رابطة مالكي وعشاق التمبرا (الجزء الثاني)

**galilio_mad** · 19-09-2010 04:28 PM

السلام عليكم

ازيكم جميعا و عاملين ايه ؟؟ يا رب يكون الجميع بخير و سعادة ان شاء الله

قبل اى حاجة احب اوجه شكر خاص جدا جدا للزملاء و الاخوه الافاضل " هشام " و " عادل " على اهتمامهم و مكالماتهم التليفونية

و اخص بالشكر " عادل Adelco " و بجد مكالمته و الكلام اللى كتبه هم السبب فى انى اعيد تفكير فى الموضوع
الراجل و لا يعرفنى و لا عمره شافنى و قال كلام جامد جدا باشكره قوى عليه و على ثقته الغاليه في شخصى المتواضع
و ربنا يقدرنى و اكون عند حسن ظن الجميع

و ده يا جماعة بعض الكلام اللى قاله عادل و لو يسمحلى انى اعلق على بعض النقاط اللى هو قالها

المشاركة الأصلية كتبت بواسطة adelco

وكمان هو ليه رؤيه فى موضوع ان حد ممكن يحط رايه فى موضوع من غير ما يكون متاكد من اجابته طبعا انا اول واحد ممكن يفتى وانا باكون وقتها مش شايف ا ن دى مشكله لانى مش بفكر زى جاليليو انا ساعتها بكون فاكر انى بساعد او بحاول انصح

يعنى من الاخر جاليليو ما بيحبش الكلام الكثير عشان يقدر يفيدنا وهو عاوز يخدمنا لاقصى مدى والكلام الكثي ما بيخليهوش يقدر يعمل كده

واخر حاجه انا نفسى يا جاليليو تدخل زى ما وعدتنى انك بعد العيد ان شاء الله هترجع

انا نفسى ساعات بابقى مش متأكد من معلومة سمعتها او قريتها بس باقول فى بدايه كلامى ان ده رأى شخصى او انى مش متأكد
ده بجانب ان فى بعض المشاكل ليها اكتر من سبب

زى ما ييجى حد يقول " العربية بتقطع " او " العربية ما بتسحبش "
هل انا مطالب انى اقعد احكيله كل اسباب التقطيع و ضعف السحب عميانى و من غير اى معلومات توضح جذور المشكله
و لما اسأل الاقى مفيش ردود او ردود مش كاملة " مش باعيب فى حد لا سمح الله بس طبعا فى ناس معرفتها بالميكانيكا بسيطة او معندوش معلومات عن الشغل اللى الميكانيكى بيعمله فى العربية "
طيب ازاى حد يقدر يفيده بدون معلومات ؟؟؟؟

و انا مقدرش احجر على حرية حد و اقوله قول ده و ما تقولش ده , لانى مؤمن بالحرية الشخصيه لابعد مدى
و لا اقدر افرض على حد اسلوب نقاش و لا اقدر برضو اقول للناس ما تهرجش

هى بس المشكلة ان المواضيع الجانبية او التهريج بياخد حيز كبير قوى من المشاركات و بتاخد وقت و مجهود فى القرايه و الرد منى او من غيرى , و افتكر انى شخصيا اتوجه لى لوم من بعض الاخوه بانى ما بردش عليهم فى اسئله و انا فعلا باكون ما شفتهاش فى وسط المشاركات اللى بره الموضوع

انا طولت عليكم قوى و لسه فى مشاركة كمان " طويلة " برضو :) , حارد فيها على بعض الحاجات اللى فاتتنى
و ان شاء الله حاحاول اكون متواجد على قد ما اقدر فى المنتدى و ربنا يجيب الخير

و تانى , شكر خااااااص جدااااااا للاخ الفاضل عادل , على كلامه و اخلاقه العاليه اللى شفتها منه فى مكالمة تليفونية قصيره
و ان شاء الله نتقابل و تكون معرفة خير بأمر الله

**galilio_mad** · 19-09-2010 04:29 PM

المشاركة الأصلية كتبت بواسطة Tamerelbasry

بالرغم من اني جديد عليكم إلا إني محبش ينقص منا حد ودى مش اى حددى جاليليو

متشكر جدا لذوقك و اهلا بيك فى الرابطة

المشاركة الأصلية كتبت بواسطة Bonanza

انا رسالتي دي لجاليليو
بغض النظر عن اي شيئ يا جاليليو
فا مينفعش رابطة التمبرا مايبقاش فيها جاليليو
اكتر واحد بيفهم فيها و عنده خبرة بشهادة كل اعضاء الرابطة

عموما اي مشاركة بتفيد الناس الموجوده و الناس اللي لسه هاتيجي
فا ماينفعش اللي عنده علم يمنع علمه عن الناس
ولا ايه يا كبير

يا اسامة ربنا يخليك و متشكر على الشعور الطيب ده

و السؤال , الشهادة دى انت برضو ماضى عليها زى الكارنيهات و لا ايه ؟؟؟

و الف الف مبروك على مشروع الجواز و على الخبر اللى فى الجرنان , بسم الله ما شاء الله كنت منور

