رابطة مالكي وعشاق التمبرا (الجزء الثاني)

**reemnabel** · 17-08-2010 04:55 PM

المشاركة الأصلية كتبت بواسطة bonanza

انا بقي اللي مش بحبه في العربية اكتر من اللي بحبه . و عموما هي حاجات عامه في كل العربيات التمبرا مش عربيتي انا بس
نبتدي بالقليل ... اللي بحبه
1- شكلها من بره بيعجبني و خصوصا انها عالية من ورا
2- الباور بتاعها ناعم جدا جدا
3- التكييف التاتش شكله حلو
4- احلي حاجة فيها انها ثابتة و من جوه واسعة جدا

نيجي بقي للي مش بحبه فيها
1- العفشة الامامية غريبة جدا ... و اعطالها بالنسبالي كتيير ده غير ان العفشجيه بيكرهوا الشغل فيها زي العمى
2- سحب العربية مع التكييف ضايع
3- التابلوة العجيب ده مش بيعجبني خالص و كان نفسي في التابلوه بتاع الموديلات البرازيلي
4- المرايه اليمين بتاعتها مالهاش اي تلاتين لازمة ، انا عاوج مراية الصالون عشان تجيبلي اللي جاي علي يميني
5- عزل العربية عندي ضايع ، كل يوم تراب اد كده علي التابلوه معرفش بيدخل منين
6- مكان زرار الكلاكس في الدركسيون قمة الغلاسه
7- المدافع اللي بتطلع من الشكمان
8- اكتر حاجة مضايقاني منها بقي هي اني لما اجي ادور الصبح او بعد مشوار ظريف اعد اكارك بنزين عشان تلقط
كفاية كده عشان انا شردتها خالص

التراااااب وده مشكلتى برضو لو لقيت لها حل قولى
بس المرايا اليمين شغاله والله مفيهاش عيب

**reemnabel** · 17-08-2010 04:57 PM

المشاركة الأصلية كتبت بواسطة zalabany

أنا برده بحب الدركسيون جدا وبحب التابلوه بتاع العربية على عكس اسامه تماما بس هي التمبرا متميزه بخطوطها الحاده سواء شكلها من بره او من جوه قعدة الكراسي بتاعتها حلوه جدا ممكنتكون احسن من اللانوس والفيرنا وعربيات تانيه في مستواهم
التكييف حلو بس توزيع الهوا في مش زي العربيات الجديده بحس انه بيبقى متركز على وشي او كتفي مثلا
بحب مكان زراير الزجاج في الباب شكله شيك
بحب جدا شكل الفتيس والجلد اللي حواليه وبحس انه فخم حتى انس ابني بيحب الفتيس جدا مع انه ما فيهوش اي حاجه تشد طفل
اماكن تخزين بالهبل طبعا الفتحة اللي جنب العدادات على اليمين في النص وفي كمان مكانين على الشمال
شكل العربية من بره برده بحبه
اللي ما بحبوش بأه
التابلوه احيانا بسمع منه صوت خروشه مع المطبات وانا ما بحبش اصوات وانا سايق خالص بس هاروح افكه واعرف القصه دي سببها ايه بس مستني اروق
ما بحبش صوت العربية لما بشغل التكييف بحسه علي اوي بس بتعود عليه يعد شويه
بس كده اظن العربية كلها بحبها بعد كده لو افتكرت حاجه برده هاقلكم
برده مكان زراير الكلاكس خنيق جدا خاصة ان الزرار اليمين بايظ
العربية بالنسبه للارتفاع بتحك مني لما تكون محمله لكن لو لوحدي غالبا ما بتحكش

انا عندى اليمين بايظ برضو هو ده اوبشن نازل مع العربيه ولا ايه
انا العربيه عندى كان فيها نفس مشكله الحكه فى المطبات دى مع التحميل الزياده بس رحت لبتاع العفشه ربط حاجات كده وبقت العربيه تمام

**heshamzaky** · 17-08-2010 05:01 PM

المشاركة الأصلية كتبت بواسطة mosa_mody

السلام عليكم ...انا الحمد لله رصصت وضبط زوايا والعربية الحمد لله لحد كبير فى ثبات على السرعات العالية ولكن لى سؤال بالنسبة لمروحة التكييف المفروض تشتغل بصفة مستمرة مع تشغيل التكييف أم على فترات متقطعة ...وشكراً

بتفصل بس مش حا تفصل لان الكومبريسور حيفضل شغال فى الحر بتاع الصبح او الزحمة باليل لو انت على طريق سفر حا تحس بيها و هى بتفصل

