الموضوع: رابطة مالكي وعشاق التمبرا (الجزء الثاني)

المشاركة الأصلية كتبت بواسطة aliit

الف مبروك ياباشا انا بقالى كام يوم كده بدخل على الرابط مش بلاقى جديد خالص قولت ياترى فيه ايه وبعدين انهادره بالصدفه كده اخدت بالى من كلمه الجزء الاول قولت اكيد يبقه فيه جزء تانى والحمد لله وصلت ، الف الف مبروك وعقبال باقى الاجزاء ان شاء الله

يا باشا ازيك انت بتفتح الرسايل بتاعتك الى بتجيلك بص كدة عليها و قولى يا راجل دة انا عامل لك اضافة فى الاصدقاء من 4 ايام و انت مش معبرنى خالص ههههههههههههه

(البقاء لله )يا مايكل وربنا يصبركوا

أنا برده بحب الدركسيون جدا وبحب التابلوه بتاع العربية على عكس اسامه تماما بس هي التمبرا متميزه بخطوطها الحاده سواء شكلها من بره او من جوه قعدة الكراسي بتاعتها حلوه جدا ممكنتكون احسن من اللانوس والفيرنا وعربيات تانيه في مستواهم
التكييف حلو بس توزيع الهوا في مش زي العربيات الجديده بحس انه بيبقى متركز على وشي او كتفي مثلا
بحب مكان زراير الزجاج في الباب شكله شيك
بحب جدا شكل الفتيس والجلد اللي حواليه وبحس انه فخم حتى انس ابني بيحب الفتيس جدا مع انه ما فيهوش اي حاجه تشد طفل
اماكن تخزين بالهبل طبعا الفتحة اللي جنب العدادات على اليمين في النص وفي كمان مكانين على الشمال
شكل العربية من بره برده بحبه
اللي ما بحبوش بأه
التابلوه احيانا بسمع منه صوت خروشه مع المطبات وانا ما بحبش اصوات وانا سايق خالص بس هاروح افكه واعرف القصه دي سببها ايه بس مستني اروق
ما بحبش صوت العربية لما بشغل التكييف بحسه علي اوي بس بتعود عليه يعد شويه
بس كده اظن العربية كلها بحبها بعد كده لو افتكرت حاجه برده هاقلكم
برده مكان زراير الكلاكس خنيق جدا خاصة ان الزرار اليمين بايظ
العربية بالنسبه للارتفاع بتحك مني لما تكون محمله لكن لو لوحدي غالبا ما بتحكش

المشاركة الأصلية كتبت بواسطة reemnabel

فى موضوع كده فكرت فى فكره كده ايه رئيكم كل واحد فينا يقول ايه ال بيحبه فى عربيته اكتر حاجه وايه ال كان نفسه يكون موجود فى عربيته
ابتدى انا الاول طبعا بما انى صاحب الفكره انا اكتر حاجه بحبها فى عربيتى انها واسعه وعاليه عن الارض ماشى فاهم ان كل ده فى كل العربيات التمبرا بس ده انا بحبه فى عربيتى يعنى
ويحب كمان انها بتتحمل وشكلها بحبه جدا وشكل الدركسيون
كان نفسى بقه يكون فيها تكيف طبعا كلكم عرفين ده
وكان نفسى يكون شكل التبلوه مختلف وكان نفسى يكون فى مكان يتحط فيه مج للنسكافيه او الشاى وكان نفسى الكلاكس بتاع العربيه يكون اسهل شويه يعنى عندى رخم جدا ولو افتكرت حاجه هقولهالكم

بصى انا حا اقول عاوز اية فى المشاركة الجاية بس طرأ فى ذهنى شيىء الا وهو انتى العربية بتاعتك الدريكسيون فيها لو موديل 92 حا يبقى تقريبا الشكل الاول و بعدين التمبرا الى بعدها الدريكسيون الصورة التانية و الاخيرة دى التمبرا الى فيها أير باج بصى أعتقد ان الشكل التانى ممكنن يركب بسهولة و سعر الطارة لوحدها 150 جنية تقريبا و طبعا الكلاكس حا يبقى شغال حلاوة و الكلام دة لما كنا فى العزبة أعتقد زلبانى كان سأل على الزرار بتاع الكلاكس و طبعا الراجل قال لازم ياخد الطارة كلها الصور أهية