث والعربية تتصور وبعدين اروح اصلحها
خلصت الكلام ده يوم الخميس الصبح وروحت للاسف فرع المقطم
دخلت العربية ورشة 10.20 صباحا قالى الزجاج 1100 جنيه قلت ماشى توكيل بقا قالى تلات ساعات وتخلص علشان الزجاج يكون نشف كويس قولتلوا براحتك
طلعت بره استنت فى الاستراحه لحد اذان الظهر وكانت الساعة 12 قولت ادخل اشوف عمل ايه
للاسف لاقيتها واقف مكسوره زى ماهى وحدش جه جمبها
اتكلمت مع موظف الاستقبال ولا فى دماغه حاجه يقولى معلش اصل عندنا ضغط شغل ومفيش الا عامل واحد والباقيين عيانين وواخدين اجازة
المهم ابتدى اشتغل فيها بعد شويه زعيق
الساعة 2.30 روحت اشوف العربيه لاقيت الزجاج ركب
قولتلوا اخد العربية قالى استنى لحد الساعة 3 علشان يتأكد ان الزجاج مسك وقالى روح ادفع وتعالى
روحت لقيت الفاتورة 1620 جنبــــــــــــــــــــــ ـــــــــــــــــــــــــ ه مش عارف ايه السرقة دى
1100 زجاج
140 كاوتش
275 مصنعية
10% ضريبة

المهم العربيه شكلها رجع زى الاول

نيجى بقى للمشكلة
انهاردة ايول يوم امشى بيها وانا رايح الشغل
وقافل الازاز ومشغل التكييف واسمع صوت صفاره هواه
قفلت التكييف والكاسيت وركز اكتر من مرة فعلا لقيت صوت حاسس انه جى من الزاز الاامامى من فوق كده اعلى المرايه
مش عارف اعمل ايه ومش عارف الصوت ده ايه ممكن تنجدونى

**joso** · 14-08-2010 11:21 PM

لا حول ولاقوة الا بالله

اولا حضرتك اتصل الان حالا على الخط الساخن 16202واقلب الدنيا واطلب تكلم مهندس محي رئيس الصيانة في رينو كلها واحكيلة الموضوع بالكامل وان شاء الله كل شيء يتظبط

**joso** · 14-08-2010 11:32 PM

ياريت يا جماعة نتكلم مع الناس بتاعة التوكيل اننا يمعنا عنكم كذا في منتدى نايل موتورز علشان يديهم برضوا احساس ان شغلهم متراقب وبيسمع وان ده بيعملهم سمعه كويسه او وحشه اعتقد ده ممكن يفرق في الاهتمام شويه وعلى الاقل مره ورا التانيه يحسوا ان عددنا كبير طالما ان فكرة اننا نتقابل ونتفق على شكل للتعامل مع التوكيل وغيره موضوع صعب جدا وشبه مستحيل يبقى على الاقل الصيت ولا الغنى

**M.Radwan** · 14-08-2010 11:40 PM

انا آسف جدا
بس حضرتك غلطان انك ركبته فى التوكيل أصلا بالمبلغ ده!

**joso** · 14-08-2010 11:55 PM

المشاركة الأصلية كتبت بواسطة foxoo7

انا آسف جدا

بس حضرتك غلطان انك ركبته فى التوكيل أصلا بالمبلغ ده!

طيب ياباشا كان يركبه فين وبكام

وكل سنه وحضرتك طيب

انا متشكر لاهتمامك في مشكلتي ونصيحتك هيه اللي ساعدت بعد فضل ربنا للحل ورمضان كريم

**MoHaMed HaMeD** · 15-08-2010 12:24 AM

معلش واتصل وهفمهم الى حصل ومتسكتش

كان ممكن يركبه برده عند واحد كان فيه حد هنا ف مدينه نصر زميل الوالد راح رركب عند زجاج كرولا زى الاصل تمام والله وكلفه كله 450 جنيه بمصنيه الراجل وزى الاصل بالظبط فرز اول وكمان عليه لامه الكرولا

**amr.elsayed** · 15-08-2010 02:02 AM

المبلغ دة علشان التامين هو اللى حيدفع لكن لو العميل اللى حيدفع بيطلع انواع تانية غير الاصلى ولكن جودتها زى الاصلى وباسعار كويسة

**Super_Star_h** · 15-08-2010 04:20 AM

مبلغ كبير جدآ وسرقه علنى
لو كنت ركبته بره مكنش هيتعدى ال 500 جنيه تقريبآ
وحوار الصفاره ده
واضح انه شغل عك × عك
السيلكون مش تمام
واللى ركبه مبيفهمش حاجه فى اي حاجه

**tamer61** · 15-08-2010 11:49 AM

المشاركة الأصلية كتبت بواسطة joso

طيب ياباشا كان يركبه فين وبكام

وكل سنه وحضرتك طيب

انا متشكر لاهتمامك في مشكلتي ونصيحتك هيه اللي ساعدت بعد فضل ربنا للحل ورمضان كريم

ممكن في مصنع د/جريش عندنا في مدينة العاشر من رمضان و ماكانش حيتكلف ثلث المبلغ ده و حبايبنا هناك كتييييير و لكن قدر الله و ما شاء فعل.

**shoka** · 15-08-2010 03:44 PM

شكرا ليكوا يا جماعه على ردودكوا ومقترحاتكوا
اولا فعلا انا لو كنت انا الى هادفع تمن الزجاج كنت روحت عند حد تانى ارخص بس انا قولت طالما الواحد مأمن يبقى الغالى تمنوا فيه
مع أنى لما دخلت الورشه جوه حسيت انى فى مكان تعبان جدا كان تخيلى عن التوكيل غير كده خالص يمكن ساعات بشوف فى ورش صغيرة برة احسن من التوكل والله اعلم
المهم روحت انهارده على التوكيل تانى -دخلت على موظف الاستقبال و طبعا هو فاكرنى قولتوا بسمع صوت هوا وكمان النهارده وانا طالع العربيه سمعت زى زنة فى الازاز
راح بعت معاى واحد وراح على المغسله غرق الازاز مياه و جاب مسدس الهوا وعلى الازاز من فوق لقيت المياه دخلت جوه من فوق من ورا المرايه
قالى كده فى فرغات والسيليكون مركبش كويس
وبعدين قالى مش هاينفع النهارده علشان السيليكون لسه طرى كمان يومين تيجى من الصبح علشان نركبهولك كويس
وااله مش عارف اعمل ايه
طبعا انا قولتلوا يعنى انا اجى تلاتة ايام علشان اركب ازا- توكيل ايه بقى كنت ركبتوا برا ب300 والناس بتركبوا فى ساعة
تخيلوا رده كان أيه!!!!!!!!!!!!!!!!!!
معلش حظك وحش الصنايعى الى ركبلك الازاز مش قد كده المره الجايه عم على واحد كان واقف جنبه هو الى هيظبطهولك
بصراحة اسلوب وناس بيهزروا
وااله مش عارف اعمل ايه

الموضوع: الزجاج الامامى اتكسر وللاسف عملته فى فرع المقطم

LinkBack

أدوات الموضوع

عرض

-

-

-

-

المواضيع المتشابهه

الحمد لله على كل شى الزجاج الامامى اتكسر

الزجاج الامامى اتكسر

الزجاج الامامى لللينيا اتكسر

الزجاج الامامى اتكسر

الزجاج الامامى اتكسر

الكلمات الدلالية لهذا الموضوع

المفضلات

المفضلات

ضوابط المشاركة