**reemnabel** · 17-08-2010 05:01 PM

المشاركة الأصلية كتبت بواسطة heshamzaky

بالنسبة لى الحمد لله راضى تمام الرضا و اكتر حاجة بتعجبنى فى التمبرا ههههههههههههههه شكل الهواية الخلفية بجد و بالنسبة للصالون الداخلى الف حمد و شكر فية كل الى كان ممكن أفكر أعملة ما عدا لو ركبت مرايات كهرباء و زجاج كهرباء للأبواب الخلفية و دول ممكن يتعملو زى الفابريكة تمام و الحمد لله الجنوط الاسبور موجودة و التابلوة فية بالفعل الابانوس و الشنطة ركبتلها الاسبويلر و العدادات مركب عدادات أسبور ديجيتال على القايم ب اليل بيدو أضاءة جميلة و شكلها أسبور و الفوانيس مركب لمض بيضاء انا عن نفسى عاجبنى و مركب لمض ليدات فى الفانوس الخلفى لما تجيب مرشديرالاضاءة بتاعتهم شكلها برضو حلو و اكتر حاجة و الله عجبانى فى العربية بجد فتحة السقف بتدى العربية شكل جمالى حلو جدا و شكلها اسبور و مدية حداثة لموديل العربية بالنسبة للموتور الحمد لله كافى بس طبعا هل من مزيد و التكيف نفسى اوضب فية بزيادة و اخلية تكيف تلاجة و اية كمان لو تكلمت عن عدة الصوت كل الى عاوزة صب و جى ام و بس هههههههههههههههههه

ربنا يبارك لك فيها
بس موضوع المرايات الكهربا ده فى عربيات بتيجى كده تمبرا اساسا ولا ايه
والاضاءه الخلفيه دى تختلف عن الاضاءه الخلفيه العاديه

**heshamzaky** · 17-08-2010 05:06 PM

المشاركة الأصلية كتبت بواسطة reemnabel

ربنا يبارك لك فيها
بس موضوع المرايات الكهربا ده فى عربيات بتيجى كده تمبرا اساسا ولا ايه
والاضاءه الخلفيه دى تختلف عن الاضاءه الخلفيه العاديه

لو قصدك على النور الى انا عاملة فى نور المارشدير موضوع تافه و سهل جدا مجرد لمبة بتركب مكان لمبة و السلام و رخاص كانو الاتنين ب 10 جنية تقريبا و بس

**heshamzaky** · 17-08-2010 05:10 PM

اسامة انت بتقول حاجات عجيبة بص يا معلم بالنسبة للمرايا اليمين انت كدة ههههههههههه المرايا الى عندك مخوخة من مكانها ما قولتش الموضوع دة ل عمو لية هههههههه أسامة لو ركبت مرايا عدلة ب 70 جنية أستيراد حا تدعيلى بص الافضل لما أشوفك سوق العربية بتاعتى و بعد كدة أحكم يا معلم و شوف المرايا عاملة ازاى انا وريتها ل عادل و خالد انت محتاج ظبط موتور بس دة مش تخصصى انا ظبط عمك جاليليو ب 2 شاورمة ههههههههه و الله ممكن يظبطها هوة او يحدد العيب بالظبط

**heshamzaky** · 17-08-2010 05:11 PM

المشاركة الأصلية كتبت بواسطة reemnabel

ربنا يبارك لك فيها
بس موضوع المرايات الكهربا ده فى عربيات بتيجى كده تمبرا اساسا ولا ايه

اة فى تمبرا كانت بتزل ب مرايات كهرباء و 4 زجاج كهرباء و بتبقى من بورسعيد استيراد

**yoyomano** · 17-08-2010 05:36 PM

المشاركة الأصلية كتبت بواسطة heshamzaky

بصى انا حا اقول عاوز اية فى المشاركة الجاية بس طرأ فى ذهنى شيىء الا وهو انتى العربية بتاعتك الدريكسيون فيها لو موديل 92 حا يبقى تقريبا الشكل الاول و بعدين التمبرا الى بعدها الدريكسيون الصورة التانية و الاخيرة دى التمبرا الى فيها أير باج بصى أعتقد ان الشكل التانى ممكنن يركب بسهولة و سعر الطارة لوحدها 150 جنية تقريبا و طبعا الكلاكس حا يبقى شغال حلاوة و الكلام دة لما كنا فى العزبة أعتقد زلبانى كان سأل على الزرار بتاع الكلاكس و طبعا الراجل قال لازم ياخد الطارة كلها الصور أهية

بص يا اتش انا عربيتى نفس الشكل الاول نفس الدريكسيون والعدادات الديجيتال بس لوحة مفاتيح التكييف اللى مش موجود اصلا نفس المفاتيح فى الصورة التانية

**heshamzaky** · 17-08-2010 05:41 PM

المشاركة الأصلية كتبت بواسطة yoyomano

بص يا اتش انا عربيتى نفس الشكل الاول نفس الدريكسيون والعدادات الديجيتال بس لوحة مفاتيح التكييف اللى مش موجود اصلا نفس المفاتيح فى الصورة التانية

ايوة عادى الصور دى مش ايديال يعنى انت كدة التكيف عندك زراير تاتش صح كدة بس مفيش تكيف اية دة انت عربيتك 1400 سى سى و لا 1600 سىسى اعتقد كدة 1400 موديل 92 مثلا

**yoyomano** · 17-08-2010 06:06 PM

1600 سى سى عدادات ديجيتال+ مراية يمين كهربا +2 زجاج كهربا + سنتر بالكامل يعنى 4 ابواب والشنطة+ باور (بس تقيل شوية ) +هاف انجيكشن موديل 92 موافقة استرادية بس اتمسكت بيها وكعيت 12 الف وفكيت الحظر بعد ما مشيت بيها 3 سنين محدش قالى فين رخصتك واول واحد قالها كان مباحث جمارك