المشاركة الأصلية كتبت بواسطة kdosoki

مش عارف اقول ايه يا جاليليو
اذا كانت الظروف دى تمنعك من التواصل معانا او التقليل من التواصل معانا فده مش معناه اطلاقا الكلام اللى انت كتبته
احنا نصبر على قله مشاركاتك انما مش هنصبر على عدم مشاركاتك

خالد باشا , متشكر جدا , و ان شاء الله حاحاول اكون متواجد معاكم على قد ما اقدر

المشاركة الأصلية كتبت بواسطة heshamzaky

الى بيضايقة انة بيقول اننا بنجادل معاة فى المعلومة و انا من ضمن الناس الى بتتجادل فى المعلومة برضو

نفسة تكون المواضيع هادفة 100 فى ال 100 بس دة صعب جدا و شبة مستحيل

من حق كل واحد انه يناقش و يحاول يوضح وجهة نظرة و لازم اسمعه و يا اقنعة يا يقنعنى

بس فى حاجات مافيهاش صح و غلط , فى حاجات بتبقى مسلمات و ده ما بيبقاش كلامى بيبقى كلام الناس اللى عملت العربية

و انا ما قاتش انى عايز كل المواضيع هادفة لانى لو قلت كده ابقى عبيط و باضحك على نفسى

انا اللى قلتله بالنص " المواضيع الجانبية بتاخد اكتر من حجمها بكتييييير جدا "

و رأيى الشخصى انه مش ذنب حد عايز يستفيد و لا ذنبى اننا نقعد نقرا مغامرات و قصص مسليه فى 20-30 مشاركة ورا بعض

المشاركة الأصلية كتبت بواسطة heshamzaky

بص موضوع الزنة الخيفة دة مرة كان جاليليو قال ان زيت الباور ممكن يتاخد منة هواء بيفك الخرطوم تقريبا و يزود زيت الهواء بينطرد بة بص ممكن تسال جاليليو كلمة على الموبيل و أسألة مش ممانع ان أى حد يكلمة ابدا بجد كلمة و أسألة و عيد علية بالمرة كمان

فك الخرطوم لتغيير الزيت بس , لو عايز تاخد هوا تملى علبة الزيت لغاية المنسوب الطبيعى بتاعها

تدور العربية و تكسر الدركسيون 5-6 مرات من اقصى اليمين لاقصى الشمال بس كده

و الزنة بتبقى من الطرمبة نفسها و الزنة دى لازم تبقى موجوده بس مش ملحوظة ( لانها طرمبة ميكانيكية )

لو الزنة عاليه او صوتها خشن شوية جرب تغير الزيت كله حيحسن الوضع شوية

المشاركة الأصلية كتبت بواسطة reemnabel

وبا استاذ جاليليو لو بعد العيد مرجعتش تشارك تانى على المنتدى الرجاله هتعمل اعتصام عند بيتكم وتجمهر
وهتحتاج تجيب قوات مكافحه الشغب انت حر بقه انا قولت لك ال بيخططوا له

متشكر جدا يا ريم و بلاش موضوع الاعتصامات ده لحسن الداخلية تشم خبر و تبقى مشكلة

المشاركة الأصلية كتبت بواسطة caysersosaih

أعتذر عن المشاركة في المنتدي لمده 3 اسابيع لظروف امتحان الدكتوراه
دعواتكم لي بالتوفيق

مع اطيب التمنيات بالنجاح و التوفيق ان شاء الله

المشاركة الأصلية كتبت بواسطة heshamzaky

هههههههههههه يا باشا انا قلت نظف بية و العربية دايرة علشان ما يرسبش فى المانافولد و يطرد كل الرواسب برة و على فكرة دة بينشف و يطير فى ثوانى ما بيعدش أكتر من 5 ثوانى بيفور و ينظف و يتطاير على طول المهم السسحب اخبارة اية لو قرصت بقى

لو مجارى البوابة فيها كربون و تراب كتييير يبقى احسن لو الكربراتير اتفك خالص و اتنضف و هو بره

لان القاذورات دى ممكن يكون فيها ذرات رمل او كربون كبيرة و ممكن تسلخ الشميز

المشاركة الأصلية كتبت بواسطة heshamzaky

لآ طبعا مش ممنوع الممنوع ال ديفندر زى الى على الجيب و الماتركس و القطرة الخلفية الحديد أنا أسبويلر لآ طبعا

لو حب مهندس الفحص يقفش عليك حيقولك " تعديل فى شكل العربية " و " اضافات تحجب الرؤية "

و حصلت مع واحد صاحبى كان مركب سبويللا ارتفعه 12سم على بورا و المهندس خلاه شاله

المشاركة الأصلية كتبت بواسطة ZALABANY

يار جاله هي عوامة البنزين بتكب في الشنطة ورا ولا مع الطرمبة تحت الكنبه ياريت اللي غيرها يقولنا

طرمبة ايه اللى تحت الكنبة دى ؟؟؟؟؟؟؟؟؟؟؟؟؟؟؟؟

فى الكربراتيرالطرمبة بتبقى راكبة فى البلوك و ميكانيكية و فى الانجكشن بتبقى مع العوامة جوه التنك و كهربا

المشاركة الأصلية كتبت بواسطة heshamzaky

طب اية رايك ان التمبرا لها رادياتير أصلى و نحاس يا زلبانى انا استغربت بس مستنى النتيجة النهائة الرادياتير مستورد و اصلى و نحاس

صعب قوى قوى قوى الكلام ده , الرادياتير ده غالبا مش اصلى
هو عليه ختم Fiat/Lancia ؟؟

**mlav_cbr** · 19-09-2010 04:42 PM

المشاركة الأصلية كتبت بواسطة adelco

السلام عليكم
متشكرين يا عم هشام على الصور
جازاك الله عنا خيرا ولو ان المنتدى كده هيضلم
المهم انا كنت فاكر انى اقولك امسح النمر بس انت برافو عليك انك افتكرت تمسحهم
بس حضرتك مسحت النمر من الصور الصغيرة وسبتها فى الصورة الكبيره الله ينور عليك يا h
ماشى انا هوريك
كده عليك درزة بيبسى دسته يعنى

اانا كدة هعملك مخالفه سير عكس اتجاة

**mlav_cbr** · 19-09-2010 04:55 PM

صعب قوى قوى قوى الكلام ده , الرادياتير ده غالبا مش اصلى
هو عليه ختم Fiat/Lancia ؟؟

[/QUOTE]

حمد لله على السلامه يا جاليلو باشا

نفس الموضوع اللى كنت بتكلم عليه قبل كدة بس للاسف الناس بردو مغرمه بالتشات خلى بالكم انا بقرأء كل المشاركات يوميا وتلاقونى برد مرة او اتنين بالكتير فى حاله ان حد يسأل سؤال واعرف اجابته غير كدة بستنى رد الاخوة للمعرفه عشان نفيد ونستفيد

**mikology** · 19-09-2010 05:19 PM

صبح صبح يا جاليليو - تييت تييت - فووووو
حمدالله على السلامه يا عم

**heshamzaky** · 19-09-2010 06:20 PM

المشاركة الأصلية كتبت بواسطة kohana

ياعم هشام اعملنا هنا جمعية فى الرابطة ب150 جنيه فى الشهر ولوكانت الجمعية ب10 انفار يبقى القبض 1500 جنيه ايه رايك؟؟؟؟؟؟؟؟؟؟؟؟؟؟؟؟

موافق طبعا يا باشالا و اقبض انا الاول و اهرب ل سويسرا ههههههههههههههههههههههههه ههههه

**heshamzaky** · 19-09-2010 06:22 PM

حمد الله على السلامة يا جاليليو نورت المنتدى

**eng_tefa** · 19-09-2010 08:07 PM

المشاركة الأصلية كتبت بواسطة adelco

السلام عليكم
ازيك يا عاطف باشا صباح الفل
الف مبلروك وان شاء الله العوامه تبقى كويسه ومتشكرين يا باشا على ذوقك

يا دكتور العفو على ايه طمنا بس لما تشتريها
جاليليو رجع يا رجااااااااله

حمدلله على السلامه يا باشا

**Bonanza** · 19-09-2010 08:47 PM

المشاركة الأصلية كتبت بواسطة galilio_mad

يا اسامة ربنا يخليك و متشكر على الشعور الطيب ده

و السؤال , الشهادة دى انت برضو ماضى عليها زى الكارنيهات و لا ايه ؟؟؟

و الف الف مبروك على مشروع الجواز و على الخبر اللى فى الجرنان , بسم الله ما شاء الله كنت منور

الله يبارك فيك يا ابو حميد
عقبالك يا عم
و انت اللي نورت المنتدي يا باشا

**reemnabel** · 19-09-2010 09:13 PM

اذيكم ياجماعه ونورت ياجاليليو المنتدى
انا غيرت النهارده جلده الكوبلين عشان كانت جايبه زيت من فتره ولمااتفكت لقيتها مقطوعه فعلا قطع جامد
بس فى حاجه غريبه فى العربيه
مبتدورشى بسرعه بقالها كذا يوم حوالى 3 ايام كده صوت المارش عادى بس مبتلقطشى يعنى لازم اطفيها وادور مرتين على ما تلقط ومش من اول تكه للمفتاح ذى ما العربيه متعوده كان مجرد تكه بسيطه العربيه بتدور
قولت للمكانيكى وغير فلتر البنزين وبص على البوجيهات قالى مفيش سبب يخليها تعمل كده والبطاريه لسه جديده كمان

الموضوع: رابطة مالكي وعشاق التمبرا (الجزء الثاني)

LinkBack

أدوات الموضوع

عرض

-

-

-

-

-

المواضيع المتشابهه

رابطة مالكي وعشاق التمبرا (الجزء الخامس)

رابطة مالكي وعشاق الماريا والبرافا

رابطة مالكي وعشاق التمبرا (الجزء الرابع)

رابطة مالكي وعشاق التمبرا (الجزء الثالث)

رابطة مالكي وعشاق التمبرا (الجزء الأول)

الكلمات الدلالية لهذا الموضوع

المفضلات

المفضلات

ضوابط المشاركة